ក្រសួង​ប្រៃសណីយ៍ ដាក់​កំហិត​ឲ្យប្រតិបត្តិករទូរគមនាគមន៍
Connect with us
Helistar Cambodia - Helicopter Charter Services

ព័ត៌មានជាតិ

ក្រសួង​ប្រៃសណីយ៍ ដាក់​កំហិត​ឲ្យប្រតិបត្តិករទូរគមនាគមន៍

Published

on

​ក្រសួង​ប្រៃសណីយ៍​ និង​ទូរគមនាគមន៍ ​បានកំណត់ឲ្យប្រតិបត្តិករទូរគមនាគមន៍ទាំង​អស់តភ្ជាប់និងបញ្ជូន​ទិន្នន័យសេវាទូរគមនាគមន៍ និងព័ត៌មានវិទ្យា មកកាន់មជ្ឈមណ្ឌលគ្រប់គ្រងទិន្នន័យសេវាទូរគមនាគមន៍ និងព័ត៌មានវិទ្យា ឲ្យបានត្រឹមថ្ងៃទី១ ខែមករា ឆ្នាំ២០២០ជាកំហិត។
 
តាមរយៈ សេចក្តីជួនដំណឹងរបស់ ក្រសួងលោក  ជា វ៉ាន់ដេត រដ្ឋមន្ត្រី​ក្រសួង​ក្រសួងប្រៃសណីយ៍ និង​ទូរគមនាគមន៍ បានមានប្រសាសន៍ថា ក្រសួងសង្កេតឃើញថា មានប្រតិបត្តិករទូរគមនាគមន៍​ភាគច្រើន​បានតភ្ជាប់ និងបញ្ជូនទិន្នន័យសេវាទូរគមនាគមន៍ និងព័ត៌មានវិទ្យា មកកាន់មជ្ឈមណ្ឌលគ្រប់គ្រងទិន្នន័យ​សេវាទូរគមនាគមន៍ និងព័ត៌មានវិទ្យា។ប៉ុន្តែមានប្រតិបត្តិករទូរគមនាគមន៍មួយចំនួនទៀត មិនទាន់​បាន​ភ្ជាប់​នៅឡើយទេ បើទោះបីជាក្រសួងបានក្រើនរំលឹកតាមរយៈលិខិតជូន​ដំណឹង និងកិច្ចប្រជុំ​ជាច្រើនលើក​ក៏ដោយ​។
 
លោករដ្ឋមន្ត្រីបានបន្តថា«ដើម្បីបង្កើនប្រសិទ្ធភាព និងតម្លាភាព ក្នុងការកៀរគរចំណូលរដ្ឋពីវិស័យ​ទូរគមនាគមន៍​ប្រតិបត្តិករទូរគមនាគមន៍ទាំងអស់ ត្រូវធ្វើការតភ្ជាប់ និងបញ្ជូនទិន្នន័យមកមជ្ឈមណ្ឌល​គ្រប់គ្រងទិន្នន័យសេវាទូរគមនាគមន៍ និងព័ត៌មានវិទ្យាសម្រាប់ជាមូលដ្ឋានផ្ទៀងផ្ទាត់ការបង់ចំណូលជូនរដ្ឋ ឱ្យបានចប់សព្វគ្រប់ត្រឹមថ្ងៃទី១ ខែមករា ឆ្នាំ២០២១ ជាកំហិត »។

លោករដ្ឋមន្ត្រីបានព្រមានថា ក្នុងករណីប្រតិបត្តិករទូរគមនាគមន៍ណាដែលមិនអនុវត្តតាមការណែនាំ​របស់​ក្រសួង​ទេ នោះក្រសួងនឹងមានវិធានការតាមផ្លូវច្បាប់ដូចជាព្យួរ ឬលុបអាជ្ញាបណ្ណជាដើម។

គួរបញ្ជាក់ថា កន្លងមកក្រសួងប្រៃសណីយ៍ និងទូរគមនាគមន៍ បានសម្រេច​លុបអាជ្ញាបណ្ណចំនួន៣​របស់​ក្រុម​ហ៊ុន Chuan Wei (Cambodia) Co., Ltdនិងបានសម្រេចលុប និងព្យួរអាជ្ញាបណ្ណរបស់​ប្រតិ​បត្តិករ​ទូរគមនាគមន៍ ចំនួន ១៧ ក្រុមហ៊ុន ដោយសារក្រុមហ៊ុននេះ មិនអនុវត្តទៅតាមច្បាប់៕
 
អត្ថបទ ៖ សំអឿន
 
 
 

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ3 hours ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ3 hours ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ3 hours ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ5 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ5 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services