កូនប្រុសទាំងបីសម្តេចវិបុលបញ្ញា សុខ អានឡើង​មុខ​តំណែង ៣ ក្រសួង​ផ្សេង​គ្នា
Connect with us
Helistar Cambodia - Helicopter Charter Services

ព័ត៌មានជាតិ

កូនប្រុសទាំងបីសម្តេចវិបុលបញ្ញា សុខ អានឡើង​មុខ​តំណែង ៣ ក្រសួង​ផ្សេង​គ្នា

Published

on

ភ្នំពេញ៖ កូនប្រុសទាំងបីរបស់សម្តេចវិបុលបញ្ញា សុខ អាន ត្រូវបានព្រះមហាក្សត្រនៃព្រះរាជាណាចក្រកម្ពុជាត្រាស់បង្គាប់តែងតាំងមុខតំណែងជារដ្ឋលេខាធិការ និងអនុរដ្ឋលេខាធិការនៅតាមក្រសួងបីផ្សេងគ្នា។

លោក សុខ សូកាន

កូនប្រុសទាំងបីនាក់នោះរួមមានលោក សុខ សូ​កាន ត្រូវបានតែងតាំង​ជា​រដ្ឋលេខាធិការ​ក្រសួង​រៀបចំ​ដែនដី នគរូបនីយកម្ម និង​សំណង់ តាមព្រះរាជក្រឹត្យចុះថ្ងៃទី១៦ ខែធ្នូឆ្នាំ២០២០។

លោក សុខ សូកេន

លោក សុខ សូកេន បានឡើងជារដ្ឋលេខាធិការក្រសួងការបរទេស និងសហប្រតិបត្តិការអន្តរជាតិតាមព្រះរាជក្រឹត្យចុះថ្ងៃទី១៨ ខែធ្នូឆ្នាំ២០២០បន្ទាប់ពីលោកកាន់តំណែងជាអនុរដ្ឋលេខាធិការក្នុងក្រសួងនេះ ចាប់តាំងពីឆ្នាំ២០១៦មក។

លោក សុខ សង្វារ

ចំណែក​លោក សុខ សង្វារ ត្រូវ​តែងតាំង​ជា​អនុរដ្ឋលេខាធិការ​ក្រសួងទេសចរណ៍​​តាមព្រះរាជក្រឹត្យ​កាលពីថ្ងៃទី១៥ ខែធ្នូឆ្នាំ២០២០ បន្ទាប់ពីលោកបានកាន់ជាអគ្គនាយករង​នៃ​អាជ្ញាធរ​ជាតិ​អប្សរាអស់រយៈពេល៧ឆ្នាំរួចមក​។​

លោក សុខ សង្វារបានលើកឡើងតាមរយ: Facebook នៅថ្ងៃទី១៨ ខែធ្នូ ឆ្នាំ២០២០ថា លោកមានអារម្មណ៍ថាមានកិត្តិយសផង ហើយក៏មានអារម្មណ៍ភ័យផង ក្រោយទទួលបានតំណែងជាអនុរដ្ឋលេខាធិការក្រសួងទេសចរណ៍។

លោក សុខ សង្វារ បានបន្តថា «ខ្ញុំមានកិត្តិយសដែលត្រូវបានផ្តល់តួនាទីខ្ពស់ជាងមុន ហើយក៏មានអារម្មណ៍ភ័យផងដែរ ដោយត្រូវបំពេញការងារច្រើនជាងមុន»។

លោកអះអាងថា លោកនឹងយកបទពិសោធន៍ និងចំណេះដឹងរយៈពេល ៧ ឆ្នាំនៅអង្គរ ដើម្បីជួយវិស័យទេសចរណ៍កម្ពុជា ដែលកំពុងដឹកនាំដោយ លោក ថោង ខុន រដ្ឋមន្ត្រីក្រសួងទេសចរណ៍៕

អត្ថបទ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services