Connect with us

ព័ត៌មានជាតិ

សម្ដេចតេជោ ហ៊ុន សែន​ ៖ ការផ្ទុះឡើងនូវសង្រ្គាមនៅ​អ៊ុយក្រែន បានបង្កឲ្យបរិយាកាសសន្តិសុខសកល មានការប្រែប្រួលយ៉ាងស្រួចស្រាល់

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា​ ការផ្ទុះឡើងនូវសង្រ្គាមនៅប្រទេស​អ៊ុយក្រែន បានបង្កឲ្យបរិយាកាសសន្តិសុខសកល មានការប្រែប្រួលយ៉ាងស្រួចស្រាល់ ប្រកបដោយភាពមិនប្រាកដប្រជាខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើង របស់សម្តេចតេជោនាយករដ្ឋមន្ត្រី បានធ្វើឡើងនៅក្នុងពេលអញ្ជើញថ្លែងសុន្ទរកថា សន្និសីទអន្តរជាតិលើកទី ២៧ ស្តីពី អនាគតរបស់អាស៊ី ក្រោមមូលបទ «ការកំណត់ឡើងវិញនូវតួនាទីរបស់ទ្វីបអាស៊ី នៅក្នុងពិភពលោកដែលបែកខ្ញែក» នាព្រឹកថ្ងៃទី ២៧ ខែឧសភា ឆ្នាំ ២០២២នេះ។​

សម្ដេចតេជោ ហ៊ុន សែន បានថ្លែងថា បច្ចុប្បន្នពិភពលោកទាំងមូល បាននិងកំពុងជួបប្រទះនឹងបញ្ហាស្មុគស្មាញជាច្រើន។ ជាក់ស្ដែង ថ្វីត្បិតតែវិបត្តិនៃជំងឺកូវីដ-១៩ បានថមថយទៅវិញក្នុងកម្រិតមួយគួរឲ្យកត់សម្គាល់ ក៏ការងើបចេញពីវិបត្តិនេះទាំងអស់គ្នា នៅតែជាក្ដីស្រមៃមួយនៅឡើយ ហើយវិបត្តិនេះក៏នាំមកនូវគម្លាតកាន់តែធំឡើង រវាងប្រទេអភិវឌ្ឍន៍ និងប្រទេសកំពុងអភិវឌ្ឍន៍។

សម្ដេចតេជោនាយករដ្ឋមន្ត្រី បានបន្ថែមថា ខណៈដែលប្រទេសជាច្រើន រួមទាំងកម្ពុជា បានចាប់ផ្ដើមបើកប្រទេស និងសកម្មភាពសង្គម-សេដ្ឋកិច្ចពេញលេញឡើងវិញ យើងសង្កេតឃើញថា នៅមានបណ្ដាប្រទេសកំពុងអភិវឌ្ឍន៍មួយចំនួន កំពុងបន្តជួបប្រទះនូវការឆ្លងរាលដាល ក៏ដូចជាឧបសគ្គក្នុងការទទួលបានវ៉ាក់សាំង និងធនធានចាំបាច់នានា នៅក្នុងការប្រយុទ្ធនឹងជំងឺកូវីដ-១៩ ហើយប្រទេសខ្លះទៀត ក៏បានធ្លាក់ខ្លួនកាន់តែជ្រៅទៅក្នុងវិបត្តិសេដ្ឋកិច្ច និងចលាចលសង្គម។

សម្ដេចតេជោ ហ៊ុន សែន បាន​បន្ថែមថា ស្របពេលជាមួយគ្នានេះដែរ ការផ្ទុះឡើងនូវសង្រ្គាមនៅអ៊ុយក្រែន ក៏បានបង្កឲ្យបរិយាកាសសន្តិសុខសកល មានការប្រែប្រួលយ៉ាងស្រួចស្រាល់ ប្រកបដោយភាពមិនប្រាកដប្រជាខ្ពស់ និងអាចបង្កគ្រោះថ្នាក់ ដែលគ្មាននរណាប៉ាន់ប្រមាណបានថែមទៀត ជាពិសេសបច្ច័យអវិជ្ជមានចំពោះការងើបឡើងវិញ នៃការអភិវឌ្ឍសង្គម-សេដ្ឋកិច្ច ក្រោយវិបត្តិជំងឺកូវីដ-១៩។

ទន្ទឹមនេះ សង្រ្គាមនេះ បានបង្ហាញយ៉ាងប្រចក្ស ពីការវិលត្រឡប់មកវិញ នូវការប្រកួតប្រជែងយ៉ាងស្រួលស្រាល់ រវាងប្រទេសមហាអំណាចធំៗ ដែលបាននិងកំពុងធ្វើឲ្យពិភពលោក ឈានចូលរបត់ថ្មីមួយនៃការបែកបាក់ និងការបែងចែកប៉ូលមនោគមវិជ្ជា និងភូមិសាស្រ្ដនយោបាយ និងធ្វើឲ្យរដ្ឋតូចៗ ត្រូវបានបង្ខំឲ្យជ្រើសរើសរវាងមហាអំណាចពាក់ព័ន្ធ។ សម្ដេចតេជោនាយករដ្ឋមន្ត្រី បានលើឡើងទៀតថា «ជាការពិត ការណ៍នឹងបង្កើតនូវផលវិបាកជាច្រើន សម្រាប់ការអភិវឌ្ឍតំបន់អាស៊ីរបស់យើង»។

ជាមួយនឹងការប្រឈម នឹងបញ្ហាភូមិសាស្រ្ដនយោបាយក្នុងតំបន់ និងជាសកល អាស៊ីក៏មានភាពចាំបាច់ ក្នុងការបង្កើនការយកចិត្តទុកដាក់ខ្ពស់ ដល់ការដោះស្រាយបញ្ហាផ្សេងៗទៀតផងដែរ ដូចជា៖ តម្រូវការក្នុងការបន្តពង្រឹងប្រព័ន្ធសុខាភិបាល និងប្រព័ន្ធគាំពារសង្គម ការដោះស្រាយនូវផលប៉ះពាល់ដែលបន្សល់ (Scarring Effects) ពីជំងឺកូវីដ-១៩ ការប្រែប្រួលអាកាសធាតុ ការចាប់យកកាលានុវត្តភាព ពីឌីជីថលូបនីយកម្មជាដើម ដើម្បីជំរុញការស្ដារសេដ្ឋកិច្ចតំបន់ ឲ្យងើបឡើងវិញប្រកបដោយចីរភាព និងបរិយាបន្ន ជាពិសេសបន្តធានាបាននូវតួនាទីរបស់អាស៊ី ជាមជ្ឈមណ្ឌលនៃកំណើនរបស់សកលលោក៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១៣ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម