ព័ត៌មានជាតិ
ក្រសួងតម្រូវឲ្យអ្នកនាំចេញទំនិញទៅអង់គ្លេសត្រូវមកសុំវិញ្ញាបនបត្របញ្ជាក់ដើមកំណើតទំនិញដើម្បីទទួលបានអនុគ្រោះពន្ធ
ភ្នំពេញ ៖ ក្រសួងពាណិជ្ជកម្ម បានណែនាំដល់ ផលិតករ ឬអ្នកនាំចេញទាំងអស់ ត្រូវស្នើសុំវិញ្ញាបនបត្របញ្ជាក់ដើមកំណើតទំនិញទម្រង់A បញ្ជាក់នូវដើមកំណើតទំនិញរបស់ខ្លួន ដើម្បីទទួលបាននូវការអនុគ្រោះពន្ធពីចក្រភពអង់គ្លេសចាប់ពីថ្ងៃទី១ ខែកមរា ឆ្នាំ២០២១ខាងមុខតទៅ។
នេះជាការកំណត់របស់អង់គ្លេសដែលត្រូវឱ្យអ្នកនាំចូលទំនិញពីកម្ពុជាទាំងអស់ ត្រូវមានវិញ្ញាបនបត្របញ្ជាក់ដើមកំណើតទំនិញរបស់ខ្លួន បន្ទាប់ពីអង់គ្លេសបានចាកចេញពីសហគមអឺរ៉ុប។
យោងតាមសរចក្តីជួនដំណឹងរបស់ក្រសួងពាណិជ្ជកម្មដែលទើបទទួលបាននៅថ្ងៃនេះបានឲ្យដឹងថា ការតម្រូវឲ្យមកសុំវិញ្ញាបនបត្របញ្ជាក់ដើមកំណើតទំនិញទម្រង់A ធ្វើឡើងបន្ទាប់ពីក្រសួងពាណិជ្ជកម្មអន្តរជាតិអង់គ្លេសបានជូនព័ត៌មានអំពីការផ្តល់ការអនុគ្រោះពន្ធ ដល់បណ្តាប្រទេសកំពុងអភិវឌ្ឍន៍ ដែលរួមមានប្រទេសអភិវឌ្ឍន៍តិចតួចផងដែរកាលពីពេលថ្មីៗនេះ។
បើតាមក្រសួងពាណិជ្ជកម្ម ផលិតករ ឬអ្នកនាំចេញទាំងអស់អាចមកសុំ វិញ្ញាបនបត្របញ្ជាក់ដើមកំណើតទំនិញតាមប្រព័ន្ធអនឡាញដើម្បីអាចនាំចេញទំនិញគ្រប់ប្រភេទទៅប្រទេសអង់គ្លេស ដោយរួចពន្ធ។
ក្រសួងពាណិជ្ជកម្មបញ្ជាក់ថា នាយកដ្ឋាននាំចេញ នាំចូល និងតំណាងក្រសួងពាណិជ្ជកម្មប្រចាំរដ្ឋបាលតំបន់សេដ្ឋកិច្ចពិសេស នៃអគ្គនាយកដ្ឋានសេវាកម្ម ក្រសួងពាណិជ្ជកម្ម ត្រូវត្រួតពិនិត្យ តាមដានការអនុវត្តអនុលោមភាពវិធានដើមកំណើតទំនិញ និងនីតិវិធីប្រតិបត្តិនៃការការបញ្ជាក់ដើមកំណើតទំនិញសម្រាប់នាំចេញទៅកាន់ប្រទេសអង់គ្លេស៕
ដោយ ៖ សំអឿន
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)