ព័ត៌មានជាតិ
នាំខ្លួនមេបក្សខ្មែរក្រោកមកសាកសួររឿងព្រហ្មទណ្ឌមួយថ្មីទៀត
លោក សុខសុវណ្ណ វឌ្ឍនាសាប៊ុង ហៅ វីលៀមគ័ង អតីតមេបក្សខ្មែរក្រោក ដែលកំពុងជាប់ពន្ធនាគារជាមួយបក្ខពួក ត្រូវបានព្រះរាជអាជ្ញាអមសាលាដំបូងរាជធានីភ្នំពេញ បង្គាប់អោយនាំខ្លួនពីពន្ធនាគារព្រៃស មកកាន់អយ្យការដើម្បីសាកសួរក្នុងសំណុំរឿងព្រហ្មមួយថ្មីទៀតដែលតុលាការកំពុងចាត់ការ ។ សំណុំរឿងថ្មីនេះ គឺស្ថិតនៅក្នុងចំណាត់ការរបស់លោក សិត វណ្ណៈ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ។
កាលពីសប្ដាហ៍មុន ជនជាប់ចោទឈ្មោះ សុខ សុវណ្ណស្រីសុរិយាព័ណ ជាប្រពន្ធរបស់ វីលៀម ក៏ត្រូវបានព្រះរាជអាជ្ញាអមតុលាការបង្គាប់អោយនាំខ្លួនមកកាន់តុលាការដើម្បីធ្វើការសាកសួរក្នុងសំណុំរឿងថ្មីនេះផងដែរ ។
យោងតាមឯកសារសំណុំរឿងថ្មីដែលអយ្យការបានធ្វើការសាកសួរលើជនជាប់ចោទ វីលៀមគ័ង និងប្រពន្ធ គឺអយ្យការបានចោទប្រកាន់ពីបទ « លួចមានស្ថានទំងន់ទោស បទកាន់កាប់អាវុធដោយគ្មានការអនុញាត និងបទ ក្លែងឯកសារសាធារណៈ » ។ ប្រភពមួយបានទំលាយអោយដឹងថា លោក វីលៀម និងបក្ខពួកបានព្យាយាមប្លន់ប្រដាប់អាវុធលើឧកញ៉ាម្នាក់ នៅមុនមានការប្លន់អ្នកលក់ឡេតាមអនឡាញ ប៉ុន្តែប្លន់មិនសម្រេច ។
គួររំលឹកថា ចៅក្រមសាលាដំបូងរាជធានីភ្នំពេញ បានសម្រេចផ្ដន្ទាទោសលោក វីលៀម គ័ង ប្រធានគណបក្សខ្មែក្រោក ដាក់ពន្ធនាគារកំណត់រយៈពេល៩ឆ្នាំ និងបក្ខពួកផ្សេងទៀត ពី៦ ដល់៨ឆ្នាំ ដោយចោទប្រកាន់ចំនួន៣បទល្មើស ជុំវិញសកម្មភាពប្លន់ទ្រព្យសម្បត្តិ អ្នកលក់ឡេ កាលពីចុងឆ្នាំ២០២១កន្លងទៅ។
នៅព្រឹកថ្ងៃទី២ ខែសីហា ឆ្នាំ២០២២ ក្រុមប្រឹក្សាជំនុំជំរះនៃសាលាដំបូងរាជធានីភ្នំពេញ បានប្រកាសសាលក្រមសម្រេចផ្ដន្ទាទោសជនជាប់ចោទចំនួន៨នាក់ រួមមាន ៖
១/ ឈ្មោះ សុខ សុវណ្ណវឌ្ឍានាសាប៊ុង ហៅ វីលៀម គ័ង អាយុ៤៤ឆ្នាំ ត្រូវផ្ដន្ទាទោសដាក់ពន្ធនាគារកំណត់៩ឆ្នាំ ។
២/ ឈ្មោះ គេច ម៉ាច ហៅ តឿ ភេទប្រុស អាយុ២៦ឆ្នាំ ត្រូវផ្ដន្ទាទោសដាក់ពន្ធនាគារកំណត់៦ឆ្នាំ ។
៣/ ឈ្មោះ អោ រ៉ាម៉ន ភេទប្រុស អាយុ៣៧ឆ្នាំ ត្រូវផ្ដន្ទាទោសដាក់ពន្ធនាគារ៨ឆ្នាំ ។
៤/ ឈ្មោះ សុវណ្ណ រ៉ានុត ហៅណុច ភេទប្រុសអាយុ២៦ឆ្នាំ ត្រូវផ្ដន្ទាទោសដាក់ពន្ធនាគារកំណត់៨ឆ្នាំ ។
៥/ ឈ្មោះ នេត ផៃមុនី ភេទប្រុស អាយុ៤៨ឆ្នាំ ត្រូវផ្ដន្ទាទោសដាក់ពន្ធនាគារកំណត់៨ឆ្នាំ ។
៦/ ឈ្មោះ ខុន វឌ្ឍនះបូរមុី ភេទស្រី អាយុ២៧ឆ្នាំ ត្រូវផ្ដន្ទាទោសដាក់ពន្ធនាគារកំណត់៨ឆ្នាំ ។
៧/ ឈ្មោះ សុ វណ្ណស្រីសូរិយាព៍ណ ភេទស្រី អាយុ២៨ឆ្នាំ ត្រូវផ្ដន្ទាទោសដាក់ពន្ធនាគារកំណត់៨ឆ្នាំ ។
៨/ ឈ្មោះ ជួន សុភ័ត្រា ភេទប្រុស ត្រូវផ្ដន្ទាទោសដាក់ពន្ធនាគារកំណត់៨ឆ្នាំ និងចេញដីកាបង្គាប់ឱ្យចាប់ខ្លួនមកអនុវត្តន។
តាមសេចក្ដីសម្រេចរបស់តុលាការ និងសម្រេចបើកផ្លូវប្ដឹងឧទ្ធរណ៍តាមកំណត់ច្បាប់។ ក្រុមប្រឹក្សាជំនុំជំរះ បានឱ្យដឹងដែរថា តុលាការបានចោទប្រកាន់ជនទាំង៨នាក់ពីបទ ១.បទ លួចមានស្ថានទម្ងន់ទោស ២.បទកាន់កាប់អាវុធដោយគ្មានការអនុញ្ញាត និងទី៣.បទក្លែងឯកសារសាធារណៈ តាមមាត្រា ២៩ មាត្រា ៣៥៣ មាត្រា ៣៥៧ មាត្រា ៤៩០ និងមាត្រា ៦២៩ នៃក្រមព្រហ្មទណ្ឌ។
សូមរំលឹកថា កាលពីថ្ងៃ១៩ ខែធ្នូ ឆ្នាំ២០២១ មានករណីប្លន់ប្រដាប់អាវុធមួយបានកើតឡើងលើអ្នកលក់ឡេ ឈ្មោះ អ៊ាន សៀវម៉ី ស្ថិតនៅចំណុចផ្ទះលេខវី០១ បុរីមូនថោន ភូមិគោកចំបក់ សង្កាត់ចោមចៅទី២ ខណ្ឌពោធិ៍សែនជ័យ។ នៅក្នុងករណីនេះ ក្រុមជនប្រដាប់អាវុធប្រមូលទ្រព្យសម្បត្តិមួយចំនួនធំ និងបានគេចខ្លួន ប៉ុន្តែប៉ុន្មានថ្ងៃក្រោយមកក៏ត្រូវបានសមត្ថកិច្ចកងរាជអាវុធហត្ថរាជធានីភ្នំពេញ ធ្វើការស្រាវជ្រាវកំណត់មុខសញ្ញា និងឈានដល់បើកប្រតិបត្តិការបង្រ្កាបបានតែម្តង។
ក្រោយការបង្រ្កាបនោះដែរ សមត្ថកិច្ចបានដកហូតអាវុធជាច្រើនដើម ដែលពួកគេបានធ្វើសកម្មភាពប្លន់ និងរឹបអូសបានគ្រឿងអលង្ការមួយចំនួនប្រគល់ជូនជនរងគ្រោះវិញ៕
អត្ថបទ៖ មករា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?