Connect with us

ព័ត៌មានជាតិ

ពលរដ្ឋ១.២១៣គ្រួសារ ចាប់ឆ្នោត​ទទួលយក​ក្បាលដី​ឡូតិ៍ ជា​អំណោយ​របស់​សម្ដេច​តេ​ជោ និង សម្ដេច​កិត្តិ​ព្រឹទ្ធ​បណ្ឌិត​

បានផុស

នៅ

​ប្រជាពលរដ្ឋ​ចំនួន១.២១៣គ្រួសារបាន​ចាប់ឆ្នោតទទួលយក​ក្បាលដី​ឡូតិ៍ ជា​អំណោយ​របស់​សម្ដេច​តេជោ ហ៊ុន សែន នាយករដ្ឋមន្ត្រីនៃ​ព្រះរាជាណាចក្រ​កម្ពុជា និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ស្ថិតនៅ​ភូមិបឹង​ជង្រុកតេ​ជោ​ឈ្នះ ឈ្នះ ឃុំ​ទួល​ពង្រ ស្រុក​ម៉ាឡៃ ព្រឹកថ្ងៃទី​៧ ខែកុម្ភៈ ឆ្នាំ​២០២១ ដោយមាន​ការចូលរួមពីលោក ប៉ាន់​ខែម ប៊ុនថន នាយករងខុទ្ទការល័យ​សម្ដេច​តេ​ជោ ហ៊ុន សែន នាយករដ្ឋមន្ត្រី លោក ខេង ស៊ុម ប្រធាន​ក្រុមប្រឹក្សារ​ខេត្ត លោក អ៊ុំ រាត្រី អភិបាលខេត្ត​បន្ទាយ​មានជ័យ លោក លី សារី អភិបាលរង​ខេត្ត លោក អាង ណា​រិ​ទ្ធិ ប្រធាន​មន្ទីរ​រៀបចំ​ដែនដី នគរូបនីយ​កម្ម និង​សំណង់​ខេត្ត លោក​ឧត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល ខេត្តបន្ទាយមានជ័យ​លោក​ឧ​ត្ត​ម​សេនីយ៍ត្រី​ បោន​ ប៊ិន ​មេបញ្ជាការ​កងរាជអាវុធហត្ថ​ខេត្ត លោក​ឌៀប ឈួន អភិបាល​ស្រុក​ម៉ាឡៃ លោក ស្វាយ ជា អភិបាលរង​ស្រុក មន្ត្រី​មន្ទីរ អង្គភាព ពលរដ្ឋ​អ្នកពាក់ព័ន្ធ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ាន់​ខែម ប៊ុនថន បាន​ឲ្យ​ដឹងថា​ ការងា​សម្របសម្រួលដោះស្រាយ​វិវាទ និង​អភិវឌ្ឍន៍​មូល​ដ្ឋាន ចំណុច​បឹង​ជង្រុក និង​ចំណុច៦៧១ តេ​ជោ​ឈ្នះ ឈ្នះ ​បានធ្វើ​សេចក្តីជូនដំណឹង​មួយកាលពី​ថ្ងៃ​ទី​២ ខែមករា ឆ្នាំ​២០២១ កន្លងមក​ថា នៅ​ថ្ងៃទី​៧ ខែកុម្ភៈ ឆ្នាំ​២០២១ ឲ្យ​បងប្អូន​ប្រជាពលរដ្ឋ ដែល​មាន​ឈ្មោះ​ក្នុង​បញ្ជីទទួល​ការបែងចែក​ដី ដែលជា​អំណោយ​ដ៏​ថ្លៃថ្លា របស់​សម្តេច​តេ​ជោ នាយករដ្ឋ​មន្ត្រី និង​សម្តេច​កិត្តិ​ព្រឹទ្ធ​បណ្ឌិត នៅ​ចំណុច​ភូមិ​បឹង​ជង្រុក និង ៦៧១ តេ​ជោ​ឈ្នះ ឈ្នះ សូម​អញ្ជើញ​មក​ចូលរួម​ចាប់ឆ្នោតយក​ក្បាលដី គឺ​ចាប់ពី​ម៉ោង៧ព្រឹក​តទៅ នៅ​ស្នាក់ការ​ក្រុមការងារ បឹង​ជង្រុក ៦៧១ តេ​ជោ​ឈ្នះ​ឈ្នះ​កុំបី​ខាន ។​ ក្នុងសេចក្តីជូនដំណឹងបាន​ព្រមាន​ថា ចំពោះ​អវត្តមានក្រុមការងារ​មិន​ទទួលខុសត្រូវ​ឡើយ ចំពោះ​ការបាត់បង់​ឱកាស និង​សិទ្ធិ​ទទួលផល​ប្រយោជន៍ ។​

សូម​រំលឹក​ថា ទំនាស់​ដីធ្លី​ដ៏​រ៉ាំរៃ ជិត១០ឆ្នាំនៅ​ចំណុច​បឹង​ជង្រុក និង​ចំណុច ៦៧១ ឃុំ​ទួល​ពង្រ ស្រុក​ម៉ាឡៃ ត្រូវបាន​ដោះស្រាយ បញ្ចប់​ជាគោលការណ៍ បន្ទាប់ពី​ប្រតិបត្តិការ អស់​រយៈពេល​ជាង១​ខែ ពី​ចុងខែ​តុលា ដល់​ខែវិច្ឆិកា ឆ្នាំ​២០២០​ និង​រៀបចំ​គម្រោង អភិវឌ្ឍន៍ ពី​ខែវិច្ឆិកា​ឆ្នាំ​២០២០ ​មកដល់​សព្វ​ថ្ងៃ គឺ​ការចុះ​សម្របសម្រួល ដោយ​ក្រុមការងារខុទ្ទកាល័យ​សម្ដេច​តេ​ជោ ដឹកនាំ​ដោយ​លោក ប៉ាន​ខែម ប៊ុនថន នាយករង ខុទ្ទកាល័យ សម្តេច​តេ​ជោ ហ៊ុន សែន នាយករដ្ឋមន្ត្រី និង​ក្រុម​ការងារ​រដ្ឋ​បាល ខេត្តបន្ទាយមានជ័យ រដ្ឋបាល​ស្រុក​ម៉ាឡៃ កងកម្លាំង បាន​ដឹកនាំ​ដោយ​លោក លី សារី អភិ​បាល​រង​ខេត្តបន្ទាយមានជ័យ និង​សហការគ្នាអនុវត្ត​ផ្ទាល់បំពេញការងារទាំងយប់ទាំង​ថ្ងៃ រួមទាំង​ថ្ងៃ​ឈប់សម្រាក ក្នុងនោះក៏​ប្រើ​មនោសញ្ចេតនា​ដ៏​ជ្រាលជ្រៅ​ក្នុងនាម បេះដូង​ខ្មែរ​តែមួយ ជាមួយនឹង​រិះរក​គ្រប់​មធ្យោបាយ ប្រើប្រាស់​គ្រប់​លទ្ធភាព​ធ្វើការ​សម្របសម្រួលចំពោះ​ភាគី​ទំនាស់​ឲ្យ​ទទួលយក កិច្ចព្រមព្រៀង បញ្ចប់ទំនាស់​។ ពោលគឺ ពលរដ្ឋ​ចំនួន១.២១៣គ្រួសារ ពាក់ព័ន្ធ​លើ​ផ្ទៃដី​ទំនាស់ នឹង​ត្រូវ​បានទទួលដីធ្លី​ទំនាស់ ដែល​ម្ចាស់​ដីបាន​បរិច្ចាគ និង​ក្នុងនាម​អំណោយ សម្តេច​តេ​ជោ ជាង៣០០ ហិកតា លើ​ជាង៨០០ហិកតា នៅក្នុង​ចំណុច​បឹង​ជង្រុក និង​ចំណុច ៦៧១ ឃុំ​ទួល​ពង្រ បាន​ស្រុះ​ស្រួល តាម​មន្ត្រី​ក្រុមការងារហើយ និង​ទទួលបាន​ដី​វិញ​ក្នុងនាម​ជា​អំណោយ ដ៏​ថ្លៃថ្លា​បំផុត​របស់ សម្តេច​តេ​ជោ ហ៊ុន សែន និង​សម្ដេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន​ហើយក៏​ជាចំណងដៃនៃ​ការអភិវឌ្ឍ​មូលដ្ឋាន សម្តេចក៏​សម្រេច​បង្កើតតំបន់​អភិវឌ្ឍន៍​នេះ​ឲ្យក្លាយ ទៅជា​តំបន់​ទីប្រជុំជន មាន​ការ​បោសសម្អាត​មីន កសាង​ហេដ្ឋារចនាសម្ព័ន្ធ ផ្លូវ ភ្លើង ទឹក សាលារៀន មណ្ឌល​សុខភាព បង្គន់​អនាម័យ ទឹកស្អាត ដី​ដាំ​ដុះ លំនៅឋាន ជាដើម ៕

អត្ថបទ ៖ ​វ៉ាន់ ណា​ង​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម