ក្រុមហ៊ុន អ អិម អេ ខេមបូឌា ទទួលបានសិទ្ធិផ្ដាច់មុខក្នុងការនាំចូល និងចែកចាយរថយន្ដ RAM នៅកម្ពុជា

ភ្នំពេញ ០៥ មេសា​ ២០២៥

ក្រុមហ៊ុន អ អិម អេ ខេមបូឌា បានធ្វើការប្រកាសជាសាធារណៈអំពីការទទួលបាន​សិទ្ធផ្តាច់មុខក្នុងការនាំចូល និងចែកចាយរថយន្ត RAM ពីក្រុមហ៊ុន​ Stellantis នៅកម្ពុជាចាប់ពីថ្ងៃទី ០៥ មេសា ២០២៥ នេះតទៅ។

កាលពី​ថ្មីៗនេះ ក្រុមហ៊ុន RMA Cambodia បានសម្ភោធជាផ្លូវការនៃរថយន្ត Peugeot ដែលទទួលសិទ្ធលក់ និងចែកចាយ ព្រមទាំងសេវាកម្មជូសជុលរថយន្តប្រចាំប្រទេសកម្ពុជា, ​

ថ្ងៃនេះផងដែរ RMA Cambodia ក៏បាននាំចូលរថយន្តដែលមានឈ្មោះល្បីល្បាញជុំវិញសកលលោកដែលស្ថិតនៅក្រោមបុត្រសម្ព័ន្ធរបស់ Stellantis គឺរថយន្ត RAM Trucks  មកកាន់ទីផ្សារប្រទេសកម្ពុជា។ ដោយមានការសម្ភោធជាផ្លូវការនូវរថយន្ត RAM 1500 REBEL ស៊េរីឆ្នាំ ២០២៥ ជារថយន្តដែលតំណាងឲ្យ អំណាច ភាពអង់អាច និងជ័យជំនះ ជាមួយបច្ចេកវិទ្យាដ៏ទំនើប សមស្របគ្រប់ស្ថានភាព និងកាលៈទេសៈផ្លូវនៅប្រទេសកម្ពុជា។

លោក ងន សាំង អគ្គនាយកនៃក្រុមហ៊ុន អ​ អិម អេ​ ខេមបូឌា​ បានបង្ហាញអំពី អារម្មណ៍ដ៏រំភើបនៃការទទួលនូវសមាជិកថ្មីមួយទៀតនៅក្នុងឆ្នាំ ២០២៥​ នេះ ហើយក៏ជាម៉ាកមួយដែលលោកស្រឡាញ់ពេញចិត្តនូវកេរ្ត៍ឈ្មោះដ៏ល្បីសុះសាយជុំវិញសកលលោកមួយគឺម៉ាករថយន្ត RAM ដែលទើបតែដាក់សម្ភោធជាផ្លូវការមួយនេះ។

ក្នុងឱកាសនេះផងដែរ លោក នូ ណារុណ “Head Brand of RAM Cambodia” បានធ្វើបទបង្ហាញពីលក្ខណៈពិសេសៗដ៏ឆ្នើម សមត្ថភាពដ៏អស្ចារ្យរបស់ RAM Trucks។ លោកបានលើកឡើងពីបច្ចេកវិទ្យាដែលទំនើបលើសគេរបស់រថយន្ត RAM ព្រមទាំងសមត្ថភាព និងការរចនាដ៏រឹងមាំ និងភាពប្រណិតរបស់ RAM ដែលបង្ហាញពីជម្រើសល្អបំផុតសម្រាប់អតិថិជនដែលស្វែងរករថយន្តដែលតំណាងទាំងអំណាច ភាពអង់អាច និងជ័យជំនះ ។

អតិថិជនទាំងអស់អាចធ្វើការស្វែងរក Showroom RAM Cambodia ដែលមានទីតាំងស្ថិតនៅផ្សារ Olympia និងនៅលើផ្លូវ ៦០ម៉ែត្រព្រមទាំងទទួលនូវសេវាកម្មជួសជុល ដែលមានទីតាំងនៅលើផ្លូវ៦០ម៉ែត្រ មហាវិថីសម្ដេចហ៊ុន សែន កែងផ្លូវឧញ៉ាហ៊ុន នាង។ ហើយអតិថិជនអាចធ្វើការបើកបរសាកល្បងរថយន្ត​ RAM RABEL 1500 មុនគេដោយកក់ពេលវេលារបស់អ្នកជាមួយផ្នែកលក់របស់យើងតាមរយៈ ៖ 089 888 116 ។