ព័ត៌មានជាតិ

មន្ទីរប្រឆាំងបទល្មើសគ្រឿងញៀនបង្ក្រាបករណីគ្រឿងញៀនជិត២គីឡូក្រាម

បានផុស

៣ years មុន

នៅ

ថ្ងៃសុក្រ ១២ កុម្ភៈ ២០២១

ដោយ

កម្លាំងនគរបាលប្រឆាំងបទល្មើសគ្រឿងញៀនធ្វើការបង្ក្រាបនិងឃាត់ខ្លួនបុរសជនជាតិយូហ្គាន់ដាម្នាក់ ករណីជួញដូរគ្រឿងញៀនឆ្លងដែនពីប្រទេសកម្ពុជាទៅកាន់ប្រទេស យូហ្គាន់ដា (AFRICA) ចាប់យកវត្ថុតាងគ្រឿងញៀនជិត២គីឡូក្រាម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលមន្ទីរប្រឆាំងគ្រឿងញៀនប្រាប់ឲ្យដឹងថា កម្លាំងជំនាញ (ក១០) នៃមន្ទីរប្រឆាំងបទល្មើសគ្រឿងញៀន ដឹកនាំដោយលោក សារី បុត្រសត្យា ចូលរួមសហការជាមួយគយអាកាសយាន្តដ្ឋានអន្តរជាតិភ្នំពេញ ព្រមទាំងមានការសម្របសម្រួលពីលោក ប្លង់ សុផល ព្រះរាជអាជ្ញារងរាជធានីភ្នំពេញ បានដំណើរការត្រួតពិនិត្យកាបូបស្ពាយ មិនប្រក្រតីសង្ស័យលាក់បង្កប់សារធាតុញៀន ឃាត់ជនសង្ស័យ១នាក់ជាជនជាតិ យូហ្គាន់ដា កាលពីថ្ងៃទី១០ ខែកុម្ភៈ ឆ្នាំ២០២១ នៅវេលាម៉ោង២០ និង៣០នាទី នៅចំណុច អាកាសយាន្តដ្ឋានអន្តរជាតិភ្នំពេញ ស្ថិតក្នុងសង្កាត់ចោមចៅ១ ខណ្ឌពោធិ៍សែន រាជធានីភ្នំពេញ។

ជនសង្ស័យឈ្មោះ MUGERWA JOEL ភេទប្រុស អាយុ៤៣ឆ្នាំ ជនជាតិ យូហ្គាន់ដា កាន់លិខិតឆ្លងដែនលេខ B១៣២២៩៧ ចាប់យកវត្ថុតាងថ្នាំញៀនប្រភេទមេតំហ្វេតាមីន(ICE) ទម្ងន់សុទ្ធ ១៩២២.៩០ក្រាម។

ថ្នាំញៀននេះជនសង្ស័យនាំចេញពីកម្ពុជាទៅកាន់ប្រទេសសាធារណរដ្ឋកូរ៉េ ចេញពីកូរ៉េ ទៅកាន់ ឌូបៃ ប្រទេស អារ៉ាប់រួម ចេញពីឌូបៃ ទៅកាន់ប្រទេស យូហ្គាន់ដា ៕

អត្ថបទ ៖ រ៉ាវុទ្ធ