កីឡា
សហព័ន្ធបាល់ទាត់អាស៊ី សម្រេចលើកពេលប្រកួតវគ្គជម្រុះ AFC Cup 2021 ទៅខែមិថុនា ជាបន្តទៀត
សហព័ន្ធកីឡាបាល់ទាត់ទ្វីបអាស៊ី(AFC) បានជូនដំណឹងទៅកាន់ក្លិបបាល់ទាត់វិសាខា នៅល្ងាចថ្ងៃសុក្រ ទី៣០ ខែមេសា ឆ្នាំ២០២១ នេះថាការប្រកួតការប្រកួតជម្រុះពានរង្វាន់ AFC Cup 2021 ប្រចាំតំបន់អាស៊ាន រវាងក្រុមរបស់កម្ពុជា មួយនេះគ្រោងជួបក្លិប Lalenok United របស់ប្រទេសទីម័រខាងកើត នៅថ្ងៃទី១៩ ខែឧសភា ត្រូវបានពន្យាពេលជាថ្មីទៀតហើយ ដោយលើកពេលទៅប្រកួតនាថ្ងៃទី២០ ខែមិថុនា ឆ្នាំ២០២១ វិញ។
លោក ហុក សុចិត្រា អគ្គលេខាធិការក្លិបកីឡាបាល់ទាត់ វិសាខា បានបញ្ជាក់ថា ជុំវិញការសម្រេចលើកពេលជាថ្មីនេះ ក្រោមហេតុផលធំបំផុត គឺដោយសារបញ្ហាជំងឺកូវីដ-១៩។ នេះបើតាមការបញ្ជាក់របស់ប្រព័ន្ធផ្សព្វផ្សាយរបស់ក្លិបវិសាខា។ លោកថា ” មែនទែនទៅ ដំបូងឡើយ ការប្រកួតវគ្គជម្រុះនេះ ត្រូវធ្វើឡើងលើទឹកដីរបស់ក្លិបកីឡាបាល់ទាត់ វិសាខាយើង តែដោយសារការរាតត្បាតខ្លាំង នៃជំងឺដ៏កាចសាហាវនេះ យើងក៏ស្នើទៅ AFC ដើម្បីស្វែងរកទឹកដីកណ្ដាលរៀបចំការប្រកួតជាមួយក្លិប Lalenok United ជំនួសវិញ” ។
ថ្នាក់ដឹកនាំក្រុមរូបនេះបន្តថា ” ប៉ុន្ដែដោយសារការរីករាលដាលជាសកល ទាំងលើពិភពលោក ក្នុងតំបន់ និងកម្ពុជាផង បានធ្វើឲ្យ AFC ពិបាកក្នុងការស្វែងរកប្រទេស ដើម្បីរៀបចំការប្រកួតជម្រុះនេះ។ ដូច្នេះវាគឺជាហេតុផលសំខាន់មួយ ដែល AFC សម្រេចពន្យាពេលការប្រកួតរបស់ពួកយើង រហូតដល់ថ្ងៃទី២០ ខែមិថុនា ហើយពួកយើង ក៏គ្មានអ្វី ក្រៅពីការសហការ និងគោរពការសម្រេចចិត្ត ក្នុងស្ថានភាពដ៏លំបាកនេះដែរ “។
អ្នកឈ្នះរវាងក្រុមបាល់ទាត់វិសាខា ជាមួយក្រុម Lalenok United ប្រចាំវគ្គជម្រុះនៃពានរង្វាន់ AFC Cup 2021 នេះនឹងទទួលបានកៅអីដោយស្វ័យប្រវត្តិឡើងទៅបង្គ្រប់ពូល I ដែលមានក្លិប Kaya FC-Illoilo (ហ្វីលីពីន), Terengganu FC (ម៉ាឡេស៊ី) និងក្លិប Geylang International (សិង្ហបុរី) កំពុងតែរង់ចាំ។
មកទល់នឹងពេលនេះសហព័ន្ធកីឡាបាល់ទាត់អាស៊ី នៅមិនទាន់មានការជូនដំណឹងច្បាស់លាស់ពីទីលាន និងម៉ោងប្រកួតរវាងវិសាខា ជាមួយក្លិប Lalenok United នៅឡើយទេ ខណៈពានរង្វាន់ AFC Cup ឆ្នាំគ្រោងធ្វើឡើងពីថ្ងៃទី៧ ខែមេសា ដល់ថ្ងៃទី២៦ ខែ វិច្ឆិកា ឆ្នាំ២០២១ ដោយមានប្រកួតជម្រុះ ៣វគ្គ មុនដល់វគ្គចែកពូល ហើយបន្តប្រកួតវគ្គជម្រុះតាមតំបន់ រួមមានអាស៊ីខាងត្បូង, អាស៊ីកណ្តាល អាស៊ីខាងកើត និងអាស៊ីអាគ្នេយ៍ រហូតដល់វគ្គផ្ដាច់ព្រ័ត្រតែម្តង៕
ដោយ ៖ ម៉េង ហួរ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២៣ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ