ភ្ញាក់ផ្អើល! អ្នកប្រដាល់ល្បីឈ្មោះថៃ ប្រកាសថា ខ្លួនជាប់ខ្សែស្រឡាយសេនាប្រមុខ លន់ នល់

នាពេលថ្មីៗនេះ មានព័ត៌មានជាច្រើនបានចុះផ្សាយអំពីជីវិតរបស់អ្នកប្រដាល់ថៃ Antoine​ Pinto ថា មានឈាមជ័រជាជនជាតិខ្មែរ កាត់បារាំង។

នៅថ្ងៃចន្ទនេះ កីឡាករប្រដាល់ល្បីឈ្មោះរបស់ថៃ បានបង្ហោះនៅលើ Page ផ្លូវការរបស់ខ្លួន ដោយបង្ហាញអំពីសាច់ញាតិ ហើយលាតត្រដាងរូបភាពជីតារបស់គាត់។

ទោះបីជាយ៉ាងណាក៏ដោយ អ្វីដែលធ្វើឲ្យគ្រប់គ្នាភ្ញាក់ផ្អើលបំផុតនោះគឺថា ជីតារបស់គាត់ឈ្មោះ លន់ ណុន ត្រូវជាប្អូនប្រុសរបស់លោកសេនាប្រមុខ លន់ នល់ ដែលជាអតីតប្រធានាធិបតី នៃរបបសាធារណៈខ្មែរ។

Pinto បានសរសេរថាក្នុង Page ថា “នេះគឺជារូបភាពជីតារបស់ខ្ញុំ។ ខ្ញុំមិនដែលស្គាល់គាត់ទេប៉ុន្តែខ្ញុំមានឱកាសទៅលេងសមាជិកគ្រួសារខ្លះពីមុន ហើយខ្ញុំសង្ឃឹមថានឹងអាចវិលត្រឡប់ទៅវិញឆាប់ៗនេះ។ ខ្ញុំក៏សូមថ្លែងអំណរគុណផងដែរដល់អ្នកទាំងអស់គ្នា ចំពោះការស្រឡាញ់និងការគាំទ្រដែលខ្ញុំបានទទួលពីអ្នកគ្រប់គ្នា។ ហើយចងចាំថា ត្រូវមានមោទនភាពជានិច្ចចំពោះថាអ្នកជានរណា”៕

ប្រែសម្រួល៖ Vann Vann

ប្រភព៖ Facebook

ចុចអាន៖ ឪពុក​កីឡាប្រដាល់ កែវ រំ​ចង់ ទទួល​មរណភាព​