កីឡា
អ្នកចាំទីជម្រើសជាតិមីយ៉ាន់ម៉ាអត់ហ៊ានទៅស្រុកវិញ ស្វែងរកសិទ្ធិជ្រកកោននៅជប៉ុន
អ្នកចាំទីក្រុមបាល់ទាត់ជម្រើសជាតិមីយ៉ាន់ម៉ាដែលបង្ហាញពីកាយវិការគោរពប្រឆាំងនឹងរដ្ឋប្រហារនៅកំឡុងពេលការប្រកួតនៅជាយក្រុងតូក្យូមិនបានឡើងយន្តហោះទៅប្រទេសកំណើតវិញទេ និងបានស្វែងរកសិទ្ធិជ្រកកោននៅប្រទេសជប៉ុន។ នេះជាការផ្សាយរបស់សារព័ត៌មានក្នុងស្រុក។
ប្រទេសមីយ៉ាន់ម៉ាបានធ្លាក់ចូលក្នុងភាពវឹកវរដ៏អាក្រក់ចាប់តាំងពីរដ្ឋប្រហារខែកុម្ភៈផ្តួលរំលំរដ្ឋាភិបាលជាប់ឆ្នោតរបស់លោកស្រី អ៊ុងសាន ស៊ូជី ដែលជំរុញឲ្យផ្ទុះការតវ៉ាយ៉ាងខ្លាំង និងប៉ះទង្គិចគ្នាជាមួយកម្លាំងបង្ក្រាប ហើយនៅតាមតំបន់ដាច់ស្រយាល់មានការប្រយុទ្ធគ្នាជាបន្តបន្ទាប់។
កាលពីខែមុន អ្នកចាំទី Pyae Lyan Aung ដែលស្ថិតនៅបំរ៉ុងបានលើកម្រាមដៃ៣ឡើងលើនៅពេលក្រុមជម្រើសជាតិមីយ៉ាន់ម៉ាគោរពទង់ជាតិមុនពេលប្រកួតជម្រុះជើងឯកពិភពលោក (World Cup)ជាមួយក្រុមជម្រើសជាតិជប៉ុន។ ការលើកដៃបង្ហាញម្រាមដៃ៣ឡើងលើគឺជាសញ្ញាក្រុមអ្នកតវ៉ាមីយ៉ាន់ម៉ាប្រឆាំងនឹងរដ្ឋប្រហារ និងរបបយោធាមីយ៉ាន់ម៉ា។
យោងតាមការផ្សាយរបស់សារព័ត៌មានរដ្ឋជប៉ុន NHK និងទីភ្នាក់ងារសារព័ត៌មាន Kyodo News ថា នៅយប់ថ្ងៃពុធ ទី១៦ ខែមិថុនា ម្សិលមិញនេះ កីឡាករជាអ្នកចាំទី Pyae Lyan Aung បានប្រាប់មន្ត្រីអន្តោប្រវេសន៍ជប៉ុនម្នាក់នៅព្រលានយន្តហោះទីក្រុងអូសាកាថា គាត់មិនឡើងយន្តហោះត្រឡប់ទៅប្រទេសកំណើតវិញទេ។
អ្នកចាំទីរូបនេះបាននិយាយដោយមានអ្នកបកប្រែនៅព្រលានយន្តហោះថា ៖«បើខ្ញុំត្រឡប់ទៅប្រទេសមីយ៉ាន់ម៉ាវិញ ជីវិតរបស់ខ្ញុំនឹងជួបគ្រោះថ្នាក់។ ខ្ញុំសម្រេចចិត្តស្នាក់នៅប្រទេសជប៉ុនសិន»។
អ្នកចាំទីបន្ថែមថា ៖«រដ្ឋាភិបាល និងប្រជាជនជប៉ុនគួរតែដឹងពីស្ថានភាពនៅប្រទេសមីយ៉ាន់ម៉ាហើយ។ ខ្ញុំសូមអំពាវនាវសុំកិច្ចសហការរបស់អ្នក»។
សូមបញ្ជាក់ថា សញ្ញាគោរពលើកម្រាមដៃឡើងលើ៣ត្រូវបានអ្នកតវ៉ាមីយ៉ាន់ម៉ាប្រើប្រាស់កំឡុងពេលតវ៉ាស្ទើរទូទាំងប្រទេសជាច្រើនខែដែលត្រូវបានកម្លាំងសន្តិសុខមីយ៉ាន់ម៉ាធ្វើការបង្ក្រាបយ៉ាងឃៅឃៅ និងសម្លាប់មនុស្សជាង៨០០នាក់។
កីឡាករបាល់ទាត់ដែលមិត្តរួមក្រុមរបស់ខ្លួនវិលត្រឡប់ទៅមីយ៉ាន់ម៉ាវិញកាលពីម្សិលមិញបាននិយាយថា គាត់នឹងមិនវិលត្រឡប់ទៅប្រទេសកំណើតវិញទេ ប្រសិនបើមេដឹកនាំបណ្តេញចេញលោកស្រី អ៊ុងសាន ស៊ូជី មិនទាន់វិលមកកាន់អំណាចវិញ។
ប៉ុន្តែអ្នកចាំទីរូបនេះទទួលស្គាល់ពីការព្រួយបារម្ភចំពោះផលអាក្រក់ណាមួយនៃការសម្រេចចិត្តរបស់ខ្លួនដែលអាចប៉ះពាល់ដល់ក្រុមគ្រួសារ និងមិត្តរួមក្រុម។ គាត់ថា ៖«បើគ្រោះថ្នាក់ណាមួយកើតមានដល់មិត្តរួមក្រុម ឬសមាជិកគ្រួសាររបស់ខ្ញុំ ខ្ញុំនឹងវិលត្រឡប់ទៅមីយ៉ាន់ម៉ាវិញដើម្បីឲ្យចាប់ខ្លួន»៕
ប្រទេសជប៉ុនទទួលយកពាក្យស្នើសុំសិទ្ធិជ្រកកោនជារៀងរាល់ឆ្នាំ ប៉ុន្តែកាលពីខែឧសភា ក្រសួងយុត្តិធម៌បាននិយាយថា ប្រជាជនមីយ៉ាន់ម៉ាដែលមាននៅក្នុងប្រទេសជប៉ុនស្រាប់អាចបន្តស្នាក់នៅទៀតបានដោយសារភាពអាសន្ននៃរដ្ឋប្រហារ និងហិង្សា៕
ប្រែសម្រួល៖ វីរបុត្រ
ប្រភព៖ AFP
ឯកឧត្ដម ហ៊ុន ម៉ានី ៖ ការអនុញ្ញាតឲ្យរាយការណ៍ជាប្រចាំឆ្លុះបញ្ចាំងពីការយកចិត្តទុកដាក់ខ្ពស់របស់ សម្ដេចធិបតី លើការងារកំណែទម្រង់រដ្ឋបាលសាធារណៈ
កម្ពុជា មានអ្នកស្រឡាញ់ភេទដូចគ្នា ប្រមាណ ១០ ម៉ឺននាក់ នៅទូទាំងប្រទេស
ព្រឹកថ្ងៃទី២៤ មីនា សម្ដេចធិបតី នឹងអញ្ជើញបើកទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ លើកទី២
ក្រសួងយុត្តិធម៌ ត្រៀមរៀបចំមហាសន្និបាតលើវិស័យយុត្តិធម៌ទូទាំងប្រទេស រយៈពេល៣ថ្ងៃ នាសប្ដាហ៍ក្រោយ
ជុំ លីណូ បំផុសចូលរួមផ្សព្វផ្សាយអ្វីដែលខ្មែរមាន ព្រោះជាប្រទេសអច្ឆរិយ ដ៏អស្ចារ្យជាងគេលើលោក
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)