យប់មិញទាត់តែមួយពូលមែន តែរកឃើញដល់ទៅ៣ក្រុម ឡើងវគ្គ១៦ក្រុមចុងក្រោយ យូរ៉ូ

ក្រុមបាល់ទាត់ជម្រើសជាតិអង់គ្លេស ក្រូអាត និងសាធារណរដ្ឋឆែក បានដឹកដៃគ្នាឡើងទៅកាន់វគ្គ១៦ក្រុមចុងក្រោយពានរង្វាន់ ទ្វីបអឺរ៉ុបឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះចាញ់អង់គ្លេស ១-០ តែក្រុមឆែក ក៏បានឡើងទៅកាន់វគ្គបន្ទាប់ដែរ ដោយសារតែពួកគេបញ្ចប់នៅចំណាត់ថ្នាក់លេខ៣ល្អក្នុងពូល D។

ជ័យជម្នះលើឆែក ១-០ បានធ្វើឲ្យអង់គ្លេស ឡើងកាន់តំណែងលេខ១ក្នុងពូល D មាន៧ពិន្ទុ ឈរពីលើក្រូអាត ខណៈក្រុមស្កុតឡែន ស្ថិតនៅបាតពូល ដោយមានត្រឹម១ពិន្ទុប៉ុណ្ណោះ។ 

ជ័យជម្នះ ១-០ របស់អង់គ្លេសលើ ឆែក យប់មិញ រកបានដោយកីឡាករ Raheem Sterling នៅនាទីទី១២។ រីឯការប្រកួតមួយគូទៀត ក្រូអាត បានយកឈ្នះ ស្កុតឡែន ៣-១។ ៣គ្រាប់របស់ក្រូអាត រកបានដោយកីឡាករ Nikola Vlasic នៅនាទីទី១៧, Luka Modric នាទីទី៦២ និង Ivan Perisic នាទីទី៧៧ ខណៈ១គ្រាប់របស់ ស្កុតឡែន រកបានដោយកីឡាករ Callum McGregor នៅនាទីទី៤២៕

ដោយ៖ Vann Vann

ចុចអាន៖ ត្រឹមមួយយប់ រកឃើញដល់ទៅ៤ក្រុម ឡើងវគ្គ១៦ក្រុមចុងក្រោយ យូរ៉ូ