Connect with us

កីឡា

ថៃ បង្កើនមហិច្ឆតាចង់ធ្វើសហម្ចាស់ផ្ទះ FIFA World Cup ឆ្នាំ​ ២០៣៤ ជាមួយ​ប្រទេស​ក្នុង​តំបន់​អាស៊ាន

បានផុស

នៅ

ការរំពឹងទុករបស់ថៃ ក្នុងការធ្វើជាសហម្ចាស់ផ្ទះព្រឹត្តិការណ៍បាល់ទាត់ពិភពលោក (FIFA World Cup 2034) ឆ្នាំ ២០៣៤ កំពុង​បង្កើន​សម្ទុះ​បន្ទាប់ពី​កិច្ចប្រជុំ​រវាង​មន្ត្រី​សំខាន់ៗ​ត្រូវបាន​ធ្វើឡើង កាលពីពេល​ថ្មីៗ​នេះ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​កាលពី​ថ្ងៃ​ច័ន្ទ ទី​ ០៤ ខែកក្កដា ឆ្នាំ​ ២០២២ លោក​បណ្ឌិត Niwat Limsuknirand អគ្គនាយក នៃ​នាយកដ្ឋាន​អប់រំ​កាយ​របស់​ថៃ រួមទាំង​លោក ខៀវ សា​ម៉េ​ត ប្រធាន​សហព័ន្ធ​កីឡាបាល់ទាត់​អាស៊ាន (AFF), លោក Winston Lee អគ្គលេខាធិការ AFF និង​លោក Patit Suphapong អគ្គលេខាធិការ​សមាគម​កីឡាបាល់ទាត់​ថៃ បាន​ជួបប្រជុំគ្នា​នៅ​ទីក្រុង​ឈៀង​ម៉ៃ​។ ក្នុងនោះ​ក៏មាន​អ្នកជំនាញ​ក្នុងការ​រៀបចំ​សំណើ​ធ្វើ​ម្ចាស់ផ្ទះ មកពី​សហរដ្ឋអាមេរិក កាណាដា និង​ម៉ិ​ក​ស៊ិ​ក ដែល​នឹង​ធ្វើជា​សហ​ម្ចាស់ផ្ទះ​ព្រឹត្តិការណ៍ FIFA World Cup ឆ្នាំ ​២០២៦ ក៏បាន​ចូលរួម​កិច្ចប្រជុំ​តាមរយៈ​វីដេអូ Conference ផងដែរ​។​

​លោក Patit អគ្គលេខាធិការ​សមាគម​កីឡាបាល់ទាត់​ថៃ បាន​បញ្ជាក់ថា ជំនួប​នេះ​បានធ្វើ​ឡើង​ក្នុង​គោលបំណង​ឲ្យ​ភាគី​ទាំងអស់​ចែករំលែក​ព័ត៌មាន​អំពី​លទ្ធភាព​នៃ​ការធ្វើជា​ម្ចាស់ផ្ទះ World Cup​។ ជំហាន​បន្ទាប់​នឹងមាន​ការបង្កើត​ក្រុមការងារ​បច្ចេកទេស (Technical Working Group – TWG) រវាង​តំណាង​មកពី​ទីភ្នាក់ងារ​របស់​រដ្ឋាភិបាល​អាស៊ាន​ផ្សេងៗ​។ លោក​បាន​បន្តទៀតថា ការដេញថ្លៃ​ជា​ផ្លូវការ​ណាមួយ​ដើម្បី​ធ្វើ​ម្ចាស់ផ្ទះ World Cup ដាច់ខាត​ត្រូវតែមាន​ការចុះហត្ថលេខា​ពី​ប្រមុខ​រដ្ឋាភិបាល​នៃ​ប្រទេស​ ដែលមាន​បំណង​ចង់​ធ្វើជា​ម្ចាស់ផ្ទះ​នោះ រួច​ទើប​បញ្ជូន​វា​ទៅ​សហព័ន្ធ​កីឡាបាល់ទាត់​របស់​ប្រទេស​នោះ ដើម្បី​ធ្វើ​បទ​បង្ហាញ​ដល់​សហព័ន្ធ​កីឡាបាល់ទាត់​ពិភពលោក (FIFA)​។ សំណើ​លម្អិត​អំពី​ការដេញថ្លៃ​ ដែល​ពាក់ព័ន្ធ​នឹង​ប្រទេស​ថៃ ដើម្បី​ធ្វើជា​ម្ចាស់ផ្ទះ​ព្រឹត្តិការណ៍ FIFA World Cup 2034 ត្រូវបាន​គេ​រំពឹងថា​នឹង​រួចរាល់​នៅ​ចុងឆ្នាំ​នេះ​។​

​ការរំពឹងទុក​នៃ​បណ្តា​ប្រទេស​អាស៊ាន​ធ្វើ​សហ​ម្ចាស់ផ្ទះ World Cup នៅ​ឆ្នាំ​ ២០៣៤ ត្រូវបាន​ផ្ដួចផ្ដើម​ជា​លើកដំបូង​ក្នុង​ឆ្នាំ ​២០១៧ និង​ថ្មីៗ​នេះ​នៅ​ឆ្នាំ​ ២០១៩​។ កាលពី​ពេលនោះ មាន​សេចក្តីរាយការណ៍​ថា ថៃ គឺ​នាំមុខគេ​លើ​គម្រោង​នេះ ដោយមាន​សហ​ម្ចាស់ផ្ទះ​ដទៃទៀត​រួមមាន ឥណ្ឌូនេស៊ី ម៉ាឡេស៊ី សិង្ហ​បុរី និង​វៀតណាម​។ វា​មិនមែន​មានតែ​ប្រទេស​ថៃ​ទេ ដែល​បានលើកឡើង​ពី​លទ្ធភាព​របស់​អាស៊ាន នៃ​ការដេញថ្លៃ​ធ្វើ​ម្ចាស់ផ្ទះ World Cup​។​

​កាលពី​ខែមិថុនា សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ក៏បាន​អំពាវនាវ​ឲ្យ​ប្រទេស​សមាជិក​អាស៊ាន​ទាំងអស់​រួបរួមគ្នា​ ដើម្បី​ធ្វើការ​ដេញថ្លៃ​ធ្វើ​ម្ចាស់ផ្ទះ World Cup ផងដែរ​។ សម្តេច​បាន​មានប្រសាសន៍ថា នឹង​លើកយក​ឱកាស​នៃ​ការធ្វើជា​ម្ចាស់ផ្ទះ​រៀបចំ​ការប្រកួត បាល់ទាត់​ពិភពលោក ជាមួយនឹង​មេដឹកនាំ​ក្នុង​តំបន់​ផ្សេងទៀត ក្នុងតួនាទី​ជា​ប្រធាន​អាស៊ាន​។​

«​សម្រាប់​ឆ្នាំ​២០២២ ក្នុង​ឋានៈ​ជា​ប្រធាន​អាស៊ាន ខ្ញុំ​ចង់ឃើញ​អាស៊ាន​មាន​ចក្ខុវិស័យ និង​ផែនការ​ក្នុងការ​ដេញថ្លៃ​ធ្វើជា​ម្ចាស់ផ្ទះ​បាល់ទាត់​ពិភពលោក​នៅ​ឆ្នាំ​ ២០៣៤ ឬ ២០៣៨​។ ខ្ញុំ​នឹង​ពិនិត្យមើល​លទ្ធភាព និង​ស្នើ​សុំឱ្យ​មេដឹកនាំ​អាស៊ាន​គាំទ្រ​គំនិត​ផ្តួចផ្តើម​នេះ ហើយ​ធ្វើ​វា​។ លទ្ធភាព​ជាក់ស្តែង​។​» ប្រសាសន៍​របស់​សម្តេច​តេ​ជោ ហ៊ុន សែន​។ ប្រទេស​ដែលមាន​បំណង​រៀបចំ​ការប្រកួត​បាល់ទាត់​ពិភពលោក ឆ្នាំ​ ២០៣៤ មាន​រយៈពេល​រហូតដល់​ឆ្នាំ​ ២០២៦ ដើម្បី​ដាក់សំណើ​ដេញថ្លៃ​របស់​ពួកគេ​ទៅកាន់ FIFA៕

​អត្ថបទ​៖ មន្នី​រ័ត្ន​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៩ នាទី មុន

ប្រេស៊ីល​​កម្ពស់​​ជិត​​២​​ម៉ែត្រ​​សន្លាប់​​ក្រោម​​កណ្តាប់​ដៃ​​ ធន់​ រិទ្ធី​​ យប់​​មិញ​ (វីដេអូ)​

ព័ត៌មានអន្ដរជាតិ២៧ នាទី មុន

សហរដ្ឋអាមេរិក យល់ព្រមលក់ជំនួយយោធា ទៅឲ្យ តៃវ៉ាន់

សន្តិសុខសង្គម៣០ នាទី មុន

ឆ្លងចរន្តអគ្គិសនី​​ឆេះផ្ទះពលរដ្ឋ​ ៣ខ្នង​ ខូចខាតទ្រព្យសម្បត្តិ​សរុបទឹកប្រាក់ជាង ២ ម៉ឺនដុល្លារ

កីឡា៣៣ នាទី មុន

គ្រូ​​បង្វឹក​​ព្រះ​​ខ័ន​​រាជ​​ស្វាយ​រៀង​​​ចុច​​ឈ្មោះ​​កីឡាករ​​ទ័ព​​ដែល​គ្រោះ​​ថ្នាក់​​​ក្នុង​ជំនួប​​ល្ងាច​​នេះ

ព័ត៌មានជាតិ៥៧ នាទី មុន

លោកស្រី ម៉ែន ​សំអន​ផ្តាំផ្ញើឱ្យបង្កើន​ការប្រុង​ប្រយ័ត្នកូវីដ១៩​កំពុងឆ្លង​ចូលសហគមន៍

Sokha Hotels

ព័ត៌មានពេញនិយម