កីឡា
អតីតវីរៈបុរសបាល់ទាត់កម្ពុជាទសវត្សរ៍៦០ លោក មិត្ត សំអែល ទទួលមរណៈភាពដោយរោគគាពាធ
អតីតកីឡាករក្រសួងការពារជាតិ និងជាអតីតកីឡាករជម្រើសជាតិកម្ពុជា មួយរូបក្នុងចំណោមកីឡាករជម្រើសជាតិទាំងឡាយនាទសវត្សរ៍៦០ និង៧០ លោក មិត្ត សំអែល បានទទួលមរណៈភាព នៅថ្ងៃអង្គារ៍ ទី១៦ ខែសីហា ឆ្នាំ២០២២ ដោយរោគគាពាធ។
ជីវប្រវត្តិរបស់លោក មិត្ត សំអែល៖
លោក មិត្ត សំអែល ធ្លាប់ជាប់ជម្រើសជាតិពីឆ្នាំ១៩៦៧ ដល់១៩៧០ លោកកើតនៅថ្ងៃទី១០ ខែមករា ឆ្នាំ១៩៤០ នៅភូមិឃ្លាំងស្បែក ឃុំកំពង់ល្លួង ស្រុកពញាឮ ខេត្តកណ្ដាល។ លោកបានចាប់ផ្ដើមលេងបាល់ទាត់តាំងពីឆ្នាំ១៩៥៦ ដែលពេលនោះមានវ័យត្រឹម១៦ឆ្នាំ។ លុះដល់ឆ្នាំ១៩៦០ លោកបានចូលរួមលេងឲ្យក្រុមនៅក្នុងភូមិឃ្លាំងស្បែក ហើយក្រោយមកទៀតក៏ចូលរួមលេងឲ្យក្រុមហ៊ុន Shell ជាក្រុមហ៊ុនប្រេងដ៏ល្បីឈ្មោះនាពេលនោះ។ ដោយសារតែលោកមានមូលដ្ឋាន និងមានបទពិសោធន៍លេងបាល់យ៉ាងជំនាញ លោកត្រូវបានកោះហៅចូលលេងជាកីឡាករជម្រើសរបស់ក្រសួងការពារជាតិក្នុងឆ្នាំ១៩៦៥។
លោកបានជាប់ជម្រើសជាតិខ្មែរក្នុងឆ្នាំ១៩៦៧។ ជំនាញផ្ទាល់ខ្លួនរបស់លោក គឺការប្រើក្បាលដើម្បីតែតបញ្ចូលទី។ សឹងតែគ្រប់ការប្រកួតរបស់ក្រុមក្រសួងការពារជាតិ និងជម្រើសរើសជាតិកម្ពុជា លោកតែងតែរកគ្រាប់បាល់បញ្ចូលទីដោយការប្រើក្បាល។
លោក មិត្ត សំអែល ក៏ជាអ្នកធ្វើឲ្យបាល់ទាត់ខ្មែរត្រលប់មកវិញផងដែរ បន្ទាប់សម័យប៉ុលពតបានបញ្ចប់។ កីឡាករដែលលោកធ្លាប់បង្ហាត់ និងបណ្ដុះបណ្ដាលដោយផ្ទាល់ដៃមានដូចជា រិទ្ធ ឌីកា, អៀង សាក់នីដា, នាង ចេនឡា, គឹម ចាន់ប៊ុណ្ណារិទ្ធ, កៅ គីរី, សំ វណ្ណដេត, រិទ្ធ កាណូ និង ឆោម វាសនា ជាដើម។ លោកមានកូនប្រុសដែលមានសមត្ថភាពល្បីឈ្មោះផងដែរនោះ គឺលោក សំអែល ណាសា អតីតកីឡាករជម្រើសជាតិកម្ពុជា ដោយធ្លាប់បង្ហាញខ្លួនបាន៤៦ប្រកួត និងទាត់បញ្ចូលទីបាន១១គ្រាប់ ឈរលេខ៥ ក្នុងបញ្ជីតារាងកីឡាករដែលរកគ្រាប់បាល់ឱ្យក្រុមជម្រើសជាតិកម្ពុជា បានច្រើនជាងគេផងដែរ។
សារព័ត៌មាន ‘កម្ពុជាថ្មី’ សូមចូលរួមរំលែកទុក្ខចំពោះគ្រួសារសព ដែលបានបាត់ឪពុក ជីតា ជាពិសេសព្រឹទ្ធាចារ្យបាល់ទាត់ដ៏ល្អមួយរូប៕
អត្ថបទ៖ មន្នីរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត