រថយន្ត​ស៊ិនទ្រីបុករះ​ចូល​ឃ្លាំង​​ស្លាប់មនុស្សទាំងព្រឹក
Connect with us
Helistar Cambodia - Helicopter Charter Services

ចរាចរណ៏

រថយន្ត​ស៊ិនទ្រីបុករះ​ចូល​ឃ្លាំង​​ស្លាប់មនុស្សទាំងព្រឹក

Published

on

រថយន្ដ​របស់ក្រុម​ហ៊ុន​ប្រមូល​សំរាម​ស៊ិនទ្រីមួយគ្រឿងរេចង្កូតបុករះ​រ៉ឺម៉កជួសជុលជួសជុលម៉ូតូ​តាម​ចិញ្ចើមផ្លូវ​រុញ​បុក​ចូលក្នុង​ឃ្លាំង​បណ្ដាល​ឲ្យ​មនុស្ស​ម្នាក់​ស្លាប់​នៅកន្លែង​កើតហេតុ និងរងរបួស​ធ្ងន់​ម្នាក់។​

​ករណីគ្រោះថ្នាក់​ដ៏​រន្ធត់​នេះ​បាន​កើតឡើង​នៅវេលា​ម៉ោង​៧និង៣០នាទី ថ្ងៃទី៤ ខែកុម្ភៈ​​ ឆ្នាំ ២០២១ ស្ថិតនៅ​ចំណុចឃ្លាំង​ទំនេរ​មួយកន្លែង​តាម​បណ្ដោយ​ផ្លូវ២១៧ សង្កាត់​ដង្កោ​ខណ្ឌដង្កោ​ រាជធានី​ភ្នំពេញ​។​

សពជនរងគ្រោះ​មានឈ្មោះ កែវ វុទ្ធី ភេទ​ប្រុស​អាយុ៥០​ឆ្នាំ មុខរបរ​បើកគ្រឿងចក្រឈូសដី ​មាន​ស្រុក​កំណើត​នៅ​ភូមិ ចន្លាត់ដៃ ឃុំ​កំរៀង ស្រុក​សំរោង ខេត្ត​កែវ​។ អ្នករង​របួស​មានឈ្មោះ ពន្លឺ ភេទ​ប្រុសអាយុ២២ឆ្នាំ មាន​ស្រុកកំណើត​នៅ​ភូមិ​រាំងដេក​ ឃុំ​គគីរ​ធំ ​ស្រុក​កៀនស្វាយ​ ខេត្តកណ្ដាល​។​

ព័ត៌មាន​ពី​កន្លែងកើតហេតុ​បាន​ឲ្យ​ដឹងថា​ មុនពេល​កើតហេតុ​គេ​បានឃើញ​រថយន្ត​ប្រមូល​សំរាម​ក្រុមហ៊ុន​ស៊ីន​ទ្រី​មួយគ្រឿង​ពាក់​លេខ​សម្គាល់៨៥ពណ៌​លឿង​បើកបរ​ដោយ​បុរស​ម្នាក់​ធ្វើដំណើរ​តាម​បណ្ដោយ​ផ្លូវ២១៧ ក្នុងទិសដៅ​ពី​ជើង​ទៅ​ត្បូង​ខណៈ​មកដល់​ចំណុចកើតហេតុ​បាន​រេ​ចង្កូត​មក​ស្ដាប់​ដៃ​បុក​រ៉ឺម៉ក​ជួសជុល​ម៉ូតូ​នៅតាម​ចិញ្ចើមផ្លូវ​រុញ​​ខ្ទប់​បុក​ចូលក្នុង​ឃ្លាំង​បន្តទៀត​បណ្ដាល​ឲ្យ​កិន​បុរស​ម្នាក់ដែលឈប់ម៉ូតូក្បែររ៉ឺម៉កជួសជុលម៉ូតូ​ស្លាប់​ភ្លាម​ៗ រីឯម្ចាស់រ៉ឺម៉ករង​របួសធ្ងន់។

ប្រភពបានបន្តថា ក្រោយពីបង្កហេតុអ្នកបើកបរ​រថយន្ត​បានចុះ​រត់គេចខ្លួន​បាត់ស្រមោល​បន្សល់ទុក​តែ​រថយន្ត​នៅ​កន្លែងកើត​ហេតុ​។​

ក្រោយ​កើតហេតុ​កម្លាំង​សមត្ថកិច្ច​មូលដ្ឋាន​បាន​ចុះដល់ទី​តាំង​កន្លែង​កើតហេតុ​ធ្វើការ​វាស់វែង​ និង​ស្រាវជ្រាវ​រក​សាច់ញាតិ​ដើម្បី​ធ្វើ​កំណត់ហេតុ​​ប្រគល់​សពឲ្យ​សាច់ញាតិ​យកទៅ​ធ្វើបុណ្យ​តាម​ប្រពៃណី៕

អត្ថបទ ៖ តារ៉ាវុទ្ធ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services