ចាន់ កែវនិមល ស្លុតចិត្តខ្លាំងក្រោយបាត់បង់ក្មួយស្រីទាំងវ័យក្មេង

ពិធីការិនីសម្បូរវោហាស័ព្ទអ្នកនាង ចាន់ កែវនិមល បានសម្តែងការសោកស្តាយ និងរន្ធត់ចិត្តខ្លាំងបន្ទាប់ពីទទួលដំណឹង​មរណ:ភាពរបស់ក្មួយស្រីជាទីស្រលាញ់ទាំងវ័យក្មេងដោយសារជំងឺដ៏កាចសាហាវមួយនេះ។

ដំណឹងមរណ:ទុក្ខដ៏ក្រៀមក្រំនេះក៏ឃើញសិល្បករ-សិល្បការិនីព្រមទាំងអ្នកគាំទ្រពិធីការិនី ចាន់ កែវនិមល មួយចំនួនបានចូលរួមរំលែកទុក្ខ និងបង្ហាញការសោកស្តាយជាមួយនាងក្រុមគ្រួសារសពផងដែរ។ បើតាមការបញ្ជាក់ពីអ្នកនាង ចាន់ កែវនិមល បានឲ្យដឹងថា ក្មួយស្រីខ្លួនបានស្លាប់ដោយសាជំងឺគ្រាប់ឈាម ខណ:ក្មួយស្រីរូបនេះបានតស៊ូនឹងជំងឺមួយរយ:មកហើយ។

អ្នកនាង ចាន់ កែវនិមល បានរៀបរាប់ទៀតថា ក្មេងល្អរបស់ម៉ាក់មីង ឈី ឈុយ សូមអោយការចាកចេញមួយនេះដោយសេចក្តីស្ងប់សុខលែងមានកាឈឺចាប់សល់តែការចងចាំដែលល្អៗជារាងរហូត។ សូមអោយជាតិក្រោយក្មួយជាក្មេងដែលស្អាតមានសុខភាពល្អជាងនេះមានស្នាមញញឹមអោយច្រើនជាងនេះ។

តាមការកត់សម្គាល់អ្នកនាង ចាន់ កែវនិមល គឺជាពិធីការិនីឆ្នើមមួយរូបប្រចាំទូរទស្សន៍ក្នុងស្រុក និងក្ដោបក្ដាប់តំណែងក្នុងកម្មវិធីធំៗជាច្រើនជាហេតុធ្វើឲ្យប្រជាប្រិយភាពរបស់នាងកាន់តែលេចធ្លោឡើងពីមួយថ្ងៃទៅមួយថ្ងៃគួរឲ្យកត់​សម្គាល់៕

អត្ថបទ៖ ចាន់រ៉ា