អ្នកជំងឺ ៣ នាក់នៅខេត្តកោះកុងព្យាបាលជាសះស្បើយពីកូវីដ

អ្នកជំងឺកូវីដ-១៩ ចំនួន ០៣ នាក់ដែលម្នាក់ជាជនជាតិចិន និង២នាក់ទៀតជនជាតិខ្មែរធ្លាប់បានសម្រាកព្យាបាល
នៅមន្ទីពេទ្យខេត្តកោះកុងត្រូវបានអនុញ្ញាតឱ្យត្រឡប់ទៅមូលដ្ឋានវិញ កាលពីថ្ងៃទី២៧ ខែមីនា ឆ្នាំ២០២១ ក្រោយពី
បានព្យាបាលជាសះស្បើយ។

លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យខេត្តកោះកុង បានណែនាំដល់អ្នកជំងឺដែលទើបនឹងជាសះស្បើយទាំង ០៣ នាក់ឱ្យបន្តអនុវត្តនូវវិធានការសុខាភិបាល ដោយតម្រូវឱ្យធ្វើចត្តាឡីស័ករយៈ ១៤​ ថ្ងៃបន្តទៀត និងអនុវត្ត ៣ កុំ ៣ ការពារ។

គួរបញ្ជាក់ថា គិតត្រឹមថ្ងៃទី២៧ ខែមីនា ឆ្នាំ២០២១ នៅខេត្តកោះកុងមានអ្នកជំងឺកូវីដ-១៩ ក្នុងព្រឹត្តការណ៍សហគមន៍ ២០ កុម្ភ:សរុបចំនួន ១៦ នាក់ ជាសះស្បើយចំនួន ១៣ នាក់ និងកំពុងសម្រាកព្យាបាលនៅមន្ទីពេទ្យខេត្ត ចំនួន ០៣ នាក់៕

អត្ថបទ៖ សំអឿន

ចុចអាន៖ រកឃើញអ្នកជំងឺកូវីដ-១៩ម្នាក់ដែលជាមន្ត្រីបម្រើការនៅស្នងការដ្ឋាននគរបាលខេត្តត្បូងឃ្មុំ

ចុចអាន៖ ព្រឹកនេះរកឃើញអ្នកជំងឺកូវីដ១៩ ពីរនាក់នៅខេត្តព្រៃវែង