បណ្ឌិត គី សេរីវឌ្ឍ៖ អាជីវកម្មខ្នាតតូច និងមធ្យមនឹងរស់ឡើងវិញ ក្រោយរាជរដ្ឋាភិបាលបើកសេដ្ឋកិច្ច
Connect with us
Helistar Cambodia - Helicopter Charter Services

សេដ្ឋកិច្ច

បណ្ឌិត គី សេរីវឌ្ឍ៖ អាជីវកម្មខ្នាតតូច និងមធ្យមនឹងរស់ឡើងវិញ ក្រោយរាជរដ្ឋាភិបាលបើកសេដ្ឋកិច្ច

បានផុស

នៅ

អាជីវកម្មខ្នាតតូច មធ្យម និងក្រុមអ្នកលក់រាយទាំងអស់ នឹងរស់ឡើងវិញ ក្រោយរាជរដ្ឋាភិបាលបើកចំហសេដ្ឋកិច្ចជាតិនៅទូទាំងប្រទេស ចាប់ពីថ្ងៃទី ០១ ខែ វិច្ឆិកា បន្ទាប់ពីមើលឃើញថា មានការថយចុះនៃការឆ្លងរីករាលដាលជំងឺកូវីដ-១៩ នៅកម្ពុជា។ នេះបើតាមការលើកឡើងរបស់លោកបណ្ឌិត គី សេរីវឌ្ឍ អ្នកវិភាគ​សេដ្ឋកិច្ច និងជាប្រធានមជ្ឈមណ្ឌលសិក្សាចិន​នៃរាជបណ្ឌិតសភាកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត គី សេរីវឌ្ឍ បានប្រាប់កម្ពុជាថ្មី នៅថ្ងៃអង្គារនេះថា «យើងនិយាយអំពីការបើកសេដ្ឋកិច្ចឡើងវិញនេះឃើញថា អ្វីដែលរាជរដ្ឋាភិបាលបានធ្វើ គឺជួយដល់ក្រុមលក់រាយ និងអាជីវកម្មខ្នាតតូច និងមធ្យម ដោយសារតែប្រព័ន្ធសេដ្ឋកិច្ចរបស់យើង ការនាំចេញវិស័យកាត់ដេរ និងរោងចក្រសហគ្រាសខ្នាតធំ គឺនាំចេញប្រក្រតី បើទោះជាបញ្ហាកូវីដ បានកើតឡើងក៏ដោយ ប៉ុន្តែវិស័យផលិតកម្មខ្នាតតូច និងមធ្យម រួមទាំងវិស័យលក់រាយ និងសេវាកម្មរងគ្រោះធ្ងន់ធ្ងរ​ ដោយសារជំងឺកូវីដ»។

បើតាមលោកបណ្ឌិត គី សេរីវឌ្ឍ វិស័យដែលជួយទ្រទ្រង់សេដ្ឋកិច្ចជាតិបាន មានតែវិស័យពីរប៉ុណ្ណោះ គឺវិស័យសេវាកម្ម និងវិស័យផលិតកម្ម។ លោកបណ្ឌិត បញ្ជាក់ទៀតថា បច្ចុប្បន្ននេះ វិស័យផលិតកម្មយើងនៅមានកម្រិត ពេលដែលវិបត្តិកូវីដកើតមានឡើង ភាគច្រើនយើងនាំទំនិញចូលពីបរទេស ធ្វើឱ្យថ្លៃនៃការនាំចូលខ្ពស់ ដោយសារការបិទខ្ទប់ និងការផ្អាកចរាចរណ៍ទំនិញ។

ចំពោះវិស័យទេសចរ លោកបណ្ឌិត គី សេរីវឌ្ឍ បានគូសបញ្ជាក់ថា យើងមានសក្កានុពលទាំងវិស័យធម្មជាតិ ទាំងវប្បធម៌ ប៉ុន្តែយើងមិន​ចេះធ្វើឱ្យ​បានលូតលាស់ មិនចេះធ្វើវាឱ្យទទួលបានចំណូលច្រើន ដូច្នេះវិស័យនេះនៅទ្រឹង នៅពេលមានវិបត្តិ​កើតឡើងវិស័យនេះរងគ្រោះធ្ងន់ជាងគេ។

នៅក្នុងសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២ រដ្ឋាភិបាលបានវាយតម្លៃកំណើនសេដ្ឋកិច្ចកម្ពុជាពាក់កណ្តាលឆ្នាំ ២០២១ ដោយប៉ាន់ស្មានថា មានកំណើនក្នុងអត្រា ២,៤%។ ការប៉ាន់ស្មាននេះ គឺស្រដៀងគ្នាទៅនឹងការព្យាកររបស់ស្ថាប័នហិរញ្ញវត្ថុធំៗ ដែលមានក្នុងរង្វង់២,០%។ ដោយឡែក កំណើនសេដ្ឋកិច្ចឆ្នាំ២០២២ ត្រូវបានព្យាករណ៍ថា នឹងសម្រេចបានក្នុងកំណើននៃអត្រា ៤,៨% ។

វិបត្តិកូវីដ១៩ បានធ្វើឱ្យសេដ្ឋកិច្ចកម្ពុជា រងផលប៉ះពាល់យ៉ាងដំណំ ខណៈក្នុងការប្រយុទ្ធប្រឆាំងនឹងជំងឺកូវីដ-១៩ ក្នុងឆ្នាំ២០២១នេះ រាជរដ្ឋាភិបាលកម្ពុជា បានចំណាយថវិកាប្រមាណជាង ២ពាន់លានដុល្លារហើយ គិតចាប់ពីកើតមានជំងឺកូវីដ រហូតមកដល់បច្ចុប្បន្ន។ នេះបើតាមរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុឯកឧត្តម អូន ព័ន្ធមុនីរ័ត្ន ជម្រាបប្រាប់សម្តេចតេជោ ហ៊ុន សែន កាលពីថ្ងៃទី ០១ ខែវិច្ឆិកា នៅក្នុងពិធីបិទយុទ្ធនាការចាក់វ៉ាក់សាំងបង្ការកូវីដ-១៩ សម្រាប់អ្នកមានអាយុ៦ឆ្នាំឡើង និងបើកយុទ្ធនាការចាក់សម្រាប់កុមារមានអាយុ ៥ឆ្នាំ៕  អត្ថបទ៖ ទួន សុផល​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៧ វិនាទី មុន

៣០​ឆ្នាំនេះ​ធនាគារ​អេស៊ីលីដា​បាន​ឈរជើង​យ៉ាងរឹងមាំ​ក្នុង​វិស័យ ធនាគារ​និង​ហិរញ្ញវត្ថុ​នៅ​កម្ពុជា​

ជំនឿ៣ ម៉ោង មុន

ទម្រង់ច្រមុះ ៣ប្រភេទ ចាស់ពីដើមចាត់ទុកជាមនុស្សមានបុណ្យវាសនាល្អ

នយោបាយ៣ ម៉ោង មុន

ព្រះអង្គម្ចាស់ នរោត្តម ចក្រាវុធ អំពាវនាវ​ឱ្យ​ថ្នាក់ដឹកនាំ​បន្ត​ខិតខំ ដើម្បី​ឲ្យ​បក្ស​រាជានិយម​នេះ មាន​សម្លេង​ឡើងវិញ

ជីវិតកម្សាន្ដ៣ ម៉ោង មុន

ម៉ា ដូ​ណា ហួសចិត្ត​លើ​ការ​ផ្សព្វផ្សាយ​មួយចំនួន​ដែល​បំផ្លើស​ផ្ទុយ​ការពិត

កីឡា៤ ម៉ោង មុន

ជើង​ខ្លាំង​ឃី​ក​បុក​សី​ង​ថៃ Sitthichai រំពឹងថា​នឹង​យកឈ្នះ Kiria ម្ដងទៀត​នៅ​វគ្គ​ពាក់កណ្ដាល​ផ្ដាច់ព្រ័ត្រ World Gran Prix

Sokha Hotels

ព័ត៌មានពេញនិយម

Helistar Cambodia - Helicopter Charter Services