កូវីដ-១៩
សម្តេចតេជោ ឱ្យយកចិត្តទុកដាក់ចាក់វ៉ាក់សាំងជូនជនពិការ ចាស់ជរា និងព្រះសង្ឃ
ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន បានធ្វើការណែនាំទៅកាន់ក្រុមការងារដែលកំពុងបើកប្រតិបត្តិការចាក់វ៉ាក់សាំងជូនប្រជាពលរដ្ឋនៅក្នុងតំបន់ក្រហមក្នុងភូមិសាស្ត្ររាជធានីភ្នំពេញយកចិត្តទុកដាក់ជាពិសេសទៅលើជនពិការ ជនចាស់ជរា និងព្រះសង្ឃនៅក្នុងតំបន់នោះ។
សារពិសេសជាសំឡេងរបស់សម្តេចតេជោ ហ៊ុន សែន ពាក់ព័ន្ធនឹងការចាក់វ៉ាក់សាំងជូនប្រជាជនទាំងអស់នៅតំបន់ក្រហម នាព្រឹកថ្ងៃទី៥ ខែឧសភា ផ្ញើទៅកាន់សម្ដេចពិជ័យ សេនា ទៀ បាញ់ និង អ្នកដឹកនាំប្រតិបត្តិការចាក់វ៉ាក់សាំងនៅក្នុងតំបន់ក្រហម សម្តេចតេជោ ហ៊ុន សែន បានថ្លែងថា៖ “សម្ដេចពិជ័យសេនា ទៀ បាញ់ ឯកឧត្តម ឥត សារ៉ាត់ អ្នកដឹកនាំប្រតិបត្តិការចាក់វ៉ាក់សាំងនៅក្នុងតំបន់ក្រហមត្រូវបន្តកិច្ចការងារនៅក្នុងតំបន់នេះឱ្យចប់ចុងចប់ដើម ហើយត្រូវយកចិត្តទុកដាក់ខ្ពស់ទៅលើមនុស្សទាំងអស់ដែលស្ថិតនៅទីនោះ ជាពិសេសត្រូវសម្លឹងទៅលើជនពិការ និងជនចាស់ជរាដែលគប្បីទទួលបានការអនុគ្រោះដោយអនុញ្ញាតឱ្យចូលចាក់មុនគេ ក្នុងករណីដែលមានការចាំបាច់ អ្នកដែលមាន វ័យចំណាស់ ឬជនពិការដែលមិនអាចចូលបាន យើងអាចឆ្លៀតដើម្បីចាក់ជូនពួកគាត់នៅទីកន្លែងរបស់គាត់ ហើយក៏កុំភ្លេចចំពោះព្រះសង្ឃនៅតាមវត្តអារាមដោយសុំឱ្យនិមន្តព្រះសង្ឃមកចាក់ផងដែរ ព្រោះព្រះសង្ឃក៏ជាពលរដ្ឋ”។
សម្តេចតេជោ ហ៊ុន សែន បញ្ជាក់បន្ថែមថា៖ “និយាយសរុបមកគឺយើងមិនឱ្យអ្នកណាម្នាក់នៅក្នុងតំបន់ក្រហមខ្វះវ៉ាក់សាំងដើរចេញនោះទេ ដូចជាយើងគ្រោងចាក់ចំនួន៤៥ម៉ឺននាក់ យើងមាន៥២ម៉ឺននាក់ ឥឡូវនេះខ្ញុំអាចនិយាយបានថាទោះបី៥៣ម៉ឺននាក់ ៥៤ ឬ ៥៥ម៉ឺននាក់ ឬច្រើនជាងនេះក៏យើងនៅតែមានលទ្ធភាពចាក់វ៉ាក់សាំងជូនប្រជាជននៅក្នុង តំបន់ក្រហមឱ្យអស់ផងដែរ”៕
អត្ថបទ៖ ណារី
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង