កូវីដ-១៩
អ្នកឆ្លងកូវីដ កុំបាក់ទឹកចិត្ត! ពង្រឹងស្មារតីឱ្យមាំ អនុវត្តប៉ុន្មានចំណុចនេះ ទើបឆាប់ជាសះស្បើយ
បន្ទាប់ពីឆ្លងមេរោគកូវីដ-១៩ រាងកាយអ្នកជំងឺភាគច្រើន ប្រាកដណាស់ថាចុះខ្សោយទ្វេដង។ ដោយសារសរីរាង្គមិនមាំទាំ បូកផ្សំប្រព័ន្ធភាពស៊ាំត្រូវវីរុសវាយលុកផង ទើបអ្នកជំងឺមួយចំនួនវិវត្តរោគសញ្ញាធ្ងន់ធ្ងរទៅៗ ហើយក្រនឹងជាឡើងវិញ។
ប៉ុន្តែ ទោះជាយ៉ាងនេះក្ដី អ្នកជំងឺក៏នៅតែមានឱកាសជាសះស្បើយ ហើយអាចកាន់តែជារហ័សបាន បើសិនអនុវត្តសកម្មភាពមួយចំនួន ដើម្បីគាំពាររាងកាយឱ្យនៅតែមានសុខភាពរឹងមាំ។
១) ទទួលទានអាហារជីវជាតិ៖ អាហារពិតជាមានសារសំខានបំផុតសម្រាប់ស្ដាររាងកាយពីភាពទ្រុឌទ្រោមក្រោយហត់នឿយ ឬឈឺថ្កាត់។ ការជ្រើសទទួលទានអាហារមានសារធាតុចិញ្ចឹមគ្រប់គ្រាន់អាចជួយបំពេញនូវការខូចខាតនៃកោសិកា ព្រមទាំងជួយបង្កើនល្បឿននៃការជាសះស្បើយឡើងវិញឆាប់រហ័ស។
២) បំពេញជាតិទឹក៖ ជំងឺកូវីដ មិនខុសពីផ្ដាសាយប៉ុន្មាន ដោយសារវាបានធ្វើឱ្យរាងកាយក្ដៅក្នុង ហើយខ្វះជាតិទឹក។ ដូច្នេះការដែលរក្សាទម្លាប់ផឹកទឹកឱ្យបានគ្រប់គ្រាន់ អាចជួយបំពេញជាតិទឹកដែលបាត់បង់ ព្រមទាំងជួយបញ្ចេញជាតិពុលតាមរយៈទឹកមនោមទៀតផង។
៣) សម្រាកគ្រប់គ្រាន់៖ ដំណេកស្កប់ស្កល់ជាគន្លឹះប្រឆាំងជំងឺទាំងឡាយទាំងពួង រួមទាំងជំងឺកូវីដ-១៩ដែរ។ ការគេងមិនគ្រប់គ្រាន់នាំឱ្យប្រព័ន្ធភាពស៊ាំចុះខ្សោយ វីរុសងាយលុកលុយ និងធ្វើឱ្យឱកាសជាសះស្បើយរឹតតែអូសបន្លាយពេលទៀតផង។
៤) ធ្វើលំហាត់ប្រាណ៖ កំលុងផ្ទុកជំងឺ ការធ្វើលំហាត់ប្រាណអាចនឹងមានបញ្ហាខ្លះ ដោយសាររាងកាយចុះខ្សោយ។ ទោះយ៉ាងណា បើមិនហាត់ប្រាណសោះ សុខភាពនឹងកាន់តែខ្សោយ ដូច្នេះត្រូវទម្លាប់ហាត់ប្រាណបន្តិចម្តងៗ ព្រោះអាចជួយច្រើនដល់សុខភាពទាំងរាងកាយនិងអារម្មណ៍ ជាពិសេសអាចការពារជំងឺធ្លាក់ទឹកចិត្តបានទៀតផង។
៥) ហ្វឹកហាត់ការចងចាំ៖ ដូចដែលធ្លាប់ដឹង កូវីដ-១៩មិនត្រឹមតែបង្កផលប៉ះពាល់ដល់ប្រព័ន្ធផ្លូវបង្ហើមប៉ុណ្ណោះទេ ប៉ុន្តែប្រព័ន្ធប្រសាទក៏ប៉ះទង្គិចដែរ។ កោសិកាចងចាំរបស់អ្នកជំងឺ នឹងខូចខាតផ្នែកខ្លះ ក្រោយឆ្លងវីរុសកូវីដ-២៩។ ដើម្បីទទួលបានសមត្ថភាពក្នុងការគិត ការចងចាំ ចូរចំណាយពេលខ្លះលេងល្បែងផ្គុំរូប ល្បែងល្បងប្រាជ្ញា អានសៀវភៅ ឬសកម្មភាពដែលអ្នកធ្វើឱ្យខួរក្បាលពិបាកគិតបន្តិច។ ទង្វើទាំងនេះជាកូនសោជួយឱ្យខួរក្បាលដំណើរការហ័សរហួន ក៏ដូចជាបំប៉នការចងចាំបានល្អផងដែរ។
៦) គោរពគោលការណ៍សុខភាព៖ គោលការណ៍សុខភាព នៅតែត្រូវប្រកាន់ខ្ជាប់ជាប្រចាំ ទោះស្ថិតក្នុងកាលៈទេសៈណាក៏ដោយ។ មិនថាអ្នកមិនទាន់ឆ្លង កំពុងឆ្លង ធ្លាប់ឆ្លងកូវីដ ឬអ្នកបានចាក់វ៉ាក់សាំងការពាររួចហើយនោះទេ ការរក្សាអនាម័យដោយត្រូវបើកទ្វារបង្អួចឲ្យខ្យល់ចេញចូលល្អ ហើយបើអាចចេញក្រៅបន្ទប់ឱ្យប៉ះពន្លឺព្រះអាទិត្យខ្លះ លាងសម្អាតដៃ ពាក់ម៉ាស និងគម្លាតសុវត្ថិភាព ដាច់ខាតត្រូវអនុវត្ត កុំបីខាន៕
ប្រែសម្រួល៖ សន្យា
ប្រភព៖ HEALTH
ចុចអាន៖ អ្នកជំនាញទូន្មានឱ្យតមភេសជ្ជៈផ្អែមៗ ក្រោយចាក់វ៉ាក់សាំងកូវីដ-១៩ ព្រោះ…
ចុចអាន៖ តិចនិកថែទាំអ្នកសង្ស័យ និងព្យាបាលកូវីដ-១៩ នៅផ្ទះ ចៀសវាងឆ្លងសមាជិកគ្រួសារ
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ម៉ោង ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ១ សប្តាហ៍ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ