កូវីដ-១៩
សពអ្នកជំងឺកូវីដ-១៩គ្របចោលក្នុងផ្ទះ២យប់ ត្រូវបានគ្រូពេទ្យដឹកយកទៅបូជា
ភ្នំពេញ៖ ប្រជាពលរដ្ឋរស់នៅភូមិជ្រោយបាសាក់ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ មានការភ័យខ្លាចឆ្លងជំងឺកូវីដ-១៩ ពីសពស្ត្រីម្នាក់ដែលរស់នៅក្នុងភូមិបានស្លាប់ដោយសារជំងឺកូវីដ-១៩ ហើយគ្របទុកចោលក្នុងផ្ទះរហូតដល់២យប់ ទើបគ្រូពេទ្យមកដឹកយកទៅបូជា។
យោងតាមសេចក្តីរាយការណ៍ពីលោក ឈឹម សាមិ មេភូមិជ្រោយបាសាក់បានឲ្យដឹងថា អស់រយៈពេល២យប់ហើយដែលបងប្អូនប្រជាពលរដ្ឋរស់នៅក្នុងក្រុម៥ ភូមិជ្រោយបាសាក់ សង្កាត់ព្រែកប្រា មានការភ័យខ្លាចឆ្លងជំងឺពីសពស្ត្រីឈ្មោះ ឈុន វណ្ណា អាយុ៥៨ឆ្នាំ ដែលបានស្លាប់តាំងពីវេលាម៉ោង៦យប់ ថ្ងៃទី២ ខែមិថុនា រហូតមកដល់វេលាម៉ោង១១ព្រឹក ថ្ងៃទី៤ ខែមិថុនានេះ ទើបគ្រូពេទ្យមកដឹកសពយកទៅបូជាតាមលក្ខណៈបច្ចេកទេស។
លោក ឈឹម សាមិ បានបន្តថា តាមសំណូមពររបស់ប្រជាពលរដ្ឋគឺ សុំឲ្យគ្រូពេទ្យរួសរាន់មកដឹកយកសពទៅបូជាផង។ កុំគ្របចោលអស់រយៈពេល២យប់ទើបគ្រូពេទ្យមកដឹកយកទៅបូជា។
មូលហេតុដែលប្រជាពលរដ្ឋមានការភ័យខ្លាចនោះគឺ សពត្រូវគ្របចោលក្នុងផ្ទះ ហើយពុំមានប្រជាពលរដ្ឋទៅចូលរួមព្រោះខ្លាចឆ្លងជំងឺដ៏សាហាវនេះ។ ម្យ៉ាងទៀតសពមិនមានព្រះសង្ឃ ឬលោកតាអាចារ្យមកសូត្រមន្តតាមប្រពៃណីដែលទៅជាសពតៃហោងដោយពុំមានឲ្យធម៌ពីព្រះសង្ឃ។
លោកមេភូមិជ្រោយបាសាក់បានបញ្ជាក់ថា ចាប់តាំងពីថ្ងៃទី៣១ ខែឧសភា មកដល់ថ្ងៃទី២ ខែមិថុនានេះ ក្នុងភូមិរបស់លោកមានស្ត្រី២នាក់ហើយបានស្លាប់ដោយសារជំងឺកូវីដ-១៩ ហើយសពទាំងពីរគឺជាអ្នកជំងឺដេកនៅកន្ទេល ដល់ពេលស្លាប់ គ្រូពេទ្យមកពិនិត្យសំណាកសុទ្ធតែមានវីជ្ជមានកូវីដ-១៩ទាំងអស់៕
អត្ថបទ៖ នរា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ