កូវីដ-១៩

ក្មេងចាស់ប្រុសស្រី ៥ នាក់ទៀត វិជ្ជមានកូវីដ១៩ ពាក់ព័ន្ធពិធីភ្ជាប់ពាក្យគូដណ្ដឹងភូមិធម្មជាតិ

បានផុស

១ ខែ មុន

នៅ

ថ្ងៃអង្គារ ១៥ មិថុនា ២០២១

ដោយ

រដ្ឋបាលខេត្តព្រះវិហារបានប្រកាសរកឃើញវិជ្ជមានជំងឺកូវីដ១៩នៅលើមនុស្សប្រុសស្រី ៥ នាក់បន្ថែមទៀត មានទាំងកុមារ និងមនុស្សចាស់ អំឡុងពេលពួកគេកំពុងធ្វើចត្តាឡីស័ក នៅមណ្ឌលចត្តាឡីស័ក ស្រុកជាំក្សាន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរខេត្តព្រះវិហារ បានស្រាវជ្រាវតាមដានរកឃើញ អ្នកប៉ះពាល់ផ្ទាល់ និងករណីផ្ទុះកូវីដ១៩ ដែលជាប់ពាក់ព័ន្ធក្នុងពិធីភ្ជាប់ពាក្យគូដណ្ដឹងនៅភូមិធម្មជាតិ ឃុំស្រអែម ស្រុកជាំក្សាន្តជាង ៧០ នាក់ និងអ្នកពាក់ព័ន្ធប្រយោលជាង ១៥០ នាក់។

អ្នកទាំង ៥ នាក់គឺជាអ្នកជាប់ពាក់ព័ន្ធក្នុងកម្មវិធីភ្ជាប់ពាក្យគូដណ្ដឹងកាលពីថ្ងៃទី ២៧ ខែឧសភា នៅភូមិស្រអែមខាងជើង ឃុំស្រអែម ស្រុកជាំក្សាន្ត ខេត្តព្រះវិហារ។

អ្នកទាំង៥ ត្រូវបានអាជ្ញាធររកឃើញថាមានជាប់ព័ន្ធជាមួយមនុស្សក្នុងពិធីភ្ជាប់ពាក្យ ហើយត្រូវបាននាំមកធ្វើចត្តាឡីស័ក នៅថ្ងៃទី ០៦ ខែមិថុនា រហូតដល់ថ្ងៃទី ១៥ ខែមិថុនានេះ ទើបរកឃើញវិជ្ជមានជំងឺកូវីដ១៩។

គិតដល់ថ្ងៃទី១៥ ខែមិថុនានេះ ខេត្តព្រះវិហារបានរកឃើញអ្នកវិជ្ជមានជំងឺកូវិដ១៩ ចំនួន ៣៣ នាក់ ស្រីចំនួន ១៣ នាក់ និងកុមារីចំនួន ៦ នាក់ ក្នុងនោះបានជាសះស្បើយចំនួន ៨ នាក់ ខណៈអ្នកជំងឺ ២៥ នាក់កំពុងសម្រាកព្យាបាល៕