ក្រុងសិរីសោភ័ណ បន្ថែមមណ្ឌ​ល​ចត្តាឡីស័ក ចំនួន ៣
Connect with us
Helistar Cambodia - Helicopter Charter Services

កូវីដ-១៩

ក្រុងសិរីសោភ័ណ បន្ថែមមណ្ឌ​ល​ចត្តាឡីស័ក ចំនួន ៣

បានផុស

នៅ

រដ្ឋបាលខេត្តបន្ទាយមានជ័យ បានបន្ថែមមណ្ឌលចត្តាឡីស័កចំនួន ៣ បន្ថែមទៀត នៅក្នុងក្រុងសិរីសោភ័ណ និងស្រុកមង្គលបូរី ដោយសារតែចំនួន ប្រជាពលរដ្ឋដែលត្រូវធ្វើចត្តាឡីស័កមានការកើនឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុំ រាត្រី អភិបាលខេត្តបន្ទាយមានជ័យបានឱ្យដឹងថា មណ្ឌលចត្តាឡីស័កទាំង ៣ គឺសាលាបឋមសិក្សាអូរអំបិលសង្កាត់អូរអំបិល សាលាបឋមសិក្សាភ្នំបាក់សង្កាត់ទឹកថ្លា និងវិទ្យាល័យ ហ៊ុន សែន មង្គលបូរី ឃុំឬស្សីក្រោកស្រុកមង្គលបូរី។

រដ្ឋបាលខេត្ត កំពុងបន្តខិតខំដោះស្រាយ ទប់ស្កាត់និងគ្រប់គ្រងបងប្អូនពលករខ្មែរត្រឡប់មកពីប្រទេសថៃ និងអ្នកពាក់ព័ន្ធឬពលរដ្ឋក្នុងខេត្ត ក៏ដូចមកពីខេត្ត រាជធានីនានាក្នុងប្រទេសដើម្បីដាក់ឲ្យធ្វើចត្តាឡីស័កឲ្យបានត្រឹមត្រូវ ហ្មត់ចត់ជាប់ជានិច្ច ការបើកមណ្ឌល៣បន្ថែមនេះ នឹងធ្វើឲ្យមណ្ឌលចត្តាឡីស័កក្នុងខេត្តនេះកើនដល់១៣កន្លែងនៃ៩ស្រុកក្រុង។

បើតាមលោកអភិបាលខេត្ត ការបន្ថែមមណ្ឌលចត្តាឡីស័កនេះ ដោយសារការផ្ទុះឆ្លងរាលដាល ជំងឺកូវីដ១៩ ករណីសណ្ឋាគារ ភោជនីយដ្ឋាននិងខារ៉ាអូខេរុងរឿងនៅសង្កាត់អូរអំបិលក្រុងសិរីសោភ័ណនិងសហគមន៍ជាច្រើនទៀតក្នុងក្រុងនេះ ក៏ដូចជាតាមស្រុកក្រុងទាំង៨ទៀត។

ម្យ៉ាងទៀតដោយសារ ការសម្រេចថ្មីរបស់រាជរដ្ឋាភិបាល ក៏ដូចក្រសួងសុខាភិបាលនិងគណៈកម្មការជាតិប្រយុទ្ធនឹងជម្ងឺកូវីដ .១៩ ទាក់ទិននឹងការទប់ស្កាត់នូវការចម្លងមេរោគកូវីដ១៩ បម្លែងថ្មីឈ្មោះដែលតា(Delta) ឥណ្ឌា តាមរយៈពលរដ្ឋខ្មែរត្រឡប់ពីបរទេស ពិសេសពលករខ្មែរវិលពីប្រទេសថៃ ពលករខ្មែរពេលវិលមកច្រកព្រំដែនអូរបីជាន់ឃុំអូរបីជាន់ស្រុកអូរជ្រៅ ត្រូវយកសំណាករកមេរោគកូវីដ.១៩ នៅនឹងច្រកតែម្តង មិនដូចមុនឡើយ៕

អត្ថបទ៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services