លម្អិត ករណីគិលានុបដ្ឋាយិកាសកម្មម្នាក់ បានស្លាប់ដោយសារជំងឺកូវីដ-១៩
Connect with us
Helistar Cambodia - Helicopter Charter Services

កូវីដ-១៩

លម្អិត ករណីគិលានុបដ្ឋាយិកាសកម្មម្នាក់ បានស្លាប់ដោយសារជំងឺកូវីដ-១៩

បានផុស

នៅ

ភ្នំពេញ៖ អ្នកគ្រូពេទ្យព្យាបាលជំងឺកូវីដ-១៩ នៅខេត្តព្រះសីហនុម្នាក់បានស្លាប់ដោយសារជំងឺកូវីដ-១៩ បន្ទាប់ពីព្យាបាលនៅភ្នំពេញ និងទើបបានបូជាសពរួចនៅរសៀលថ្ងៃទី៣០ ខែសីហានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពដែល “កម្ពុជាថ្មី” ទទួលបាននៅរសៀលថ្ងៃនេះបានឱ្យដឹងថា អ្នកគ្រូពេទ្យដែលស្លាប់នោះមានឈ្មោះ អ៊ឹម ស្រីនិ ដែលជាគិលានុបដ្ឋាកយិកា បម្រើការងារ នៅមន្ទីរពេទ្យបង្អែកខេត្តព្រះសីហនុ។

អ្នកគ្រូពេទ្យ អ៊ឹម ស្រីនិ បានឆ្លងជំងឺកូវីដ-១៩ និងព្យាបាលនៅខេត្តព្រះសីហនុ ដោយសារស្ថានភាពជំងឺធ្វើទុក្ខខ្លាំង ក៏ត្រូវបញ្ជូនមកព្យាបាល នៅមណ្ឌលព្យាបាលជំងឺកូវីដ-១៩ ព្រីមៀម សែនសុខ កាលពីថ្ងៃទី២៦ ខែសីហា ឆ្នាំ២០២១។ ប៉ុន្តែដោយសារស្ថានភាពជំងឺធ្ងន់ធ្ងរ មិនអាចជួយសង្គ្រោះបាន អ្នកជំងឺបានស្លាប់នៅម៉ោង១០យប់ ថ្ងៃ២៩ ខែសីហា ឆ្នាំ២០២១ ដោយសាជំងឺកូវីដ-១៩។

ចំណែកលោក ម៉ាង ស៊ីណេត អភិបាលរងខេត្តព្រះសីហនុ បានមានប្រសាសន៍ប្រាប់ “កម្ពុជាថ្មី” នៅរសៀលនេះថា អ្នកគ្រូពេទ្យ ឆ្លងជំងឺកូវីដ-១៩ មិនមែនប្រភេទ ដែលតា ទេ​។ រដ្ឋបាលខេត្តបានសម្របសម្រួលស្នើសុំយកសាកសពអ្នកគ្រូពេទ្យមកបូជានៅខេត្តព្រះសីហនុវិញ។

លោក ម៉ាង ស៊ីណេត មានប្រសាសន៍ថា៖ “ដោយសារស្ថានភាពឆ្លងកូវីដ-១៩ នៅខេត្តព្រះសីហនុ ក៏បានធូរស្រាល ចំណែកឪពុកម្ដាយសព ពេលបាត់បង់កូនស្រីក៏ទន់ដៃទន់ជើង ហើយដំណាក់កាលកូវីដ បើពួកគាត់ទៅភ្នំពេញ ក៏ពិបាកធ្វើចត្តាឡីស័ក និងកន្លែងស្នាក់នៅ។ ហើយបន្ទាប់ពីចប់ពិធីបុណ្យតាមបែបសាសនានៅដំណាក់កាលកូវីដ នៅវត្តនៅខេត្ត គឺពួកគាត់អាចត្រឡប់មកសម្រាកនៅផ្ទះវិញបាន”។

លោក បានបញ្ជាក់បន្តថា៖ “ឥឡូវសពបានធ្វើការបូជារួចហើយកាលពីម៉ោង២រសៀននេះ នៅវត្ត អូរត្រិះ ដែលជាទីតាំងបូជាសពអ្នកជំងឺកូវីដ-១៩”។

លោក ម៉ាង ស៊ីណេត បានបញ្ជាក់ទៀតថា រួមជាមួយជំនួយពីរដ្ឋាភិបាល រដ្ឋបាលខេត្តព្រះសីហនុបានចូលបច្ច័យរំលែកទុក្ខចំនួន ១០ លានរៀល និងឯកឧត្ដម ហ៊ុន ម៉ាណែត បានផ្ញើចូលបច្ច័យ ១,០០០ ដុល្លារ។

លោកអភិបាលរងបានលើកឡើងថា គិលានុបដ្ឋយិកា អ៊ឹម ស្រីនិ ខិតខំធ្វើការខ្លាំងណាស់ កាលនៅរស់មានជីវិត។

លោក ម៉ាង ស៊ីណេត មានប្រសាសន៍ថា៖ “គាត់ប្រឹងប្រែងធ្វើការ លះបង់ខ្លាំងណាស់កំឡុងពេលកូវីដនេះ។ នៅមន្ទីរពេទ្យ ជួនកាលត្រូវពិនិត្យ និងទទួលអ្នកជំងឺមួយយប់ទល់ភ្លឺ ជួនកាលម៉ោង៧ព្រឹកអី គាត់នៅអង្គុយធ្វើការនៅហ្នឹង ទើសៗភ្លឺ កាលដែលយើងមមាញឹកខ្លាំង គឺគាត់សកម្មណាស់ គួរឱ្យសោកស្ដាយ…”។

បើតាមគ្រូពេទ្យធ្លាប់រួមការងារសុំមិនបញ្ចេញឈ្មោះបានប្រាប់ “កម្ពុជាថ្មី” ថា អ្នកស្រី អ៊ឹម ស្រីនិ ជាមនុស្សល្អខ្លាំង សុភាព រួយរាយរាក់ទាក់ សកម្មការងារ ឱស្សាហ៍ ចេះយករក្សាអ្នកដទៃ។

បើតាម លោកស្រី ពេជ ច័ន្ទមុនី ប្រធានអនុប្រធានក្រុមប្រឹក្សាភិបាលសមាគម គ្រូពេទ្យស្ម័គ្រចិត្តយុវជនសម្តេចតេជោ រួមទាំងមិត្តភក្តិដែលគ្រូពេទ្យ បានបង្ហោះសារសម្តែងនូវការស្តោកស្តាយ ចំពោះការបាត់បង់អ្នកគ្រូពេទ្យឈ្មោះ អ៊ឹម ស្រីនិ និងចាត់ទុកមរណភាពនេះ គឺជាការលះបង់ដើម្បីជាតិ និងសូមឲ្យវិញ្ញាណក្ខន្ធអ្នកគ្រូពេទ្យ អ៉ឹម ស្រីនិ បានទៅកាន់សុខគតិភព កុំបីឃ្លៀងឃ្លាតឡើយ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ថ្នាក់ដឹកនាំ​សាលា​ភូមិន្ទ​រដ្ឋបាល ជ្រើស​រើស​យក​វត្ត​អង្គរ​ខាងជើង ជា​ចំណុច​ចាប់ផ្តើម នៃ​គម្រោង​សាកល្បង​ការរៀបចំ​សួន​ទេសភាព វប្បធម៌ វត្ត​អារាម

ព័ត៌មានជាតិ២ ម៉ោង មុន

បណ្ឌិត សេង សារី ថា មាន​សម្តេច ហ៊ុន សែន តែម្នាក់ឯង​គត់ ដែល​បាន​កសាង​ប្រវត្តិសាស្ត្រ​ក្នុងការ​ដោះស្រាយ​ជម្លោះ​នយោបាយ​នៅ​កម្ពុជា

ព័ត៌មានជាតិ២ ម៉ោង មុន

សាខា​កាកបាទក្រហមកម្ពុជា ខេត្តព្រៃវែង បើក​យុទ្ធនាការ «​បាញ់ថ្នាំ​កំចាត់​ជម្រក​មូស​ខ្លា ដើម្បី​ការពារ​ជំងឺគ្រុនឈាម​-​គ្រុន​ឈី​ក​»

ជីវិតកម្សាន្ដ២ ម៉ោង មុន

តារាចម្រៀង រតនៈ វិសាល មានទុក្ខ​ធំ​ព្រោះ​ម្តាយ​ទទួលមរណភាព

នយោបាយ៣ ម៉ោង មុន

គ​.​ជ​.​ប ប្រាប់​ឲ្យ​ដឹង​ពី​លទ្ធផល នៃ​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត ឆ្នាំ​២០២១ សម្រាប់​ថ្ងៃទី​៩

Sokha Hotels

ព័ត៌មានពេញនិយម

Helistar Cambodia - Helicopter Charter Services