ព័ត៌មានអន្ដរជាតិ
ថៃខ្លាចរាលដាលកូវីដទៅខេត្ត បើដាក់បំរាមក្រុងបាំងកកពេញលេញ
នាយកដ្ឋានគ្រប់គ្រងជំងឺឆ្លងបានស្នើសុំដាក់បំរាមតឹងតែងតែនៅកន្លែងដែលមានឆ្លងកូវីដ-១៩នៅទីក្រុងបាំងកក ពីព្រោះការដាក់បំរាមពេញលេញទូទាំងទីក្រុងអាចបណ្តាលឲ្យរាលដាលទៅកាន់បណ្តាខេត្តនានា ដោយសារពលករវិលត្រឡប់ទៅស្រុកកំណើតវិញ។
កាលពីថ្ងៃសុក្រម្សិលមិញអ្នកនាំពាក្យមជ្ឈមណ្ឌលរដ្ឋបាលស្ថានភាពកូវីដ-១៩ (CCSA) អ្នកស្រីវេជ្ជបណ្ឌិត Apisamai Srirangson បានឲ្យដឹងថា នាយកដ្ឋានបានលើកឡើងពីការដាក់បំរាមអាចត្រូវបានរឹតបន្តឹងនៅកន្លែងដែលមានហានិភ័យខ្ពស់ដូចជា កន្លែងការងារពលករអន្តោប្រវេសន៍ ទីកន្លែងស្នាក់នៅរបស់ពលករ ផ្សារជាក់លាក់ និងខណ្ឌជាក់លាក់។
សំណើរត្រូវបានបង្ហាញដល់មជ្ឈមណ្ឌលរដ្ឋបាលស្ថានភាពកូវីដ-១៩ កាលពីថ្ងៃសុក្រម្សិលមិញ។
អ្នកស្រី Apisamai លើកឡើងថា នាយកដ្ឋានក៏បានលើកឡើងដែរពីអាជីវកម្ម ឬសកម្មភាពដែលមានហានិភ័យគួរត្រូវបានផ្អាកដំណើរការ។ នាយកដ្ឋានចង់សំដៅទៅការដាក់បំរាមដែលត្រូវបានជ្រើសរើសដើម្បីបិទទីក្រុងទាំងមូល។
មន្ត្រីសុខាភិបាលមានការព្រួយបារម្ភថា ការដាក់បំរាមពេញលេញទូទាំងទីក្រុងអាចធ្វើឲ្យបញ្ហាកាន់តែធ្ងន់ធ្ងរឡើង។ ឧទាហរណ៍ ការបិទសាលារៀនឥស្លាម Markaz ទាំងស្រុងនៅ Yala ដែលបណ្តាលឲ្យរាលដាលឆ្លងកូវីដទៅដល់ខេត្ត១១នៅភាគខាងត្បូងប្រទេស។
អ្នកស្រីវេជ្ជបណ្ឌិត Apisamai មានប្រសាសន៍ថា ៖«មន្ត្រីមានការងឿឆ្ងល់ថាតើ ការដាក់បំរាមពេញលេញជំរុញឲ្យពលករវិលទៅស្រុកកំណើតវិញ ហើយអាចជាប្រភពទៅចម្លងដល់តាមបណ្តាខេត្ត»។
អាជ្ញាធរសុខាភិបាលបានកំពុងពិនិត្យមើលពីវិធានការទប់ស្កាត់កូវីដ-១៩នៅតំបន់ដែលផ្ទុះឆ្លង។
អ្នកស្រីបានលើកឡើងពីការផ្ទុះឆ្លងនៅផ្សារ Simummuang ក្នុងស្រុក Lum Luk Ka នៅខេត្ត Pathumi Thani។
ផ្សារលក់ដំទំហំ៣៥០រ៉ៃបានបម្រើបណ្តាញពាណិជ្ជកម្មទូទាំងប្រទេសពាក់ព័ន្ធនឹងផលិតផលកសិកម្មតូច-ធំនៅតាមបណ្តាខេត្ត និងមានអតិថិជនប្រហែល២ម៉ឺននាក់ និងអ្នកលក់២ម៉ឺននាក់ ហើយមានពលករអន្តោប្រវេសន៍ចេញចូលផ្សារនោះជារៀងរាល់ថ្ងៃ។
ទីក្រុងបាំងកកមានករណីឆ្លងជាចង្កោមដល់ទៅ១០៧កន្លែង និងមានអ្នកឆ្លង៦៤៩៧៧នាក់នៅក្នុងរលកទី៣នៃកូវីដ-១៩ដែលចាប់ផ្តើមកាលពីដើមខែមេសា៕
ប្រែសម្រួល៖ វីរបុត្រ
ប្រភព៖ bangkokpost
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)