Connect with us

ព័ត៌មានអន្ដរជាតិ

ប្រទេសអាស៊ាន ២ ទៀតទទួលវ៉ាក់សាំងការពារកូវីដឥតគិតថ្លៃពី ជប៉ុន

បានផុស

នៅ

ប្រទេសម៉ាឡេស៊ីបានទទួលវ៉ាក់សាំងការពារជំងឺកូវីដ ១៩ ប្រហែល ១ លានដូស ដែលត្រូវបានផ្តល់ដោយឥតគិតថ្លៃពីប្រទេសជប៉ុន ។

វ៉ាក់សាំង AstraZeneca បានមកដល់អាកាសយានដ្ឋានមួយក្បែររដ្ឋធានីគូឡាឡាំពួកាលពីល្ងាចថ្ងៃសុក្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្រ្តីវិទ្យាសាស្ត្រ បច្ចេកវិទ្យា និងច្នៃប្រឌិតម៉ាឡេស៊ីលោក Khairy Jamaluddin បាននិយាយថា “វ៉ាក់សាំងទាំងនេះ នឹងត្រូវប្រើប្រាស់យ៉ាងឆាប់រហ័សតាមដែលអាចធ្វើទៅបាន ហើយវាជាសក្ខីភាពនៃទំនាក់ទំនង និងមិត្តភាពដ៏យូរអង្វែងរវាងរដ្ឋាភិបាលម៉ាឡេស៊ី និងជប៉ុន” ។

ប្រទេសម៉ាឡេស៊ីបានប្រយុទ្ធប្រឆាំងនឹងការឆ្លងរាលដាលយ៉ាងខ្លាំង ចាប់តាំងពីពាក់កណ្តាលខែឧសភា ខណៈសកម្មភាពសេដ្ឋកិច្ចត្រូវបានរឹតត្បិតយ៉ាងខ្លាំង។

បច្ចុប្បន្ន វ៉ាក់សាំងកំពុងក្លាយជាបញ្ហាបន្ទាន់នៅក្នុងប្រទេសម៉ាឡេស៊ី ។ ប្រជាជនជាង ១៦ លាននាក់ ឬប្រហែលពាក់កណ្តាលនៃប្រជាជន និយាយថា ពួកគេចង់ចាក់វ៉ាក់សាំង ខណៈរហូតមកដល់ពេលនេះ មានតែប្រជាជនជាង ៥.៧ លាននាក់ប៉ុណ្ណោះ បានទទួលការចាក់ដូសដំបូង ។

ស្របពេលជាមួយគ្នានេះ វ៉ាក់សាំងប្រហែល ១ លានដូសពីប្រទេសជប៉ុន ក៏បានទៅដល់ប្រទេសឥណ្ឌូណេស៊ី ផងដែរ ។

គួរបញ្ជាក់ថា ប្រទេសជប៉ុន ក៏បានផ្តល់វ៉ាក់សាំងការពារជំងឺកូវីដ ១៩ ដល់កោះតៃវ៉ាន់ និងវៀតណាមផងដែរ ហើយត្រៀមនឹងផ្គត់ផ្គង់វ៉ាក់សាំងបន្ថែមទៀត ទៅប្រទេសហ្វីលីពីន និងថៃ ជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ NHK

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម