ព័ត៌មានអន្ដរជាតិ

ថៃឲ្យអាជ្ញាធរទាំង៧១ខេត្តត្រៀមខ្លួន កូវីដផ្ទុះជិតដល់កម្រិតសមត្ថភាពមន្ទីរពេទ្យ

បានផុស

៣ years មុន

នៅ

ថ្ងៃអង្គារ ២៧ កក្កដា ២០២១

ដោយ

មជ្ឈមណ្ឌលគ្រប់គ្រងស្ថានភាពកូវីដ-១៩ថៃ(CCSA)បានជំរុញឲ្យអាជ្ញាធរទាំង៧១ខេត្តខាងក្រៅទីកក្រុងបាំងកកត្រូវត្រៀមខ្លួនទប់ទល់នឹងកូវីដ-១៩ទាំងកន្លែងព្យាបាល និងកន្លែងធ្វើចត្តាឡីស័ក ខណៈករណីឆ្លងទូទាំងប្រទេសជិតឈានដល់ពេញកម្រិតសមត្ថភាពរបស់មន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យ CCSA លោកស្រីវេជ្ជបញ្ឌិត Apisamai Srirangson បាននិយាយនៅវិមានរដ្ឋាភិបាលនៅថ្ងៃចន្ទថា ករណីឆ្លងកូវីដ-១៩ថ្មីមានចំនួន ៥៩៤៨នាក់រកឃើញនៅទីក្រុងបាំងកក និង ៨៣៧៣នាក់រកឃើញនៅក្នុងខេត្ត៧១ក្នុងរយៈពេល២៤ម៉ោងចុងក្រោយ។

លោកស្រីវេជ្ជបណ្ឌិតប្រាប់ថា ករណីឆ្លងថ្មីដែលមាន៥៩%គឺទូទាំងប្រទេសជាលើកដំបូងដែលចំនួនឆ្លងច្រើនជាងចំនួនឆ្លងនៅទីក្រុងបាំងកកដែលមាន៤១%។

លោកស្រីវេជ្ជបណ្ឌិត Apisamai បន្តថា ៖«ចំណុចនេះបានកើតឡើងនៅពេលករណីកូវីដ-១៩ចេញពីទីក្រុងបាំងកករាលដាលទៅខេត្តនានា»។

ករណីឆ្លងរាលដាលថ្មីភាគខាងជើង ទិសឥសាន្ត និងភាគខាងត្បូងដែលទើបវិលត្រឡប់ពីតំបន់ក្រហមខ្លាំងដែលរងការវាយប្រហារដោយកូវីដ-១៩ធ្ងន់ធ្ងរ។

លោកស្រីវេជ្ជបណ្ឌិត Apisamai បានឲ្យដឹងថា ៖«ខេត្តទាំងនោះត្រូវតែត្រៀមខ្លួនជាមុន ពីព្រោះធនធានរបស់ពួកគេជិតឈានដល់ពេញសមត្ថភាពហើយ។ នៅក្នុងខេត្តមួយចំនួន ៧០%នៃគ្រែក្នុងមន្ទីរពេទ្យពេញដោយអ្នកជំងឺ ស្របពេលករណីឆ្លងកូវីង និងស្លាប់កំពុងកើនឡើង។ មន្ទីរពេទ្យតាមស្រុកប្រហែលជាមិនអាចដោះស្រាយករណីឆ្លងទាំងអស់បានទេ ហើយពួកគេប្រហែលជាត្រូវកាផ្ទះ អគារ ឬមណ្ឌលក្នុងសហគមន៍ដើម្បីប្រើប្រាស់»៕

ប្រែសម្រួល៖ វីរបុត្រ
ប្រភព៖ bangkokpost