ភ្ញៀវទេសចរអន្តរជាតិដែលចាក់វ៉ាក់សាំងហើយ ទៅលេង ថៃ ត្រូវធ្វើចត្តាឡីស័កតែ ៧ ថ្ងៃប៉ុណ្ណោះ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ភ្ញៀវទេសចរអន្តរជាតិដែលចាក់វ៉ាក់សាំងហើយ ទៅលេង ថៃ ត្រូវធ្វើចត្តាឡីស័កតែ ៧ ថ្ងៃប៉ុណ្ណោះ

បានផុស

នៅ

ប្រទេសថៃដែលពឹងផ្អែកលើវិស័យទេសចរណ៍គ្រោងនឹងកាត់បន្ថយរយៈពេលធ្វើចត្តាឡីស័ក សម្រាប់អ្នកទេសចរអន្តរជាតិដែលបានចាក់វ៉ាក់សាំងការពារជំងឺកូវីដ ១៩ មកត្រឹម ៧ ថ្ងៃ ដើម្បីជំរុញសេដ្ឋកិច្ចរបស់ខ្លួន ខណៈការបើកឡើងវិញទ្រង់ទ្រាយធំត្រូវបានគេមើលឃើញថា ពន្យារពេលដោយសារអត្រាចាក់វ៉ាក់សាំងនៅក្នុងប្រទេសស្ថិតក្នុងកម្រិតទាបនៅឡើយ ។

បើយោងតាមលោក Opas Karnkawinpong អគ្គនាយកនៃនាយកដ្ឋានប្រយុទ្ធនឹងជំងឺឆ្លងបានឲ្យដឹងថា បច្ចុប្បន្នការកាត់បន្ថយការធ្វើចត្តាឡីស័កពី ១៤ ថ្ងៃមក ៧ ថ្ងៃនឹងជួយលើកស្ទួយសេដ្ឋកិច្ច និងទេសចរណ៍របស់ប្រទេសថៃ ។ លោកបាននិយាយថា ប្រសិនបើរយៈពេលធ្វើចត្តាឡីស័កខ្លីជាងនេះ ត្រូវបានអនុម័តដោយក្រុមការងារពិសេសកូវីដ ១៩ របស់ប្រទេស នោះវាអាចមានប្រសិទ្ធភាពចាប់ពីថ្ងៃទី ១ ខែតុលា ។

លោក Opas Karnkawinpong អគ្គនាយកនៃនាយកដ្ឋានប្រយុទ្ធនឹងជំងឺឆ្លង

លោក Opas បញ្ជាក់ថា យោងតាមច្បាប់ដែលបានស្នើនេះ អ្នកដំណើរអន្តរជាតិដែលមានវិញ្ញាបនបត្រចាក់វ៉ាក់សាំងនឹងនៅតែត្រូវធ្វើតេស្តរកជំងឺកូវីដ -១៩ នៅពេលមកដល់ និងមុនពេលចាកចេញពីការធ្វើចត្តាឡីស័ក ។ ចំណែកអ្នកទេសចរតាមអាកាសដែលគ្មានវិញ្ញាបនប័ត្រចាក់វ៉ាក់សាំងពេលមកដល់ នឹងត្រូវធ្វើចត្តាឡីស័ករយៈពេល ១០ ថ្ងៃ ខណៈអ្នកដែលមកដល់តាមផ្លូវគោកនឹងត្រូវបញ្ចប់ការធ្វើចត្តាឡីស័ករយៈពេល ១៤ ថ្ងៃ ។

ស្របពេលជាមួយគ្នានេះ មន្រ្តីថៃក៏បានបង្ហាញពីការពន្យាពេលចំពោះគម្រោងដែលបានប្រកាសពីមុន ដើម្បីលុបចោលការធ្វើចត្តាឡីស័កសម្រាប់អ្នកទេសចរទៅកាន់ខេត្តមួយចំនួន រួមទាំងទីក្រុងបាងកក និងខេត្តឈៀងម៉ៃ ចាប់ពីថ្ងៃទី ១ ខែតុលា ដោយលើកឡើងពីការខកខានមិនបានបំពេញតាមការចាក់វ៉ាក់សាំងឲ្យបាន ៧០ ភាគរយសម្រាប់ប្រជាជនក្នុងតំបន់ ។ ប៉ុន្តែគោលដៅទេសចរណ៍មួយចំនួន រួមទាំងកោះរមណីយដ្ឋានភូកេត បានអនុញ្ញាតឲ្យអ្នកទេសចរដែលគ្មានមេរោគអាចចូលដោយគ្មានការធ្វើចត្តាឡីស័ករួចហើយ ។

គួរបញ្ជាក់ថា ប្រទេសថៃកំពុងពិចារណាលើការវិលត្រឡប់របស់ភ្ញៀវទេសចរបរទេស ដើម្បីស្តារសេដ្ឋកិច្ចរបស់ខ្លួនឡើងវិញ ដោយសារវិស័យនេះរកចំណូលបានជាង ៦០ ពាន់លានដុល្លារពីភ្ញៀវទេសចរប្រមាណ ៤០ លាននាក់ក្នុងឆ្នាំ ២០១៩ ៕

ប្រែសម្រួលដោយ ៖ ជីវ័ន្ត

ប្រភព ៖ Bloomberg

ចុចអាន ៖ ថៃ ព្រមានលិចទីក្រុង បាងកក ក្រោយការព្យាករណ៍ភ្លៀងធ្លាក់ខ្លាំងពេញមួយសប្ដាហ៍នេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

កម្ពុជា​ទទួល​ដែក​រ៉ៃ​ និង កំណល់​បេតុង​ផ្លូវ​រថភ្លើង​ ដែល​ជា​ជំនួយឥតសំណង​របស់​រាជរដ្ឋាភិបាល​ថៃ​ជាង​៤ ម៉ឺន​តោន

ព័ត៌មានជាតិ៧ ម៉ោង មុន

រយៈ​៩​ខែ​ឆ្នាំ​២០២១ មាន​ជនរងគ្រោះ​ដោយសារ​មីន​ស្លាប់ ១០​នាក់​,​របួស​១៨​នាក់​និង​ពិការ​ចំនួន​៦​នាក់

ព័ត៌មានជាតិ៨ ម៉ោង មុន

ប្រគល់​រថយន្ត ២២៩​គ្រឿង ជូន​ម្ចាស់​វិញ​ដោយ​យោង​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេ​ជោ ហ៊ុន សែន

ព័ត៌មានជាតិ៨ ម៉ោង មុន

ក្រសួង​សេដ្ឋកិច្ច​បាន​ចុះ​ហត្ថលេខា​ជាមួយ​វិទ្យាស្ថាន​នគរូបនីយកម្ម​និង​ឌី​សាញ​ស៊ិន​ជិន​រៀបចំ​ផែនការមេ​អភិវឌ្ឍន៍​ខេត្ត​ព្រះសីហនុ

ព័ត៌មានជាតិ១០ ម៉ោង មុន

អតីត​យុទ្ធជន​ពិការ​ដោយសារ​សង្គ្រាម​១២​គ្រួសារ ​ទទួល​អំណោយ​ឯកឧត្តម​បណ្ឌិត ហ៊ុន ម៉ា​ណែត និង​លោកជំទាវ ពេ​ជ ចន្ទ​មុន្នី

Sokha Hotels

ព័ត៌មានពេញនិយម

Helistar Cambodia - Helicopter Charter Services