ព័ត៌មានអន្ដរជាតិ
ក្រុមសុខភាពអន្តរជាតិអំពាវនាវឲ្យ Merck គិតគូរថ្នាំគ្រាប់ព្យាបាលកូវីដដល់ប្រទេសក្រីក្រីផង
ក្រុមសុខភាពអន្តរជាតិបានលើកឡើងពីផែនការចែកចាយថ្នាំលេបព្យាបាលកូវីដ-១៩របស់ក្រុមហ៊ុន Merck & Co មានវិសមភាពដូចទៅនឹងការផ្គត់ផ្គង់វ៉ាក់សាំងដែរសម្រាប់ប្រទេសមានប្រាក់ចំណូលទាប។
ជាក់ស្តែងមានប្រហែលជា៥%នៃប្រជាជនអាហ្វ្រិកបានចាក់វ៉ាក់សាំងបង្ការកូវីដ-១៩ដែលត្រូវបង្កើតតម្រូវការបន្ទាន់សម្រាប់ការព្យាបាលដែលអាចជួយឲ្យប្រជាជនមិនឲ្យចូលមន្ទីរពេទ្យ។ ប្រការនេះបើប្រៀបធៀបនឹងប្រទេសចំណូលខ្ពស់បំផុតមានអត្រាចាក់វ៉ាក់សាំងជាង៧០%។
កាលពីថ្ងៃទី១១ ខែតុលា ក្រុមហ៊ុនផលិតឱសថ Merck បានដាក់ស្នើសុំការប្រើប្រាស់ថ្នាំគ្រាប់ Molnupiravir របស់ខ្លួនទៅអាជ្ញាធរអាមេរិកដែលបានក្លាយជាថ្នាំគ្រាប់លេបព្យាបាលជំងឺកូវីដ-១៩ដំបូងគេ។
នៅក្នុងការសាកល្បងបានបង្ហាញថា ថ្នាំគ្រាប់នេះមានប្រសិទ្ធភាពកាត់បន្ថយមិនឲ្យចូលមន្ទីរពេទ្យ និងស្លាប់បាន៥០%។ ថ្នាំគ្រាប់ដែលបានផលិតសហការជាមួយក្រុមហ៊ុន Ridgeback Biotherapeutics អាចនឹងទទួលបានការអនុញ្ញាតឲ្យប្រើប្រាស់បន្ទាន់ប្រហែលជាខែធ្នូ។
ក្រុមហ៊ុនផលិតអាមេរិកបានចាត់ចែកខុសពីធម្មតានៅពេលថ្នាំគ្រាប់របស់ខ្លួនត្រូវបានអនុញ្ញាតឲ្យធ្វើទីផ្សារមុនពេលទទួលបានការអនុញ្ញាតប្រើប្រាស់ផ្លូវការហើយក៏មានប្រទេសអ្នកមានជាច្រើនបានបញ្ជាទិញ។
ដូច្នេះហើយបានជាក្រុមអ្នកជំនាញសុខាភិបាលអន្តរជាតិបាននិយាយថា ថ្វីបើថ្នាំគ្រាប់មិនគ្រប់គ្រាន់សម្រាប់បណ្តាប្រទេសចំណូលទាប និងមធ្យមជាច្រើន ប៉ុន្តែកត់សំគាល់ឃើញថា ចំណុចខ្វះខាត និងខ្សែអាត់ក្រហមក្នុងចំណោមស្ថាប័នសកលដែលអាចធ្វើឲ្យយឹតយាវក្នុងការផ្គត់ផ្គង់។
ឆ្នាំនេះ Merck គ្រោងផលិតថ្នាំគ្រាប់ Molnupiravir ចំនួន១០លានសិតសម្រាប់ព្យាបាលអ្នកជំងឺកូវីដ-១៩ ហើយគ្រោងផលិតចំនួន២០លានសិតទៀតនៅឆ្នាំ២០២២ខាងមុខ។
ទោះជាយ៉ាងណា ក្រុមចលនាអន្តរជាតិបានទទួលស្គាល់ពីសម្បទានវិជ្ជមានគឺកិច្ចព្រមព្រៀងអាជ្ញាប័ណ្ណរបស់ក្រុមហ៊ុនជាមួយក្រុមហ៊ុនផលិត៨នៅឥណ្ឌានឹងអនុញ្ញាតឲ្យមានកំណែថ្មីដែលអាចមានតម្លៃថោកសម្រាប់ប្រទេសប្រាក់ចំណូលទាប និងមធ្យមចំនួន១០៩ប្រទេសនៅអាហ្វ្រិក។
ប្រទេសអ្នកមានបានចុះកិច្ចព្រមព្រៀងទិញថ្នាំគ្រាប់ Molnupiravir រួចហើយដូចជាសហរដ្ឋអាមេរិកចំនួន១.៧លានសិត និងបន្ថែម៣.៥លានសិតទៀតនៅខែមករា ឆ្នាំ២០២៣ដែលក្នុង១សិតមានតម្លៃប្រហែលជា៧០០ដុល្លារអាមេរិក ប៉ុន្តែសម្រាប់ប្រទេសជាច្រើនដែលខ្សត់ខ្សោយកំពុងកើតមានកង្វល់។
ក្រុមហ៊ុន Merck បាននិយាយថា ខ្លួនបានធ្វើការផ្ទេរបច្ចេកវិទ្យាដែលត្រូវផលិតថ្នាំគ្រាប់កំណែថ្មីដែលផ្ទុយពីក្រុមអ្នកផលិតវ៉ាក់សាំងបន្តជំទាស់នឹងការអំពាវនាវឲ្យលះបង់សិទ្ធិប៉ាតង់ ឬអនុញ្ញាតឲ្យផលិតនោះ។
ប៉ុន្តែតាមរបាយការណ៍ថ្មីដែលរៀបចំសម្រាប់កម្មវិធីបង្កើនល្បឿនឧបករណ៍កូវីដ-១៩របស់អង្គការសហប្រជាជាតិមានភារកិច្ចទិញថ្នាំព្យាបាលកូវីដសម្រាប់ប្រទេសក្រីក្រដែលនេះជំរុញឲ្យមានកង្វល់ ពីព្រោះទីភ្នាក់ងាររបស់ UN ធ្វើការមិនបានលឿនដើម្បីបំពេញចំនួនត្រូវការសម្រាប់ការព្យាបាលនាពេលខាងមុខក្នុងនោះមានទាំងថ្នាំរបស់ Merck ដែរ។
ស្ថាប័ន Medicines Patent Pool (MPP)ដែលជាអង្គការសុខភាពសាធារណៈគាំទ្រដោយ UN មានក្រុមហ៊ុនចំនួន២៤បានចុះហត្ថលេខា និងមានឆន្ទៈផលិតថ្នាំគ្រាប់នេះ ប្រសិនបើ Merck អនុញ្ញាត។ រហូតដល់ពេលនេះប្រទេសអូស្ត្រាលី កូរ៉េខាងត្បូង ថៃ តៃវ៉ាន់ សិង្ហបុរី និងម៉ាឡេស៊ីជាដើមបាននិយាយថា ពួកគេបានចុះកិច្ចព្រមព្រៀង ឬកំពុងចរចាដើម្បីទិញថ្នាំគ្រាប់ពី Merck ខណៈសហភាពអឺរ៉ុបកំពុងពិចារណា៕
ប្រែសម្រួល៖ វីរបុត្រ
ប្រភព៖ Reuters
តុលាការឧក្រិដ្ឋកម្មទីក្រុងបាងកក កាត់ទោសមនុស្សជិត ៧០នាក់ពាក់ព័ន្ធនឹងការតវ៉ាដ៏ធំ កាលពីឆ្នាំ ២០០៨
រដ្ឋបាលខណ្ឌប្ញស្សីកែវ ឆ្លើយតបចំពោះការផ្សព្វផ្សាយព័ត៌មានមិនពិត ប៉ះពាល់ដល់រដ្ឋបាលខណ្ឌ
អភិបាលរងខេត្តស្វាយរៀងថា ធនធានមនុស្សជំនាញ ជួយជំរុញទាក់ទាញដល់អ្នកវិនិយោគ
កម្ពុជា នឹងកែក្រមទាំង៤ឡើងវិញឱ្យត្រូវនឹងបញ្ហាសង្គមបច្ចុប្បន្ន ដោយប្រើកូនខ្មែរសុទ្ធសាធ លែងពឹងបរទេស
បារាំង សុំជំនួយប៉ូលិសបរទេសជាង ២ ពាន់នាក់ មកជួយធានាសន្តិសុខព្រឹត្តិការណ៍កីឡាអូឡាំពិក
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១ សប្តាហ៍ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ agoកសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ