ព័ត៌មានអន្ដរជាតិ
ក្រុមហ៊ុនឱសថធំៗនឹងរកចំណូលបានខ្ទង់ពាន់លានដុល្លារពីការលក់វ៉ាក់សាំងនាឆ្នាំ ២០២១
ក្រុមហ៊ុនឱសថធំៗចំនួន ៣ ត្រូវបានគេប៉ាន់ប្រមាណថានឹងរកចំណូលបានសរុបប្រមាណ ៣២ ពាន់លានដុល្លារពីការផលិតវ៉ាក់សាំងកូវីដ ១៩ របស់ពួកគេនៅឆ្នាំក្រោយ ។ នេះបើយោងតាមរបាយការណ៍កាលពីថ្ងៃចន្ទ ។
ក្រុមហ៊ុនវិនិយោគទុនចម្រុះ និងសេវាកម្មហិរញ្ញវត្ថុរបស់អាមេរិក Morgan Stanley បាននិយាយនៅក្នុងរបាយការណ៍របស់ខ្លួនថា ក្រុមហ៊ុនឱសថអាមេរិក Pfizer ត្រូវបានគេរំពឹងថានឹងទទួលបានប្រាក់ចំណូលចំនួន ១៩ ពាន់លានដុល្លារពីវ៉ាក់សាំងនេះនៅឆ្នាំ ២០២១ ។
ប៉ុន្តែក្រុមហ៊ុន Pfizer នឹងបែងចែកប្រាក់ចំណូលរបស់ខ្លួនពីការលក់វ៉ាក់សាំងជាមួយដៃគូអាល្លឺម៉ង់ BioNTech ។
ខណៈពេលដែលក្រុមហ៊ុន Pfizer ត្រូវបានគេប៉ាន់ស្មានថានឹងទទួលបានប្រាក់ចំណូលពីវ៉ាក់សាំងចំនួន ៩៧៥ លានដុល្លារក្នុងមួយឆ្នាំនេះ របាយការណ៍នេះបាននិយាយថា គេប៉ាន់ស្មានថានឹងមានប្រាក់ចំណូលសរុបចំនួន ៩.៣ ពាន់លានដុល្លារអាមេរិកបន្ថែមទៀតនៅឆ្នាំ ២០២២ និង ២០២៣ ខណៈដែលពិភពលោកនឹងបន្តចាក់វ៉ាក់សាំង ។
ចំណែកក្រុមហ៊ុនឱសថអាមេរិកមួយទៀតគឺ Moderna ដែលបង្កើត និងផលិតវ៉ាក់សាំងផ្ទាល់ខ្លួនត្រូវបានគេរំពឹងថានឹងរកចំណូលបាន ១៣.២ ពាន់លានដុល្លារពីការលក់វ៉ាក់សាំងនៅឆ្នាំ ២០២១ ។
យោងតាមការប៉ាន់ស្មាន ក្រុមហ៊ុននេះអាចនឹងរកចំណូលបានពី ១០ ទៅ ១៥ ពាន់លានដុល្លារពីវ៉ាក់សាំងកូវីដ ១៩ ក្នុងឆ្នាំ ២០២១ និង ២០២២ ។
យោងតាមទិន្នន័យចុងក្រោយពីសាកលវិទ្យាល័យ Johns Hopkins ដែលមានមូលដ្ឋាននៅសហរដ្ឋអាមេរិកបាននិយាយថា ចាប់តាំងពីការចាប់ផ្តើមនៃជំងឺរាតត្បាតកូវីដ ១៩ មនុស្សប្រហែលជា ៧២.៣ លាននាក់បានឆ្លង ហើយមនុស្សជាង ១.៦ លាននាក់បានបាត់បង់ជីវិត ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ដបវ៉ាក់សាំងកូវីដដែលចាក់ឲ្យមនុស្សដំបូងគេលើលោកនឹងយកទៅដាក់នៅសារមន្ទីរវិទ្យាសាស្រ្ត
ចុចអាន ៖ អាមេរិករកឃើញករណីឆ្លងវីរុសកូរ៉ូណាលើកដំបូងនៅក្នុងសត្វព្រៃមួយប្រភេទ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ