ព័ត៌មានអន្ដរជាតិ
កាន់តែធ្ងន់ធ្ងរហើយ! ជំងឺកូវីដក្លាយពូជប្រភេទថ្មីរាលដាលដល់ប្រទេសចំនួន ១០ ផ្សេងទៀត
អាជ្ញាធរសុខាភិបាលអង់គ្លេសបាននិយាយថា ជំងឺកូវីដក្លាយពូជប្រភេទថ្មីដែលត្រូវបានគេគិតថាមានដើមកំណើតនៅទីក្រុង Kent នៅភាគអាគ្នេយ៍ប្រទេសអង់គ្លេសឥឡូវនេះត្រូវបានគេរកឃើញនៅក្នុងប្រទេសចំនួន ១០ ផ្សេងទៀត ។
បារាំង អៀរឡង់ ស៊ុយអែត អ៊ីតាលី អេស្ប៉ាញ ហុល្លង់ ដាណឺម៉ាក សិង្ហបុរី ជប៉ុន និងអូស្ត្រាលីក៏បានបញ្ជាក់ពីករណីនៃជំងឺកូវីដក្លាយពូជប្រភេទថ្មីនេះដែរ ។
ទន្ទឹមនោះនៅថ្ងៃអាទិត្យនេះអាជ្ញាធរបារាំងបានបញ្ជាក់ថា បុរសជនជាតិបារាំងម្នាក់ដែលបានរស់នៅក្នុងប្រទេសអង់គ្លេសបានធ្វើតេស្តវិជ្ជមានជំងឺកូវីដក្លាយពូជប្រភេទថ្មីនៅក្នុងទីក្រុង Tours ។ បុរសនោះបានមកដល់ប្រទេសបារាំងនៅថ្ងៃទី ១៩ ខែធ្នូ មុនពេលបារាំងបិទព្រំដែនរបស់ខ្លួន បន្ទាប់ពីរកឃើញជំងឺក្លាយពូជប្រភេទថ្មីនេះ ។
ស្របពេលជាមួយគ្នានេះកាលពីថ្ងៃសៅរ៍ប្រទេសជប៉ុនបានបញ្ជាក់ពីករណីឆ្លងជំងឺកូវីដក្លាយពូជប្រភេទថ្មីនេះចំនួន ៥ ករណី ក្រោយការហាមឃាត់អ្នកដំណើរមកពីចក្រភពអង់គ្លេស ហើយនាយករដ្ឋមន្រ្តីជប៉ុនលោក Yoshihide Suga ក៏បានអំពាវនាវឲ្យពលរដ្ឋស្ងប់ស្ងាត់នៅថ្ងៃឆ្លងឆ្នាំដើម្បីការពារកុំឲ្យវីរុសនេះបន្តកើតមាន ។
ចំណែករដ្ឋមន្រ្តីក្រសួងសុខាភិបាលលោក Matt Hancock បាននិយាយថា ជំងឺកូវីដក្លាយពូជប្រភេទថ្មីមិនអាចគ្រប់គ្រងបានទេ ។
កាលពីថ្ងៃចន្ទក្រសួងសុខាភិបាលប្រទេសអ៊ីតាលីបាននិយាយថា គូស្វាមីភរិយាមួយគូដែលបានចុះពីយន្តហោះនៅអាកាសយានដ្ឋាន Fiumicino ទីក្រុងរ៉ូមបានធ្វើតេស្តវិជ្ជមានចំពោះវីរុសនេះ ។
ជាមួយគ្នានេះអ្នកនាំពាក្យរបស់លោក Boris Johnson បាននិយាយថា យ៉ាងហោចណាស់មានមួយករណីត្រូវបានគេរកឃើញនៅក្នុងទឹកដីនៃប្រទេសហ្គីប្រាលតាដែលជាដែនដីនៃចក្រភពអង់គ្លេស ។
រីឯអាជ្ញាធរអូស្រ្តាលីបាននិយាយថា អ្នកដំណើរ ២ នាក់ដែលបានចុះពីលើយន្តហោះនៅរដ្ឋ New South Wales បន្ទាប់ពីធ្វើដំណើរពីចក្រភពអង់គ្លេសត្រូវបានគេរកឃើញថាមានជំងឺកូវីដក្លាយពូជប្រភេទថ្មី ខណៈដែលភស្តុតាងនៃជំងឺក្លាយពូជថ្មីនេះក៏ត្រូវបានរកឃើញនៅក្នុងដាណឺម៉ាកផងដែរ ។
បន្ថែមពីនេះអង្គការសុខភាពពិភពលោក (WHO) ក៏បានគាំទ្រការហាមឃាត់រាល់ការធ្វើដំណើរទាំងអស់របស់ចក្រភពអង់គ្លេសដោយសារតែជំងឺកូវីដក្លាយពូជប្រភេទថ្មីនេះកំពុងត្រូវបានរកឃើញនៅផ្នែកខ្លះនៃប្រទេសនេះ ។
ប្រែសម្រួលដោយ ៖ ជីវ័ន្ត
ប្រភព ៖ Mirror
ចុចអាន ៖ ផ្ទុះការបាញ់ប្រហារនៅក្បែរទីក្រុង Chicago ស្លាប់ ៣ នាក់ របួស ៣ នាក់
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ២៤ ម៉ោង ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ