ព័ត៌មានអន្ដរជាតិ

ឥណ្ឌារកឃើញអ្នកឆ្លងវីរុសកូរ៉ូណាក្លាយពូជប្រភេទថ្មី ៦ ករណី

បានផុស

៤ years មុន

នៅ

ថ្ងៃអង្គារ ២៩ ធ្នូ ២០២០

ដោយ

អាជ្ញាធរសុខាភិបាលឥណ្ឌានិយាយថា ពួកគេបានរកឃើញមនុស្ស ៦ នាក់ដែលបានវិលត្រឡប់ពីចក្រភពអង់គ្លេសក្នុងប៉ុន្មានសប្តាហ៍ថ្មីៗនេះតេស្តវិជ្ជមានវីរុសកូរ៉ូណាក្លាយពូជប្រភេទថ្មីដែលបណ្តាលឲ្យប្រទេសនេះបិទព្រំដែនជុំវិញពិភពលោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលរបស់ប្រទេសឥណ្ឌាបាននិយាយនៅក្នុងសេចក្តីថ្លែងការណ៍មួយនៅថ្ងៃអង្គារនេះថា អ្នកជំងឺទាំង ៦ នាក់ត្រូវបានដាក់នៅដាច់ដោយឡែក ។ អ្នកដែលមានទំនាក់ទំនងជិតស្និទ្ធរបស់ពួកគេក៏ត្រូវបាន ដាក់ឲ្យធ្វើចត្តាឡីស័កផងដែរ” ។

ក្រសួងបាននិយាយថា ប្រទេសឥណ្ឌាបានផ្អាកជើងហោះហើរទាំងអស់ពីអង់គ្លេសរហូតដល់ចុងខែនេះ ប៉ុន្តែក៏មានអ្នកដំណើរប្រហែល ៣៣,០០០ នាក់បានហោះហើរមកដល់ប្រទេសនេះកាលពីចុងខែវិច្ឆិកា មុនពេលការហាមឃាត់ត្រូវបានធ្វើឡើង ។

ក្រសួងបាននិយាយថា ក្នុងចំណោមការមកដល់ទាំងនោះមនុស្ស ១១៤ នាក់ត្រូវបានរកឃើញថាមានផ្ទុកវីរុសកូរ៉ូណា ហើយសំណាករបស់ពួកគេកំពុងត្រូវបានពិនិត្យរកមើលជំងឺកូវីដក្លាយពូជប្រភេទថ្មីដែលត្រូវបានរកឃើញនៅទូទាំងតំបន់អឺរ៉ុប និងអាស៊ី ។

ជាមួយនឹងករណីឆ្លងជាង ១០ លានករណី ឥណ្ឌាគឺជាប្រទេសដែលរងផលប៉ះពាល់អាក្រក់បំផុតទី ២ ដោយសារវីរុសកូរ៉ូណា បន្ទាប់ពីសហរដ្ឋអាមេរិក ខណៈក៏មានមនុស្សជិត ១៥០,០០០ នាក់បានស្លាប់នៅក្នុងប្រទេសដែលមានប្រជាជនច្រើនជាងគេលំដាប់ទី ២ លើពិភពលោកមួយនេះផងដែរ ៕