ព័ត៌មានអន្ដរជាតិ
មីយ៉ាន់ម៉ា ដោះលែងអ្នកទោស ៦,០០០ នាក់ រួមទាំងអតីតទីប្រឹក្សាលោកស្រី អ៊ុងសាន ស៊ូជី
ប្រព័ន្ធផ្សព្វផ្សាយមីយ៉ាន់ម៉ាបានរាយការណ៍នៅថ្ងៃព្រហស្បតិ៍នេះថា មេដឹកនាំយោធាមីយ៉ាន់ម៉ាបានដោះលែងអ្នកទោសជាង ៦,០០០ នាក់ ក្នុងនោះក៏មានលោកលោក Sean Turnell សេដ្ឋវិទូអូស្ត្រាលី និងជាអតីតទីប្រឹក្សាប្រជាធិបតេយ្យរបស់លោកស្រី អ៊ុងសាន ស៊ូជី ផងដែរ ។
សារព័ត៌មាន Irrawaddy និង BBC របស់មីយ៉ាន់ម៉ាបានរាយការណ៍ថា ដោយឡែកលោកស្រី Vicky Bowman អតីតបេសកជនអង់គ្លេស និងលោក Toru Kubota ដែលជាអ្នកសារព័ត៌មានជប៉ុន ក៏ស្ថិតក្នុងចំណោមអ្នកដែលត្រូវបានដោះលែងឲ្យមានសេរីភាពផងដែរ ដើម្បីអបអរថ្ងៃបុណ្យជាតិ ។
លោក Turnell ត្រូវបានចាប់ខ្លួនភ្លាមៗ និងចោទប្រកាន់ពីបទបំពានច្បាប់សម្ងាត់រដ្ឋ ហើយតុលាការមីយ៉ាន់ម៉ាបានកាត់ទោសអតីតទីប្រឹក្សារបស់លោកស្រី អ៊ុងសាន ស៊ូជី រូបនេះឲ្យជាប់ពន្ធនាគាររយៈពេល ៣ ឆ្នាំ ខណៈលោក Kubota វិញ បានជាប់ចោទពីបទបះបោរ និងបំពានច្បាស់ទំនាក់ទំនង ហើយត្រូវបានកាត់ទោសឲ្យជាប់ពន្ធនាគាររហូតដល់ ១០ ឆ្នាំ ។
ដោយឡែកលោកស្រី Bowman ត្រូវបានចាប់ឃុំខ្លួនជាមួយនឹងស្វាមីរបស់លោកស្រីគឺលោក Ko Htein Lin ដែលជាសិល្បករមីយ៉ាន់ម៉ាដ៏ល្បីឈ្មោះមួយរូបកាលពីខែសីហា ហើយបានចោទប្រកាន់អ្នកទាំងពីរ ពីបទរំលោភលើច្បាប់អន្តោរប្រវេសន៍ ដាក់ពន្ធនាគាររយៈពេល ១ ឆ្នាំ ។
គួរបញ្ជាក់ថា ប្រទេសមីយ៉ាន់ម៉ាបានស្ថិតក្នុងភាពចលាចលនយោបាយ ចាប់តាំងពីយោធាបានធ្វើរដ្ឋប្រហារកាលពីឆ្នាំមុន ហើយក្នុងនោះមានទាំងការចាប់ខ្លួនមេដឹកនាំស៊ីវិលជាច្រើន រួមទាំងលោកស្រី អ៊ុងសាន ស៊ូជី ផងដែរ ក្នុងការវាយឆ្មក់នៅព្រឹកព្រលឹមថ្ងៃទី ១ ខែកុម្ភៈ ឆ្នាំ ២០២១ ៕
ប្រែសម្រួលដោយ ៖ ជីវ័ន្ត
ប្រភព ៖ Reuters
ចុចអាន ៖ មីយ៉ាន់ម៉ា ថ្កោលទោសផែនការ អាស៊ាន មានចំណែកចូលរួមជាមួយភាគីប្រឆាំង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង