ជប៉ុនសម្រេចបញ្ចេញទឹកកខ្វក់ចេញពីរោងចក្រនុយក្លេអ៊ែរចូលក្នុងសមុទ្រ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ជប៉ុនសម្រេចបញ្ចេញទឹកកខ្វក់ចេញពីរោងចក្រនុយក្លេអ៊ែរចូលក្នុងសមុទ្រ

Published

on

ទីភ្នាក់ងារសារព័ត៌មាន Jiji និងប្រព័ន្ធផ្សព្វផ្សាយផ្សេងទៀតបានរាយការណ៍នៅថ្ងៃសុក្រទី ១៦ ខែតុលា នេះថា រដ្ឋាភិបាលជប៉ុនបានសម្រេចបញ្ចេញទឹកដែលមានផ្ទុកសារធាតុវិទ្យុសកម្មចេញពីរោងចក្រនុយក្លេអ៊ែរ Fukushima Daiichi ចូលទៅក្នុងសមុទ្រ ។

សេចក្តីរាយការណ៍បាននិយាយថា ការសម្រេចចិត្តជាផ្លូវការនេះត្រូវបានគេរំពឹងថានឹងធ្វើឡើងក្នុងខែនេះ។​​ ទន្ទឹមនោះក្រុមហ៊ុន Tokyo Electric បានប្រមូលទឹកកខ្វក់ជាង ១ លានតោនចាប់តាំងពីរោងចក្រនេះត្រូវបានបំផ្លាញដោយសារការរញ្ជួយដី និងរលកយក្សស៊ូណាមិកាលពីឆ្នាំ ២០១១ ។

The Tokyo Electric Power Company’s (TEPCO) Fukushima Daiichi nuclear power plant is seen from Futaba Town, Fukushima prefecture on March 11, 2020. – Japan marked the ninth anniversary of the killer tsunami that triggered the Fukushima nuclear meltdown, but fears about the new coronavirus forced a scaling back of public commemorations. (Photo by STR / JIJI PRESS / AFP) / Japan OUT

ក្រុមហ៊ុនបាននិយាយថា ទឹកត្រូវបានដាក់នៅក្នុងធុងធំៗនៅទីតាំងរោងក្រ ហើយវានឹងបញ្ចេញអស់នៃការផ្ទុកនេះនៅឆ្នាំ ២០២២ ។

បន្ថែមពីនេះសហព័ន្ធ JF Zengyoren ជាសហព័ន្ធទូទាំងប្រទេសនៃសហករណ៍នេសាទរបស់ប្រទេសជប៉ុនកាលពីសប្តាហ៍មុនបានទទូចដល់រដ្ឋាភិបាលមិនឲ្យអនុញ្ញាតឲ្យមានការបញ្ចេញទឹកនោះទេ ដោយនិយាយថា វានឹងប្រើពេលជាច្រើនឆ្នាំដើម្បីស្តារកេរ្តិ៍ឈ្មោះរបស់ពួកគេឡើងវិញ ។

លោក Hiroshi Kishi ប្រធានសហព័ន្ធ JF Zengyoren បាននិយាយនៅក្នុងកិច្ចប្រជុំជាមួយមន្រ្តីរដ្ឋាភិបាលថា ការបញ្ចេញទឹកនេះអាចជម្រុញឲ្យប្រទេសដទៃទៀតពង្រឹងការរឹតបន្តឹងលើការនាំចូលផលិតផលនេសាទរបស់ជប៉ុន ។

ចំណែកប្រធានក្រុមអ្នកលក់ត្រីបាននិយាយកាលពីសប្តាហ៍មុនថា អ្នកលក់ដុំ និងអ្នកកែច្នៃត្រីនៅខេត្ត Fukushima ក៏ប្រឆាំងនឹងការបញ្ចេញទឹកនេះផងដែរ ។

ចំណែកឯក្រុមអ្នកជំនាញវិញនៅដើមឆ្នាំនេះបានផ្តល់យោបល់ដល់រដ្ឋាភិបាលជប៉ុនស្តីពីការចោលទឹកវិទ្យុសកម្មចេញពីរោងចក្រ Fukushima ដែលត្រូវបានបំផ្លាញឲ្យបញ្ចេញទឹកទៅក្នុងមហាសមុទ្រ  ខណៈក្រសួងឧស្សាហកម្មជប៉ុនបាននិងកំពុងប្រមូលផ្តុំទស្សនៈស្តីពីបញ្ហានេះចាប់តាំងពីខែមេសា ។

លោក Kiyoshi Ejima រដ្ឋមន្រ្តីក្រសួងសេដ្ឋកិច្ច ពាណិជ្ជកម្ម និងឧស្សាហកម្មបាននិយាយកាលពីសប្តាហ៍មុនថា រដ្ឋាភិបាលនឹងពិចារណាទស្សនៈរបស់តំណាងឧស្សាហកម្មត្រីរបស់ជប៉ុន ហើយនិងធ្វើការសម្រេចចិត្តប្រកបដោយការទទួលខុសត្រូវ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ2 hours ago

ថ្ងៃនេះ​រក​ឃើញ​អ្នក​ពាក់ព័ន្ធ​៤០០នាក់ ជាមួយ​ជនជាតិចិន​ដែល​ឆ្លង​កូ​វីដ​១៩​នៅ​ខេត្តកោះកុង​

ព័ត៌មានជាតិ3 hours ago

ពលរដ្ឋ​ផ្អើល​នាំគ្នា​ទៅ​មើល​បាតុភូត​ចម្លែក​ទឹកធ្លាក់​ពីលើ​មែកឈើ​មិន​ឈប់​នៅ​វត្ត​ត្បូង​

ព័ត៌មានជាតិ3 hours ago

លោក ហ៊ុន ម៉ា​ណែ​ត ចុះ​ត្រួត​ពិនិត្យ​សកម្មភាព​ហ្វឹកហ្វឺន​កង​កម្លាំង​ត្រៀម​ចូលរួម​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩

ព័ត៌មានជាតិ4 hours ago

មកលេង​ផ្ទះ​២​ថ្ងៃ​នៅ​តាកែវ ត្រឡប់​ទៅ​កំពង់សោម​វិញ ធ្វើតេស្ត​ឃើញ​វិជ្ជមាន​កូ​វីដ​-១៩

ព័ត៌មានជាតិ4 hours ago

អ្នកជំនាញ​អះអាង​ថា តម្លៃ​ដំឡូង​មី​នៅ​ឆ្នាំនេះ​ខ្ពស់​ជាង​ឆ្នាំមុន

Sokha Hotels

ព័ត៌មានពេញនិយម

Helistar Cambodia - Helicopter Charter Services