ក្រុមប្រឹក្សាសន្តិសុខ UN ត្រៀមកោះប្រជុំបន្ទាន់ស្តីពីរដ្ឋប្រហារនៅ មីយ៉ាន់ម៉ា
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ក្រុមប្រឹក្សាសន្តិសុខ UN ត្រៀមកោះប្រជុំបន្ទាន់ស្តីពីរដ្ឋប្រហារនៅ មីយ៉ាន់ម៉ា

Published

on

ក្រុមប្រឹក្សាសន្តិសុខអង្គការសហប្រជាជាតិ នឹងបើកកិច្ចប្រជុំបន្ទាន់មួយនៅថ្ងៃអង្គារនេះស្តីពីការធ្វើរដ្ឋប្រហារយោធានៅក្នុងប្រទេសមីយ៉ាន់ម៉ា ដែលអគ្គលេខាធិការលោក Antonio Guterres ហៅថាជា “ការប៉ះទង្គិចយ៉ាងធ្ងន់ធ្ងរដល់កំណែទម្រង់ប្រជាធិបតេយ្យ” នៅក្នុងប្រទេសអាស៊ីអាគ្នេយ៍មួយនេះ។

ឯកអគ្គរាជទូតចក្រភពអង់គ្លេសប្រចាំអង្គការសហប្រជាជាតិលោកស្រី Barbara Woodward គឺជាប្រធានក្រុមប្រឹក្សានៅខែនេះ ហើយបាននិយាយកាលពីថ្ងៃចន្ទថា ក្រុមប្រឹក្សានេះនឹងពិនិត្យមើលវិធានការជាច្រើនដើម្បីគាំទ្រការបោះឆ្នោតប្រធានាធិបតីកាលពីថ្ងៃទី៨ខែវិច្ឆិកា ដែលឈ្នះដោយគណបក្សរបស់លោកស្រីអ៊ុងសានស៊ូជី និងធានាឲ្យបាននូវការដោះលែងម្ចាស់ជ័យលាភីពានរង្វាន់សន្តិភាពណូបែលរូបនេះ និងមេដឹកនាំផ្សេងទៀតដែលត្រូវបានចាប់ខ្លួនដោយយោធា។

លោកស្រី Woodward និយាយថា “នៅពេលនេះ យើងមិនមានគំនិតជាក់លាក់លើវិធានការទាំងនោះទេ។ ទោះបីជាយ៉ាងណាក៏ដោយ នៅ UN វិធានការទាំងនោះមានន័យថា ជាការដាក់ទណ្ឌកម្ម។

ស្របពេលជាមួយគ្នានោះ អ្នកនាំពាក្យ UN លោក Stephane Dujarric បាននិយាយថា ស្ថាប័នពិភពលោកមួយនេះមិនអាចទាក់ទងមន្ត្រីនៅក្នុងប្រទេសមីយ៉ាន់ម៉ាបានទេ ហើយក៏មិនមានព័ត៌មានអំពីអ្នកដែលត្រូវបានចាប់ខ្លួនដែរ។

លោក Dujarric និយាយថា សហរដ្ឋអាមេរិកបារម្ភថា សកម្មភាពយោធាអាចធ្វើឲ្យស្ថានការណ៍កាន់តែអាក្រក់ទៅៗសម្រាប់ជនជាតិរ៉ូហ៊ីងយ៉ាប្រមាណ៦០ម៉ឺននាក់ ដែលនៅសេសសល់ក្នុងរដ្ឋ Rakhine ភាគខាងជើងដោយក្នុងនោះ រាប់បញ្ចូលទាំងមនុស្សចំនួន១២០,០០០នាក់ដែលកំពុងជាប់ឃុំនៅក្នុងជំរំផងដែរ៕

ប្រែសម្រួលដោយ៖ Vann Vann

ប្រភព៖ Hindustan Times

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ41 mins ago

ជនសង្ស័យ​ម្នាក់​ធ្លាប់​ជាប់គុក​១​ឆ្នាំ​ ចេញ​មក​វិញ​ខ្លាំង​លើស​ដើម​ ត្រូវ​អាវុធហត្ថ​ឃាត់​ខ្លួន​បញ្ជូន​ទៅ​​វិញ

ព័ត៌មានជាតិ1 hour ago

ខេត្ត​ព្រះសីហនុ​ប្រកាស​ផ្លាស់ប្តូរ​មន្ត្រី​សំខាន់ៗ​មួយចំនួន​ដើម្បី​ពង្រឹង​ប្រសិទ្ធភាព​ការងារ​បន្ថែម​ទៀត​

ព័ត៌មានជាតិ2 hours ago

មេប៉ូលិស​ក្រុង​ព្រមាន​ចាត់វិធានការ​តាមច្បាប់​ចំពោះ​ជន​ណា​អុកឡុក ឬ​បង្កបញ្ហា​ពេលធ្វើ​ច​ត្តា​ឡី​ស័ក

ព័ត៌មានជាតិ2 hours ago

រកឃើញឆ្លងកូវីដម្នាក់ទៀតនៅព្រះសីហនុ បិទទីតាំងសណ្ឋាគារ អេស អេស

ព័ត៌មានជាតិ2 hours ago

ធ្លាប់​លឺ​ទេ ? សត្វ​ជ្រូកព្រៃ​ខ្វេះ​មនុស្ស​ឲ្យ​ស្លាប់ ពេលនេះ​ប៉ះ​ហើយ !

Sokha Hotels

ព័ត៌មានពេញនិយម

Helistar Cambodia - Helicopter Charter Services