មានមន្ត្រីបរទេសតែម្នាក់គត់ ចូលរួមក្នុងទិវាកងកម្លាំងប្រដាប់អាវុធ មីយ៉ាន់ម៉ា
Connect with us
Helistar Cambodia - Helicopter Charter Services

ព័ត៌មានអន្ដរជាតិ

មានមន្ត្រីបរទេសតែម្នាក់គត់ ចូលរួមក្នុងទិវាកងកម្លាំងប្រដាប់អាវុធ មីយ៉ាន់ម៉ា

បានផុស

នៅ

ប្រទេសមីយ៉ាន់ម៉ា បានប្រារព្ធទិវាកងកម្លាំងប្រដាប់អាវុធ ដែលទិវានេះ គឺជាការរំលឹកដល់ការចាប់ផ្តើមនៃចលនាតស៊ូរបស់យោធាមីយ៉ាន់ម៉ា ប្រឆាំងនឹងការកាន់កាប់របស់ជប៉ុននៅឆ្នាំ១៩៤៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
This image has an empty alt attribute; its file name is RTX32TZG-1024x576.jpg

តាមធម្មតា ក្បួនដង្ហែត្រូវបានចូលរួមជាអធិបតីដោយមន្រ្តីមកពីប្រទេសផ្សេងៗ។ ទោះបីជាយ៉ាងណា ពេលនេះគេមើលឃើញថា អនុរដ្ឋមន្រ្តីក្រសួងការពារជាតិរុស្ស៊ីលោក Alexander Formin គឺជាមន្រ្តីបរទេសតែម្នាក់គត់ដែលបានចូលរួមក្នុងពិធីនេះ។

មេទ័ពមីយ៉ាន់ម៉ា លោក Min Aung Hlaing និយាយថា “រុស្ស៊ីគឺជាមិត្តយ៉ាងពិតប្រាកដ”។

This image has an empty alt attribute; its file name is TIM02244-1-1-1024x683.jpg

សហរដ្ឋអាមេរិក អង់គ្លេសនិងសហភាពអឺរ៉ុបសុទ្ធតែបានដាក់ទណ្ឌកម្ម ដើម្បីឆ្លើយតបទៅនឹងរដ្ឋប្រហារយោធា។

ទំនាក់ទំនងការពារជាតិរវាង មីយ៉ាន់ម៉ានិងរុស្ស៊ី មានការរីកចម្រើនយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ។ ទីក្រុងមូស្គូ បានផ្តល់ការបណ្តុះបណ្តាលដល់ទាហានរាប់ពាន់នាក់និងបានលក់អាវុធទៅឲ្យយោធាមីយ៉ាន់ម៉ាផងដែរ។

This image has an empty alt attribute; its file name is unnamed-17.jpg

ថ្លែងលើកញ្ចក់ទូរទស្សន៍ជាតិដើម្បីអបអរសាទរទិវាកងកម្លាំងប្រដាប់អាវុធ លោក Min Aung Hlaing បានសន្យាជាថ្មីម្តងទៀតថា នឹងរៀបចំការបោះឆ្នោតប៉ុន្តែមិនបានប្រាប់កាលបរិច្ឆេទទេ។

មេដឹកនាំយោធាមីយ៉ាន់ម៉ាបានសន្យាថា នឹងការពារលទ្ធិប្រជាធិបតេយ្យ ស្របពេលយោធាបានព្រមានក្រុមបាតុករ ប្រឆាំងនឹងការធ្វើបាតុកម្មតាមដងផ្លូវ។

This image has an empty alt attribute; its file name is image_2021-03-27_15-10-29.png

លោក Min Aung Hlaing បាននិយាយក្នុងការផ្សាយផ្ទាល់ នៅថ្ងៃសៅរ៍នេះថា “កងទ័ពព្យាយាមរួមដៃគ្នាជាមួយប្រជាជាតិទាំងមូល ដើម្បីការពារលទ្ធិប្រជាធិបតេយ្យ។ អំពើហិង្សាដែលប៉ះពាល់ដល់ស្ថិរភាពនិងសន្តិសុខដើម្បីធ្វើការទាមទារ គឺមិនសមរម្យទេ”។

លោកបានបន្ថែមថា កងទ័ពត្រូវតែដណ្តើមអំណាចដោយសារតែ សកម្មភាពខុសច្បាប់របស់មេដឹកនាំដែលជាប់ឆ្នោតតាមបែបប្រជាធិបតេយ្យលោកស្រី អ៊ុងសាន ស៊ូជី និងគណបក្ស សម្ព័ន្ធជាតិដើម្បីប្រជាធិបតេយ្យ របស់លោកស្រី។

This image has an empty alt attribute; its file name is image_2021-03-27_13-23-23-1-1024x683.png

គួរបញ្ជាក់ថា មនុស្សជាង៣២០នាក់ ត្រូវបានបាញ់សម្លាប់នៅក្នុងការបង្ក្រាបបាតុកម្មចាប់តាំងពីរដ្ឋប្រហារថ្ងៃទី១ខែកុម្ភៈមក៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ មេទ័ពមីយ៉ាន់ម៉ា ប្តេជ្ញាការពារលទ្ធិប្រជាធិបតេយ្យ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៏៨ ម៉ោង មុន

សង្វេគ​ណាស់​! យុវជន​ម្នាក់ ជិះ​ម៉ូតូ​លឿន​ដូច​ហោះ រេ​ចង្កូត ​ទៅបុក​រថយន្ត​​​ស្លាប់​ភ្លាមៗ

ព័ត៌មានជាតិ៩ ម៉ោង មុន

រដ្ឋបាល​ខេត្ត​ព្រះសីហនុ សម្រេច​កំណត់​តំបន់​ជា៣ផ្នែក គឺ តំបន់​ក្រហម តំបន់លឿងទុំ និង​ តំបន់លឿង

ព័ត៌មានជាតិ១០ ម៉ោង មុន

លោកជំទាវ ឱ វណ្ណឌី​ន “​ថ្វី​ត្បិត​រាជរដ្ឋាភិបាល​បញ្ចប់​ការបិទ​ខ្ទប់​ក៏ពិតមែន ប៉ុន្តែ​ការផ្ទុះ​ឡើងវិញ​មេរោគ​កូ​វីដ​-១៩ វា​នឹង​អាច​កើតមានឡើង ប្រសិន​យើង​មានការ​ធ្វេសប្រហែស​”

នយោបាយ១១ ម៉ោង មុន

ថ្ងៃ​ដំបូង មាន​គណបក្ស​តែមួយ​ប៉ុណ្ណោះ បាន​ចុះបញ្ជី ដើម្បី​ចូលរួម​បោះឆ្នោត​ជ្រើសរើស​ក្រុមប្រឹក្សា​ក្រុង​បូកគោ

ព័ត៌មានជាតិ១១ ម៉ោង មុន

រដ្ឋបាលរាជធានីភ្នំពេញ​បង្ហាញអត្តសញ្ញាណ​អ្នក​វិជ្ជមាន​កូវីដ១៩ចំនួន៥៧៨រូប នៅយប់​ថ្ងៃទី០៦ឧសភានេះ

Sokha Hotels

ព័ត៌មានពេញនិយម

Helistar Cambodia - Helicopter Charter Services