ព័ត៌មានអន្ដរជាតិ
អ្នកស្លាប់ជិត៦០០នាក់ អ្នកវិភាគនៅអង់គ្លេសថា យោធាមីយ៉ាន់ម៉ាកំពុងបាត់បង់ម្ចាស់ការគ្រប់គ្រង
កម្លាំងសន្តិសុខមីយ៉ាន់ម៉ាបានបាញ់ប្រហារលើអ្នកតវ៉ាប្រឆាំងនឹងរដ្ឋប្រហារកាលពីថ្ងៃពុធដែលបានសម្លាប់មនុស្សហោចណាស់១៥នាក់ និងរបួសជាច្រើននាក់។ នេះបើតាមប្រព័ន្ធផ្សព្វផ្សាយក្នុងស្រុក។
ជាមួយគ្នានេះមានអគ្គីភ័យបានឆេះអគារជាបន្តបន្ទាប់នៅទីក្រុងពាណិជ្ជកម្មយ៉ាំងហ្គោន និងរោងចក្រដែលមានថៅកែជាជនជាតិចិន។
មេដឹកនាំយោធាលោកឧត្តមសេនីយ Min Aung Hlaing បាននិយាយថា ចលនាស៊ីវិលប្រឆាំងរដ្ឋប្រហារបានកំពុងបំផ្លាញប្រទេសមីយ៉ាន់ម៉ា។ លោកបញ្ជាក់ថា ចលនាស៊ីវិលប្រឆាំងបានបញ្ឈប់ការងារមន្ទីរពេទ្យ សាលារៀន ផ្លូវថ្នល់ ការិយាល័យ និងរោងចក្រ។
យោងតាមក្រុមសកម្មជនមួយបានឲ្យដឹងថា រហូតមកដល់ពេលនេះ មនុស្សប្រហែលជា៦០០នាក់ត្រូវបានសម្លាប់ចាប់តាំអពីរដ្ឋប្រហារថ្ងៃទី១កុម្ភៈមកដែលបានបញ្ចប់លទ្ធិប្រជាធិបតេយ្យដែលដឹកនាំដោយស៊ីវិល។
ការតវ៉ា និងកូដកម្មទូទាំងប្រទេសនៅតែកើតមានខ្លាំងក្លា បើទោះជារបបយោធាបានបង្ក្រាបដោយហិង្សាបណ្តាលឲ្យមានមនុស្សស្លាប់ក៏ដោយ។
សមាគមជំនួញអ្នកទោសនយោបាយ (AAPP) បាននិយាយល្ងាចថ្ងៃពុធថា ឥឡូវនេះ យោធាបានកំពុងផ្តោតលើការបង្ក្រាបនៅតំបន់ជនបទ។
AAPP បានបញ្ជាក់ថា គិតថ្ងៃពុធ ទី៧ ខែមេសា មនុស្ស៥៩៨នាក់ត្រូវបានសម្លាប់ដោយកម្លាំងសន្តិសុខចាប់តាំងពីរដ្ឋប្រហារមក។ អាជ្ញាធរក៏បានកំពុងឃុំខ្លួនមនុស្សជិត៣ពាន់នាក់ទៀត។
កម្លាំងសន្តិសុខបានបើកការបាញ់រះនៅថ្ងៃពុធទៅលើអ្នកតវ៉ានៅភាគខាងជើងទីប្រជុំជន Kale នៅពេលពួកគេបានទាមទារឲ្យស្តារឡើងវិញនូវរដ្ឋាភិបាលស៊ីវិលរបស់លោកស្រី អ៊ុងសាន ស៊ូជី។
អ្នកស្រុកម្នាក់នៅតំបន់កើតហេតុ និងវិបសាយក្នុងស្រុក Myanmar Now បានផ្សាយថា មនុស្ស១១នាក់ត្រូវបានសម្លាប់ និងរបួសជាច្រើន។ មនុស្សពីរនាក់ទៀតត្រូវបានសម្លាប់នៅតំបន់ Bago ជិតទីក្រុងយ៉ាំងហ្គោន។
អ្នកស្រុកម្នាក់បាននិយាយថា យ៉ាងហោចណាស់មានអគ្គីភ័យបានកើតមានឡើង៧កន្លែងនៅទីក្រុងយ៉ាំងហ្គោន ក្នុងនោះឆេះអគាររដ្ឋាភិបាល មន្ទីរពេទ្យទាហានមួយ និងហាងមួយ ប៉ុន្តែគេមិនដឹងទេថា មានគ្រោះថ្នាក់ដល់អាយុជីវិតមនុស្សឬយ៉ាងណា ហើយក៏គ្មានអ្នកអះអាងពីការទទួលខុសត្រូវដែរ។
ស្ថានទូតអមេរិកនៅទីក្រុងយ៉ាំងហ្គោនបាននិយាយថា ខ្លួនទទួលបានរបាយការណ៍នៃសំឡេងបំផ្ទុះគ្រាប់បែកដែលធ្វើដោយដៃ ឬកាំជ្រូចដែលបានបង្កើតសំឡេងឮខ្លាំង។
នាយកដ្ឋានពន្លត់អគ្គីភ័យបាននិយាយថា អគ្គីភ័យមួយបានឆេះរោងចក្រកាត់ដេរ JOC Garment Factory ដែលមានថៅកែជាជនជាតិចិននៅទីក្រុងយ៉ាំងហ្គោន ប៉ុន្តែគ្មានរបាយការណ៍ពីគ្រោះថ្នាក់ដល់មនុស្ស និងលំអិតពីការខូចខាតទេ។
ប្រទេសចិនត្រូវបានគេមើលឃើញថាកំពុងគាំទ្រដល់របបយោធាមីយ៉ាន់ម៉ា ហើយកាលពីខែមុន ក៏មានការវាយប្រហារទៅលើរោងចក្រដែលវីនិយោគដោយថៅកែចិន៣២កន្លែងនៅទីក្រុងយ៉ាំងហ្គោន។
ក្រុមអ្នកវិភាគ Fitch Solutions ដែលមានមូលដ្ឋាននៅទីក្រុងឡុងដ៏បាននិយាយក្នុងរបាយការណ៍មួយថា ទណ្ឌកម្មរបស់ប្រទេសមហាអំណាចលោកខាងលិចកំពុងមានគោលដៅលើរបបយោធាទំនងជាមិនជោគជ័យក្នុងការស្តារលទ្ធិប្រជាធិបតេយ្យឡើងវិញទេ។
ប្រភពនេះបាននិយាយថា នេះជាបដិវត្តហិង្សាមួយដែលយោធាវាយប្រហារទៅលើអ្នកតវ៉ាគ្មានអាវុធក្នុងដៃ និងកងជីវពលជនជាតិភាគតិច។
ប្រភពដដែលបញ្ជាក់ថា «អំពើហិង្សាកាន់តែខ្លាំងៗទៅលើជនស៊ីវិល និងកងជីវពលជនជាតិភាគតិចបង្ហាញថា របបយោធាមីយ៉ាន់ម៉ាកំពុងកើនឡើងចំពោះការបាត់បង់ម្ចាស់ការក្នុងការគ្រប់គ្រងប្រទេស»។
ប្រភពនេះបន្ថែមថា មនុស្សកាន់តែច្រើនលើសលប់គាំទ្ររដ្ឋាភិបាលដែលត្រូវបានបណ្តេញចេញរបស់លោកស្រី អ៊ុងសាន ស៊ូជី៕
ប្រែសម្រួល៖ វីរបុត្រ
ប្រភព៖ Reuters
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ