សុខភាព
តើក្នុងករណីណាខ្លះ ដែលត្រូវធ្វើការឆ្លុះប្លោកនោម?
វាជាការប្រើប្រាស់ឧបករណ៍ទំនើប ដែលមានកាមេរ៉ាតូចមួយដើម្បីឆ្លុះពិនិត្យផ្ទាល់នៅក្នុងប្លោកនោមរបស់អ្នកជំងឺ។ ជាការពិនិត្យដែលងាយស្រួល លឿន ដោយរួមជាមួយការបាញ់ថ្នាំស្ពឹកបន្តិច។
១) ផលប្រយោជន៍របស់ការឆ្លុះប្លោកនោម៖
– ស្វែងរកភាពមិនប្រក្រតី ដែលអាចមាននៅបំពង់បង្ហួរនោមខាងក្រៅ ក្រពេញប្រូស្តាត និងជញ្ជាំង(ភ្នាស) របស់ប្លោកនោម។
– អាចច្រឹបសាច់ ដែលមិនប្រក្រតីទៅពិនិត្យ (Anapath)។
២) តើក្នុងករណីណាខ្លះដែលត្រូវធ្វើការឆ្លុះប្លោកនោម?
– អ្នកជំងឺដែលមានប្រវត្តិក្នុងគ្រួសារមានជំងឺមហារីកប្លោកនោម ឬអ្នកជំងឺផ្ទាល់
– អ្នកជំងឺមាននោមឈាម
– អ្នកជំងឺដែលមានការរលាកផ្លូវបង្ហួរនោមញឹកញាប់ ដោយគ្មានមូលហេតុច្បាស់លាស់
– អ្នកជំងឺដែលមានប្រវត្តិហូបស្រា និងជក់បារីច្រើន
– អ្នកជំងឺដែលពិបាកនោម ឬនោមមិនចេញ។
៣) តើយើងអាចមើលឃើញអ្វីខ្លះ?
នៅពេលធ្វើការឆ្លុះប្លោកនោម ដោយ Cystoscopie យើងអាចពិនិត្យឃើញៈ
– ការត្រៀតរួមតូចរបស់បំពង់នោមខាងក្រៅ
– ក្រពេញប្រូស្តាតរីកធំ
– រលាកប្លោកនោម
– គ្រួសក្នុងប្លោកនោម
– ដុំក្នុងប្លោកនោម។
ការឆ្លុះប្លោកនោមតាមរយៈ Cystoscopie គឺមានលក្ខណៈងាយស្រួល ដែលអាចកំណត់បាននូវរោគវិនិច្ឆ័យច្បាស់លាស់ ព្រមទាំងចំណេញពេលវេលាសម្រាប់អ្នកជំងឺដោយមិនត្រូវការសម្រាកពេទ្យ។
ក្នុងករណីមានការលំបាកក្នុងការនោម នោមមានឈាម ឬបញ្ហាប្លោកនោម ក្រុមគ្រូពេទ្យឯកទេសនៃមន្ទីរពេទ្យកាល់ម៉ែត ស្វាគមន៍ក្នុងការពិនិត្យ និងផ្តល់ការប្រឹក្សាលំអិតបន្ថែមជូនដល់លោកលោកស្រីនូវរាល់ចម្ងល់ផ្សេងៗ ក្នុងការកំណត់បាននូវរោគវិនិច្ឆ័យ និងវិធីសាស្ត្រក្នុងការព្យាបាលឲ្យមានប្រសិទ្ធភាព និងសុវត្ថិភាពកំរិតខ្ពស់៕
អត្ថបទ៖ រស្មី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ