Connect with us

សុខភាព

សារ៉ាយសមុទ្រ ផលិតផលបំប៉នសុខភាព គ្មានប្រសិទ្ធភាពព្យាបាលជំងឺ…ទេ

បានផុស

នៅ

ក្រសួងសុខាភិបាលកម្ពុជា បានប្រកាសថាផលិតផលបំប៉នសុខភាព ឬអាហារបំប៉នសុខភាព គ្មានប្រសិទ្ធភាពព្យាបាលជំងឺរ៉ាំរ៉ៃផ្សេងៗបានឡើយ។

ហើយថា ផលិតផលទាំងនោះ មិនអាចជំនួសចំណីអាហារដែលបរិភោគប្រចាំថ្ងៃបានទេ ហើយ​ក៏គ្មានប្រសិទ្ធិភាពក្នុងការព្យាបាលជំងឺមហារីក ជំងឺសន្លាក់ ជំងឺទឹកនោមផ្អែម លើសឈាម និង​ជំងឺជាច្រើនទៀតបានឡើយ។

ការប្រកាសរបស់ក្រសួងសុខាភិបាលនៅពេលនេះ កើតមានឡើង បន្ទាប់ពីមានការផុស​ផុលផ្សព្វ​ផ្សាយលក់ផលិតផលបំប៉នសុខភាព ឬអាហារបំប៉នសុខភាព នៅលើបណ្តាញសង្គម (ហ្វេសប៊ុក)​ ដូចជាសារ៉ាយសមុទ្រ Spirulina និងផលិតផលបំប៉នសុខភាព ឬអាហារបំប៉នសុខភាពដ៍ទៃផ្សេងទៀត ដែលប្រើប្រាស់នូវខ្លឹមសារភូតកុហក បោកប្រាស់ ផ្ទុយពីគុណភាពរបស់ផលិតផលទាំងនោះ។

ក្រសួងបញ្ជាក់ថា សកម្មភាពទាំងនោះ បានធ្វើឲ្យប្រជាពលរដ្ឋមានការយល់ច្រឡំក្នុងកាទិញផលិតផលបំប៉នសុខភាព ឬអាហារបំប៉នសុខភាពទាំងនោះយកមកប្រើប្រាស់ សម្រាប់ព្យាបាលជំងឺ ដែលធ្វើឲ្យអូសបន្លាយពេលវេលាក្នុងការព្យាបាល និងបង្កឲ្យការព្យាបាលមិនទាន់ពេលវេលា ធ្វើឲ្យអ្នកជំងឺកាន់តែធ្ងន់ធ្ងរទៅៗ ឬឈានដល់ការបាត់បង់អាយុជីវិត។

ក្រសួងសុខាភិបាលលើកឡើងថា “ផលិតផលបំប៉នសុខភាព ឬអាហារបំប៉នសុខភាព​ គ្រាន់តែមានមុខងារក្នុងការជួយទ្រទ្រង់សរីរាង្គកាយ និងជំនួយកំលាំងតែប៉ុណ្ណោះ មិនអាចជំនួសចំណីហារ ហើយក៏គ្មាន ប្រសិទ្ធិភាពក្នុងការធ្វើរោគវិនិច្ឆ័យ បង្ការ ឬព្យាបាលជំងឺមហារីក ជំងឺសន្លាក់ ជំងឺទឹកនោមផ្អែម លើសឈាម និងជំងឺជាច្រើនទៀតបានឡើយ ផ្ទុយទៅវិញផលិតផលបំប៉នសុខភាព ឬអាហារបំប៉នសុខភាពមួយចំនួន អាចបង្កឲ្យមានហានិភ័យចំពោះសុខភាព និងជួនកាលអាចបង្កគ្រោះថ្នាក់ដល់អាយុជីវិតផងដែរ”។

ក្រសួងអះអាងទៀតថា ការប្រើប្រាស់ផលិតផលបំប៉នសុខភាព ឬអាហារបំប៉នសុខភាព​ មិនអាចជំនួសថ្នាំ (ឱសថ) ដែលប្រជាពលរដ្ឋកំពុងប្រើប្រាស់ព្យាបាលជំងឺរ៉ាំរ៉ៃបានឡើយ។

ដូច្នេះមុននឹងសម្រេចិត្តប្រើផលិតផលទាំងនេះ ត្រូវពិគ្រោះយោបល់ជាមួយគ្រូពេទ្យ ឬអ្នកដែលមានជំនាញសុខាភិបាលច្បាស់លាស់៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២២ នាទី មុន

ចំនួនអ្នកស្លាប់នៅភាគខាងត្បូងប្រទេសហ្វីលីពីនកើនឡើង ដោសារគ្រោះទឹកជំនន់ និងបាក់ដី

ព័ត៌មានអន្ដរជាតិ២ ម៉ោង មុន

តុលាការ អង់គ្លេស ទាត់ចោលបទចោទលើសកម្មជនវ័យក្មេង Greta Thunberg ជុំវិញការតវ៉ាឆ្នាំមុន

ព័ត៌មានជាតិ៣ ម៉ោង មុន

សម្តេចតេជោ និងគ្រួសារ និមន្តព្រះសង្ឃ ៦៧ អង្គ ឧទ្ទិសកុសល បុណ្យខួប ១ឆ្នាំ ប្អូនថ្លៃ

ព័ត៌មានអន្ដរជាតិ៤ ម៉ោង មុន

អាមេរិក ផលិតមីស៊ីល ៥០ គ្រាប់ក្នុងតម្លៃ ៦៨.៤ លានដុល្លារឲ្យ តៃវ៉ាន់ ដើម្បីផ្គាប់ចិត្តមេដឹកនាំថ្មី

ព័ត៌មានជាតិ៤ ម៉ោង មុន

បណ្ឌិតអប់រំជប៉ុន ​មានឆន្ទៈ​បន្ត​​ពង្រឹង​កិច្ចសហប្រតិបត្តិការ​ ជាមួយ​ ក្រសួងអប់រំកម្ពុជា

សន្តិសុខសង្គម២ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

បច្ចេកវិទ្យា៥ ថ្ងៃ មុន

វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា

ជីវិតកម្សាន្ដ៤ ថ្ងៃ មុន

តួកាច Benz ទម្លាយថា នាងធ្លាប់វាយរឹកដាក់អ្នកគាំទ្រ ពេលកេរ្តិ៍ឈ្មោះល្បីល្បាញខ្លាំងកាលវ័យជំទង់

ព័ត៌មានជាតិ៣ ថ្ងៃ មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

ព័ត៌មានជាតិ៦ ថ្ងៃ មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

Sokha Hotels

ព័ត៌មានពេញនិយម