ព័ត៌មានជាតិ
សម្តេចតេជោ ហ៊ុន សែន អំពាវនាវឱ្យប្រជាពលរដ្ឋកុំជឿតាមការឃោនសនារបស់ជនក្បត់ជាតិ ជំរុញឱ្យដណ្តើមវ៉ាក់សាំង
សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងអំពាវនាវកុំឱ្យប្រជាពលរដ្ឋជឿតាមការឃោសនារបស់ក្រុមពូជក្បត់ជាតិ ពីព្រោះមិនមែនជាបំណងល្អរបស់គេនោះទេ ហើយរាជរដ្ឋាភិបាល នឹងចាក់វ៉ាក់សាំងតាមលំដាប់លំដោយនៃអ្នកអាទិភាព។
សម្តេចតេជោ ហ៊ុន សែន ថ្លែងតាមរយៈសារសំឡេងនៅថ្ងៃទី ១២ ខែមេសាថា “អ្វីដែលខ្ញុំវាយតម្លៃពិតជាត្រឹមត្រូវ ជាពិសេសកាលពីថ្ងៃទី០៤ ខែមីនា ដែលទទួលបានវ៉ាក់សាំង ពេលនោះពួកវា រារាំងដល់ការចាក់វ៉ាក់សាំង ប៉ុន្តែនៅពេលណាមួយនោះពួកវានឹងជំរុញប្រជាជនឱ្យមកដណ្តើមវ៉ាក់សាំង ហើយមកដល់ថ្ងៃនេះ ពិតប្រាកដណាស់ពីការបំផុសបំផុលមិនឱ្យប្រជាពលរដ្ឋ ទទួលវ៉ាក់សាំង ហើយឃោសនាវ៉ាក់សាំងចិន ជាវ៉ាក់សាំងដើម្បីសម្លាប់ប្រជាជន តែពេលនេះ វាបានសរសើរវ៉ាក់សាំងចិន ដែលនេះ គឺជាវិធីរុញទូកបណ្តោយទឹក មិនមែនដើម្បីសេចក្តីសុខរបស់ប្រជាជននោះទេ ប៉ុន្តែជាគោលបំណងធំបំផុតរបស់វា ដើម្បីជំរុញឲ្យប្រជាជនមកដណ្ដើមវាក់សាំង ខណៈពេលដែលយើងមានវ៉ាក់សាំងមិនគ្រប់”។
សម្តេចតេជោ ហ៊ុន សែន បានបញ្ជាក់ថាចំណុចនេះ សម្តេចបានវិភាគទុកថា ក្រុមចោរចង្រៃនេះ ច្បាស់ជាចេញមកតាមច្រកហ្នឹងហើយ ឥឡូវគឺចេញតាមហ្នឹងមែន។
សម្តេចតេជោ ហ៊ុន សែនក៏ទាមទារឱ្យអនុវត្តនូវផែនការមេជាក់លាក់ ហើយត្រូវការចាក់ដល់ប្រជាជនចំនួន១០លាននាក់យ៉ាងតិច ដែលត្រូវការវាក់សាំងចំនួន ២០លានដូស ហើយសមត្ថភាពចាក់វ៉ាក់សាំងក្នុងមួយខែៗបានត្រឹមតែមួយលានដូសតែប៉ុណ្ណោះ ដូច្នេះយើងត្រូវការជិត២០ខែ ទើបអាចចាក់អស់ចំនួនវ៉ាក់សាំង ប្រសិនបើយើងមានវ៉ាក់សាំងគ្រប់២០ លានដូស។
សម្តេចតេេជោ ហ៊ុន សែន ថ្លែងទៀតថា “ដូច្នេះខ្ញុំស្នើសុំឲ្យប្រជាពលរដ្ឋយើងហ្នឹងហ្ន៎ចិត្ត រាជរដ្ឋាភិបាល នឹងចាក់ទៅតាមលំដាប់អាទិភាព ហើយនៅពេលវ៉ាក់សាំងមកដល់ យើងនឹងពិនិត្យក្រុមណា ដែលចាក់មុនក្រុមណា ដែលត្រូវចាក់ក្រោយ យើងក៏នឹងបែងចែកប្រភេទអាយុ នៃការទទួលវ៉ាក់សាំងនេះដែរ”៕
អត្ថបទ៖កោះកែវ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)