Connect with us

ព័ត៌មានជាតិ

កូវីដ​ ១៩ ផ្ទុះ​រាលដាល​ដល់ខេត្ត​​ព្រះវិហារ រកឃើញករណី​ដំបូង​ឆ្លង​លើ​ស្រ្តី​អាយុ ២៩ ឆ្នាំ ម្នាក់

បានផុស

នៅ

ការ​ផ្ទុះ​កូវីដ​ ១៩ ក្នុង​ព្រឹត្តិការណ៍ ២០ កុម្ភៈ បាន​រាលដាល​​ដល់ខេត្ត​ក្រុង​នានា ហើយ​តាម​សេចក្តីប្រកាស​របស់​ក្រសួង​សុខាភិបាល​នៅ​ព្រឹកនេះ បាន​រកឃើញ​ករណី​ដំបូង​នៅ​ខេត្ត​ព្រះវិហារ។

ខេត្ត​ព្រះវិហារ​ដែលមាន​ចម្ងាយ​ផ្លូវ​ជិត ៣០០ គីឡូម៉ែត្រ​ពីរាជធានី​ភ្នំពេញ និង​មាន​ព្រំប្រទល់​ជាប់​ព្រំដែន​ថៃ​នេះ​បាន​រកឃើញ​ករណី​អ្នក​ឆ្លង​ដំបូង​ជា​ស្រ្តី​ជនជាតិ​ខ្មែរ​អាយុ ២៩ ឆ្នាំ មាន​អាសយដ្ឋាន​ស្នាក់នៅ​សង្កាត់​ពោធិ៍ ក្រុង​ត្បែងមានជ័យ ខេត្ត​ព្រះវិហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​​ស្រ្តី​រូប​នេះ​ត្រូវ​បាន​ក្រសួង​សុខាភិបាល​បញ្ជាក់ថា ជាប់​ពាក់ព័ន្ធ​ព្រឹត្តិការណ៍ ២០ កុម្ភៈ។ យ៉ាងណា​មិញ ប្រភព​ពី​អាជ្ញាធរ​ខេត្ត​មិន​ទាន់បញ្ជាក់លម្អិតករណី​ឆ្លងលើ​ករណី​ស្រ្តី​ខាងលើនេះ ខណៈ​បច្ចុប្បន្នអ្នក​ជំងឺ​​ត្រូវ​បាន​បញ្ជូន​ទៅ​សម្រាក​ព្យាបាល​នៅ​មន្ទីរពេទ្យ​ខេត្ត​ព្រះវិហារ។

គួរ​បញ្ជាក់ថ​ា នៅ​ព្រឹកនេះ​ក្រសួង​សុខាភិបាល​បាន​ប្រកាស​រកឃើញ​ករណី​ឆ្លងថ្មីចំនួន ១៨១ នាក់​ទៀត​។ ១៧៨ នាក់​ ជាអ្នក​ពាក់ព័ន្ធ​​សហគមន៍ ២០ កុម្ភៈ​ ០២ នាក់ ជាអ្នក​ដំណើរមកពីក្រៅប្រទេស​ និង​ ០១ នាក់​ជា​ពលរកមក​ពី​ថៃ​​។

ភ្នំពេញនៅតែរងគ្រោះ​ធ្ងន់ធ្ងរ ២៤ ម៉ោង​នេះ​​មាន​ចំនួន​អ្នក​ឆ្លង​ថ្មី​ ១៤០ នាក់ទៀត។ ខេត្ត​ស្វាយរៀងចំនួន ១៤ នាក់ ខេត្ត​ព្រះសីហនុចំនួន ០៨ នាក់ ខេត្តព្រៃវែងចំនួន ០៦ នាក់ ខេត្ត​សៀមរាបចំនួន ០៤ នាក់ ខេត្តកណ្ដាលចំនួន ០៣ នាក់ ខេត្ត​តាកែវចំនួន ០១ នាក់ ខេត្ត​ក្រចេះចំនួន ០១ នាក់ និង​ខេត្ត​ព្រះវិហារចំនួន ០១នាក់។

ក្រសួង​សុខាភិបាលបាន​ជូនដំណឹង​ករណី​ស្លាប់​ពលរដ្ឋ​ខ្មែរ​ ០៣ នាក់ទៀតដោយសារ​កូវីដ ១៩ ។ ជនរងគ្រោះ​ទីមួយបាន​ស្លាប់នៅ​មន្ទីរពេទ្យ​ហ្លួងម៉ែ និង​ពីរ​នាក់​ទៀត​ស្លាប់នៅមន្ទីរពេទ្យ​ខ្មែរ​សូវៀត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម