នេះ​របាយការណ៍ ០៧ ថ្ងៃ​ចុងក្រោយ ភ្នំពេញ​ផ្ទុះ​អ្នក​ឆ្លង​ជិត ២០០០ នាក់
Connect with us
Helistar Cambodia - Helicopter Charter Services

ព័ត៌មានជាតិ

នេះ​របាយការណ៍ ០៧ ថ្ងៃ​ចុងក្រោយ ភ្នំពេញ​ផ្ទុះ​អ្នក​ឆ្លង​ជិត ២០០០ នាក់

បានផុស

នៅ

ចំនួន​អ្នក​ឆ្លង​​នៅ​រាជធានី​ភ្នំពេញ​ក្នុង​រយៈ​ពេល ០៧ ថ្ងៃ​ចុងក្រោយ​មាន​ជិត ២០០០ នាក់។ ស្ថានភាព​ដ៏​ផុយ​ស្រួយ​នេះ ​ជំរុញ​ឲ្យ​រដ្ឋាភិបាល​ប្រកាស​បិទ​ខ្ទប់​ទីក្រុង​ភ្នំពេញ រួមទាំង​ក្រុង​តាខ្មៅ​ខេត្តកណ្តាលរយៈ​េពល ១៤ ថ្ងៃ។ បើ​ផ្អែក​ទិន្នន័យ​ការ​ឆ្លង​ប្រចាំថ្ងៃ រាជធានី​ភ្នំពេញមាន​អត្រា​ឆ្លង​ខ្ពស់ជាងខេត្តក្រុង​ដទៃ​ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជា​របាយការណ៍​ប្រចាំថ្ងៃ​រយៈ​ពេល ០៧ ថ្ងៃ​ចុងក្រោយ​ការ​រកឃើញ​ចំនួនអ្នក​ឆ្លង​នៅ​រាជធានី​ភ្នំពេញ។

ថ្ងៃ ១៤ ខែ​មេសា ២០២១ មាន​អ្នកឆ្លងសរុប ៣៤៤ នាក់ទៀត (ភ្នំពេញ មាន ២៤៣ នាក់)
ថ្ងៃ ១៣ ខែ​មេសា ២០២១ មាន​អ្នកឆ្លងសរុប ១៧៨នាក់ទៀត (ភ្នំពេញ​មាន ១៤៩ នាក់)
ថ្ងៃ ១២ ខែ​មេសា ២០២១ មាន​អ្នកឆ្លងសរុប ១៨១នាក់ទៀត (ភ្នំពេញមាន ១៤០ នាក់)
ថ្ងៃ ១១ ខែ​មេសា ២០២១ មានអ្នកឆ្លងសរុប ២៧៧នាក់ទៀត (ភ្នំពេញ ២០៤ នាក់)
ថ្ងៃ ១០ ខែ​មេសា ២០២១ មានអ្នកឆ្លងសរុប ១៥៧នាក់ទៀត (ភ្នំពេញ ១៤១ នាក់)
ថ្ងៃ ០៩ ខែ​មេសា ២០២១ មានអ្នកឆ្លងសរុប ៤៧៧នាក់ទៀត (ភ្នំពេញ ៤៥៤ នាក់)
ថ្ងៃ ០៨ ខែ​មេសា ២០២១ មានអ្នកឆ្លងសរុប ៥៧៦នាក់ទៀត (ភ្នំពេញ ៥៤៤ នាក់)

លោកជំទាវ ឱ វណ្ណឌីន​ រដ្ឋលេខាធិការ និង​ជា​អ្នក​នាំពាក្យ​ក្រសួង​សុខាភិបា​លបាន​ឱ្យ​ដឹង​ថា ស្ថិតក្នុងដំណាក់កាលដែលអ្នកជំងឺកូវីដ-១៩ នៅក្នុងរាជធានីភ្នំពេញ កំពុងមានចំនួនកេីនឡេីងច្រើន ហើយទីកន្លែងសម្រាប់ដាក់ជូនសម្រាកព្យាបាល​មានការខ្វះខាត ក្រសួងកំពុងតែបន្តរៀបចំទីកន្លែងជាបន្តបន្ទាប់ ដោយសហការជាមួយអាជ្ញាធររាជធានីភ្នំពេញ។

វិទ្យាល័យជាស៊ីមសាមគ្គី ស្ថិតនៅតាមបណ្តោយផ្លូវ២៧១ ក្នុងសង្កាត់បឹងសាឡាង ខណ្ឌទួលគោក ត្រូវ​បាន​សម្រេចយកជាកន្លែងសម្រាប់ព្យាបាលអ្នកជំងឺ-១៩ ដោយ​អាច​រៀបចំគ្រែបាន​ចំនួន២០០ គ្រែ សម្រាប់អ្នកជំងឺ​។ ជាមួយ​គ្នានេះ ​វិទ្យាល័យជម្ពូវ័ន ដែល​មានចំនួន១៨០ គ្រែ ក៏​ត្រូវ​រៀបចំ​បម្រុង​ទុកដាក់អ្នក​ឆ្លងកូវីដ​សម្រាកព្យាបាល។

ក្រៅពី​នេះ​រដ្ឋបាលរាជធានីភ្នំពេញ បានស្នើសុំ​មជ្ឍមណ្ឌល​ពិព័រណ៌កោះពេជ្រ ធ្វើ​ជាកន្លែង​សម្រាកព្យាបាល​អ្នក​ឆ្លងកូវីដ​កម្រិតស្រាល ដែល​អាច​ដាក់អ្នកជំងឺ​បានជាង ២០០០ នាក់៕


Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services