ព័ត៌មានជាតិ
លោក ព្រាប កុល ចប់អាណត្តិពីប្រធាន គណៈកម្មការសវនកម្ម នៃអង្គការតម្លាភាពអន្តរជាតិ
លោក ព្រាប កុល បានបញ្ចប់អាណត្តិពីប្រធានគណៈកម្មការសវនកម្ម នៃអង្គការតម្លាភាពអន្តរជាតិ (TI) ហើយកាលពីថ្ងៃទី០៩ ខែវិច្ឆិកា ឆ្នាំ២០២០ បន្ទាប់ពីសមាជិកមកពីប្រទេសជាងមួយរយ បានបោះឆ្នោតគាំទ្រកាលពី៣ ឆ្នាំមុន។
លោក ព្រាប កុល បានបញ្ជាក់យ៉ាងដូច្នេះថា “ថ្ងៃនេះ (០៩.វិច្ឆិកា.២០២០) ជាថ្ងៃចុងក្រោយនៃអាណត្តិរបស់ខ្ញុំ ក្នុងមុខដំណែងជាសមាជិកក្រុមប្រឹក្សាភិបាលអន្តរជាតិ និងជាប្រធានគណៈកម្មការសវនកម្ម នៃអង្គការតម្លាភាពអន្តរជាតិ (TI) ដែលត្រូវបានសមាជិកមកពីប្រទេសជាងមួយរយបានបោះឆ្នោតឲ្យខ្ញុំកាលពី៣ឆ្នាំមុន”។
លោកថា នៅក្នុងមុខងារនេះ លោកបំពេញប្រកបដោយមោទនភាព និងដោយកិត្តិយស ក្នុងនាមជាពលរដ្ឋខ្មែរម្នាក់ ដែលមានវ័យក្មេងជាងគេក្នុងចំណោមសមាជិកក្រុមប្រឹក្សាភិបាលទាំង១២រូប។
ទោះជាយ៉ាងណា លោកសម្រេចចិត្តមិនឈរឈ្មោះសម្រាប់អាណត្តិទី២ទេ ពីព្រោះលោកចង់ទុកពេលវេលា១០០ ភាគរយសម្រាប់បម្រើដល់បុព្វហេតុកម្ពុជា តាមរយៈការបណ្តុះបណ្តាល និងការកសាងសមត្ថភាពពលរដ្ឋខ្មែរ ជាពិសេសយុវជន ដើម្បីរួមចំណែកពង្រីកវិសាលភាពធនធានមនុស្ស ដែលលោកយល់ថា អាចនឹងធ្វើឲ្យប្រទេសកម្ពុជា ជាទីស្រឡាញ់របស់យើង កាន់តែមានភាពរឹងមាំទៅថ្ងៃអនាគត។
ជាមួយគ្នានោះ លោកបានថ្លែង អំណរគុណដល់ពលរដ្ឋខ្មែរគ្រប់រូប ដែលតែងតែផ្តល់ការគាំទ្រ និងលើកទឹកចិត្តដល់រូបលោក នាពេលកន្លងមក និងតទៅថ្ងៃមុខទៀត។ លោកបានលើកទឹកចិត្តដល់ពលរដ្ឋខ្មែរគ្រប់រូប ជាពិសេសយុវជនជំនាន់ក្រោយ មានភាពក្លាហាន និងមានការជឿជាក់លើសមត្ថភាពខ្លួនឯងថា ពួកយើងមានពូជសាសន៍ជាអ្នកកសាងអង្គរ ហើយយើងមានសមត្ថភាពគ្រប់ គ្រាន់ក្នុងការប្រកួតប្រជែងលើឆាក អន្តរជាតិ។ លោកយល់ឃើញថា មធ្យោបាយតែមួយគត់ ដែលយើងអាចថែរក្សា ការពារទឹកដីយើង និងលើកកំពស់អត្តសញ្ញាណរបស់ជនជាតិយើង គឺការពង្រឹងសមត្ថភាពខ្លួនឯងលើគ្រប់វិស័យ និងការសាមគ្គីជាតិ និងឯកភាពជាតិ។
សូមបញ្ជាក់ថា អង្គការតម្លាភាពអន្តរជាតិ (TI) មានទីស្នាក់ការកណ្តាល នៅទីក្រុងប៊ែរឡាំង ប្រទេសអាល្លឺម៉ង់ អង្គការនេះមានទស្សនៈមិនស្របជាមួយរដ្ឋាភិបាលទេ ហើយថ្មីៗនេះ ក៏បានចេញសេចក្តីថ្លែងការណ៍មួយថ្កោលទោសចំពោះសេចក្ដីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល (LANGO) នៅនៅប្រទេសកម្ពុជាផងដែរ៕
ដោយ ៖ កោះកែវ
កិច្ចពិគ្រោះយោបល់លើសេចក្ដីសេចក្ដីព្រាងច្បាប់ស្ដីពីការគ្រប់គ្រងវិស័យអប់រំកាយ និងកីឡា
ក្រុមកីឡាបាល់បោះ Yuetai Mekongers គ្រងតំណែងជើងឯកលីក “league” ឆ្នាំ២០២០
ព្រះសង្ឃមួយអង្គ យកខ្សែភ្លើងចង.កបញ្ចប់ជីវិត ក្នុងកុដិ
រដ្ឋមន្ត្រីកសិកម្មជំរុញឲ្យសហគមន៍ព្រៃឈើបង្កើនការចិញ្ចឹមសត្វ ត្រី និងដាំបន្លែបន្ថែមដើម្បីបង្កើនប្រភពចំណូល
លោកចម ប្រសិទ្ធ អំពាវនាវឲ្យអ្នកវិនិយោគឥណ្ឌាមកបណ្តាក់ទុននៅកម្ពុជាលើវិស័យអាទិភាពជាច្រើនកំពុងតែរង់ចាំ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានអន្ដរជាតិ6 days agoធ្លាយវីដេអូសម្ងាត់ គ្រូពេទ្យក្រុងអ៊ូហានសារភាពថា ពួកគេត្រូវបានប្រាប់ឲ្យនិយាយកុហកអំពីវីរុសកូរ៉ូណា
-
ព័ត៌មានអន្ដរជាតិ1 week ago១០ ប្រទេសដែលមិនទាន់មានការឆ្លងកូវីដសូម្បីមួយករណី
-
ព័ត៌មានជាតិ1 week agoស្គាល់តាមហ្វេសប៊ុក សង្ឃមួយអង្គលួចរួមភេទជាមួយក្មេងស្រីអាយុ១៥ឆ្នាំ នៅក្នុងបន្ទប់ទឹកវត្ត
-
ព័ត៌មានជាតិ6 days agoមិនធ្លាប់មាន អគាររដ្ឋដំបូងគេមានកម្ពស់ ៣៥ ជាន់ លើផ្លូវព្រះនរោត្តម បានបញ្ចប់ការសាងសង់ទាំងស្រុង
-
ព័ត៌មានជាតិ1 week agoសម្តេច ស ខេង ៖ បញ្ហាធំៗមួយចំនួន នឹងអាចកើតឡើងនាពេលខាងមុខ
-
ព័ត៌មានអន្ដរជាតិ6 days agoថៃបង្ក្រាបទីតាំងផលិតសាប៊ូដុសមុខក្លែងក្លាយ កំពុងលក់ដាច់លើអនឡាញ ដែលប៉ះពាល់ដល់ស្បែក
-
ព័ត៌មានជាតិ1 week agoមកស្គាល់អគារខ្ពស់ៗជាងគេ ទាំង ១០ នៅរាជធានីភ្នំពេញ
-
ព័ត៌មានជាតិ6 days agoសមត្ថកិច្ចចម្រុះដកថយក្រោយពិនិត្យផលិតផលទឹកដោះគោwakodo មានគុណភាពស្តង់ដា
