ព័ត៌មានអន្ដរជាតិ
ត្រាំ ប្រាប់ថា លោកអត់និយាយលេងសើចទេរឿងចង់កាន់អំណាចឲ្យបាន៣អាណត្តិ
នៅក្នុងបទសម្ភាសន៍មួយកាលពីថ្ងៃអាទិត្យទី៣០ខែមីនាឆ្នាំ២០២៥ជាមួយ NBC News លោក ដូណាល់ ត្រាំ បានបង្ហាញចំណាប់អារម្មណ៍ក្នុងការស្វែងរកមធ្យោបាយ ដើម្បីបន្តកាន់តំណែងជាប្រធានាធិបតីអាមេរិកក្នុងអាណត្តិទី៣ ទោះបីជាមានការកំណត់រយៈពេលត្រឹមតែ២អាណត្តិប៉ុណ្ណោះក្នុងរដ្ឋធម្មនុញ្ញបង្កើតឡើងដោយវិសោធនកម្មលើកទី២២ក៏ដោយ។
លោក ត្រាំ បាននិយាយថា «មានវិធីសាស្រ្ត» ដើម្បីសម្រេចបាននូវរឿងនេះ ហើយបានសង្កត់ធ្ងន់ថា លោក«មិនបាននិយាយលេងសើច» អំពីលទ្ធភាពនោះទេ។
វិសោធនកម្មលើកទី២២ ដែលត្រូវបានបន្ថែមទៅរដ្ឋធម្មនុញ្ញរបស់សហរដ្ឋអាមេរិកក្នុងឆ្នាំ១៩៥១បន្ទាប់ពីលោក Franklin D Roosevelt បានជាប់ឆ្នោតចំនួន៤ដងជាប់ៗគ្នា បានចែងថា៖ «គ្មាននរណាម្នាក់នឹងត្រូវបានជ្រើសរើសឲ្យកាន់តំណែងប្រធានាធិបតីលើសពី២ដងឡើយ»។
សេណារីយ៉ូយុទ្ធសាស្ត្រមួយរបស់លោក ត្រាំ អាចពាក់ព័ន្ធនឹងអនុប្រធានាធិបតី JD Vance។ លោក Vance អាចឈរឈ្មោះជាប្រធានាធិបតីនៅឆ្នាំ២០២៨ខាងមុខ ហើយលោក ត្រាំ អាចកាន់តំណែងជាអនុប្រធានាធិបតី។ ក្រោមសេណារីយ៉ូនេះ លោក Vance អាចលាលែងពីតំណែងបន្ទាប់ពីចូលកាន់អំណាច ដោយអនុញ្ញាតឲ្យលោក ត្រាំ ធ្វើជាប្រធានាធិបតីជំនួសវិញ។
ទោះជាយ៉ាងណាក៏ដោយ អ្នកជំនាញផ្នែកច្បាប់ បានចោទជាសំណួរអំពីធម្មនុញ្ញភាពនៃវិធីសាស្រ្តនេះ ដោយកត់សម្គាល់ថា វិសោធនកម្មលើកទី១២ ហាមប្រាមបុគ្គលដែលជាប់ឆ្នោតចំនួន២អាណត្តិមិនឲ្យកាន់តំណែងជាអនុប្រធានាធិបតីនោះទេ។
យ៉ាងណា កិច្ចខិតខំប្រឹងប្រែងក្នុងការធ្វើវិសោធនកម្មរដ្ឋធម្មនុញ្ញ ដើម្បីអនុញ្ញាតឲ្យបុគ្គលម្នាក់អាចកាន់តំណែងដល់អាណត្តិទី៣នៅតែកំពុងដំណើរការ។ សមាជិកសភាលោក Andy Ogles បានណែនាំដំណោះស្រាយមួយដើម្បីកែប្រែវិសោធនកម្មលើកទី២២ ដោយអនុញ្ញាតឲ្យប្រធានាធិបតីដែលបានបម្រើការ២អាណត្តិមិនជាប់គ្នាអាចបន្តឈរឈ្មោះសម្រាប់ការបោះឆ្នោតនៅអាណត្តិទី៣បាន។ សំណើនេះទទួលបានការគាំទ្រពីក្រុមអភិរក្សមួយចំនួន ប៉ុន្តែប្រឈមមុខនឹងឧបសគ្គផ្នែកនីតិបញ្ញត្តិ ដែលទាមទារសំឡេងភាគច្រើនពីរភាគបីនៅក្នុងសភាទាំងពីរ និងការផ្តល់សច្ចាប័នដោយសំឡេងបីភាគបួននៃរដ្ឋ។ អ្នករិះគន់អះអាងថា ការប៉ុនប៉ងបែបនេះធ្វើឲ្យខូចដល់បទដ្ឋានប្រជាធិបតេយ្យ និងចេតនានៃការកំណត់អាណត្តិប្រធានាធិបតី៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ