ករណីស្លាប់ថ្មី ៣ នាក់ទៀត ដោយសារជំងឺកូវីដ១៩

ក្រសួងសុខាភិបាលបានប្រកាសថា មានករណីស្លាប់ដោយសារជំងឺកូវីដ១៩ ចំនួន ៣ នាក់ទៀត ធ្វើឱ្យអ្នកស្លាប់ដោយសារជំងឺកូវីដ១៩ បានកើនដល់ ៩១ នាក់។

អ្នកស្លាប់ទី១ ស្ត្រីជនជាតិខ្មែរ អាយុ ២៣ ឆ្នាំ រស់នៅសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ បានចូលសម្រាកព្យាបាលនៅថ្ងៃទី ២៦ ខែមេសា វេលាម៉ោង ២២៖៥៥នាទី ក្នុងស្ថានភាពបាត់បាត់ស្មារតី ពេលចូលដល់មន្ទីរពេទ្យ ក្រុមគ្រូពេទ្យបានពិនិត្យភ្លាមៗ ហើយបញ្ជាក់ថាអ្នកជំងឺបានស្លាប់បាត់បង់ជីវិតរួចទៅហើយ នៅមន្ទីរពេទ្យមិត្តភាពកម្ពុជាចិនព្រះកុសុមៈ។

អ្នកស្លាប់ទី ២ ស្ត្រីជនជាតិខ្មែរ អាយុ ៤៦ ឆ្នាំ រស់នៅស្រុកត្បូងឃ្មុំ ខេត្តត្បូងឃ្មុំ បានស្លាប់នៅម៉ោង ២១៖១៨ ថ្ងៃទី ២៧ ខែមេសា នៅមន្ទីរពេទ្យព្រះបាទនរោត្តមសីហនុត្បូងឃ្មុំ។

អ្នកស្លាប់ទី៣ បុរសជនជាតិខ្មែរ អាយុ ៦៤ ឆ្នាំ រស់នៅសង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។

តាមការសន្និដ្ឋានរបស់ក្រសួងសុខាភិបាលបញ្ជាក់ថា អ្នកទាំង៣ស្លាប់ដោយសារជំងឺកូវីដ១៩៕