Connect with us

ព័ត៌មានជាតិ

ចំណាប់អារម្មណ៍របស់គណៈកម្មការទាំងបួនរូបក្នុងកម្មវិធីវង់តន្ត្រីខ្មែរ រដូវកាលទី២

បានផុស

នៅ

កាន់តែពិសេសជាងរដូវកាលទី១ កម្មវិធីវង់តន្ត្រីខ្មែរ បង្កើតឡើងដោយសហភាពសហព័ន្ធយុវជនកម្ពុជា ខេត្តស្វាយរៀង គាំទ្រដោយក្រសួងវប្បធម៌ និងវិចិត្រសិល្បៈ និងសមាគមមិត្តតន្រ្តីករ បានត្រឡប់មកសារជាថ្មីក្នុងរដូវកាលទី២ ក្រោមប្រធានបទ «សិល្បៈបុរាណចម្រុះ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបទសម្ភាសកាលពីថ្ងៃទី៥ ខែមិថុនា ឆ្នាំ២០២១ ជាមួយនឹងសមាសភាពគណៈកម្មការវាយតម្លៃទាំង៤រូប ក្នុងកម្មវិធីវង់តន្ត្រីខ្មែរ រដូវកាលទី២ ឯកឧត្តមសាស្រ្តាចារ្យព្រឿង ឈៀង ឯកទេសរបាំបុរាណ របាំប្រជាប្រិយ និងល្ខោនខោល បានសង្កត់ធ្ងន់ថា វប្បធម៌មិនមែនជារឿងធម្មតាទេ ក៏ប៉ុន្តែគឺជាព្រលឹងជាតិ ជាអត្តសញ្ញាណជាតិ និងជាអាយុជីវិតរបស់ជាតិសាសន៍មួយ ដែលទាមទារឲ្យប្រជាពលរដ្ឋខ្មែរទូទៅ ចូលរួមអភិរក្ស ចូលរួមអភិវឌ្ឍ និងចូលរួមទទួលខុសត្រូវសិល្បៈវប្បធម៌ទាំងអស់គ្នា។

លោកស្រីសាស្រ្តាចារ្យ អ៊ុក សុផា ឯកទេសចម្រៀងអាយ៉ៃ និងចម្រៀងចាប៉ី បានបញ្ចេញសេចក្ដីសោមនស្សរីករាយជាមួយសហភាពសហព័ន្ធយុវជនកម្ពុជា ខេត្តស្វាយរៀង ហើយលោកស្រីបានមានប្រសាសន៍ថា ”កម្មវិធីនេះបានដាស់ស្មារតីឲ្យកូនខ្មែរភ្ញាក់រលឹក កុំភ្លេចវប្បធម៌ខ្មែរបុរាណ ទោះបីយ៉ាងណាក៏ដោយ ចេះមួយទម្រង់ណាក៏ដោយ ទោះមិនអាចចិញ្ចឹមជីវិត ក៏យើងត្រូវរក្សាដែរ ហើយលើកទឹកចិត្តឲ្យកូនៗ ក្មួយៗ ចៅៗទាំងអស់ មកបញ្ចេញសមត្ថភាព ក្នុងនាមជាកូនខ្មែររក្សាប្រពៃណីខ្មែរ រក្សាវប្បធម៌ខ្មែរយើង”។

ជាមួយគ្នានោះ ឯកឧត្តមបណ្ឌិតសាស្រ្តាចារ្យ យន់ ខៀន អនុរដ្ឋលេខាធិការក្រសួងវប្បធម៌ និងវិចិត្រសិល្បៈ និងជាគណៈកម្មការមួយរូបក្នុងវង់តន្ត្រីខ្មែរ រដូវកាលទី២នេះ លោកពិតជាមានសេចក្ដីត្រេកអរឥតឧបមាជាមួយសហភាពសហព័ន្ធយុវជនកម្ពុជា ខេត្តស្វាយរៀង ដែលបានបំផុសកម្មវិធីប្រកួតនេះឡើង ក៏ដោយហេតុថា នៅពេលតែយុវជនចូលរួម និងគាំទ្រសិល្បៈបុរាណខ្មែរហើយ នោះយើងនឹងមិនភ័យព្រួយអំពីរឿងបាត់បង់មរតកវប្បធម៌ជាតិនោះទេ ព្រោះការចូលរួមពីសំណាក់យុវជន គឺជាកម្លាំងចលករយ៉ាងចម្បង ដែលនឹងធ្វើឲ្យសិល្បៈវប្បធម៌ខ្មែរគង់វង្ស និងរីកចម្រើនតរៀងទៅ។

ចំណែក លោកស្រីសាស្រ្តចារ្យ អ៊ុយ លតាវណ្ណ ឯកទេសចម្រៀងយីកេ និងចម្រៀងបាសាក់ បានបង្ហាញទឹកចិត្តរំភើបជាមួយកម្មវិធីវង់តន្ត្រីខ្មែរ ដែលនឹងដើរតួនាទីបម្រើផលប្រយោជន៍របស់វប្បធម៌ជាតិ និងបណ្ដុះស្មារតីស្នេហាវប្បធម៌ ដោយអនុញ្ញាតឲ្យយុវជនបានស្គាល់ និងចូលរួមអភិរក្ស និងអភិវឌ្ឍវប្បធម៌ជាតិខ្មែរយើង។

គណៈកម្មការទាំងបួនរូប ក៏បានលើកឡើងជារួម ដោយលើកទឹកចិត្តឲ្យ យុវជនខ្មែរ និងអ្នកស្នេហាវិស័យសិល្បៈវប្បធម៌បុរាណ ជាអ្នកអាជីពក្ដី មិនអាជីពក្ដី ឲ្យចូលរួមប្រកួតបញ្ចេញសមត្ថភាពរបស់ពួកគេ ក្នុងស្មារតីអភិរក្ស និងអភិវឌ្ឍសិល្បៈដ៏សម្បូរបែបរបស់ខ្មែរយើង ដែលបន្តពីដូនតាមក។

គួររំឭកថា ចំពោះការចូលរួមប្រកួត បងប្អូនត្រូវផ្ញើវីដេអូសម្តែងរបស់ខ្លួន និងថ្លៃចូលរួមប្រកួតតម្លៃត្រឹម ១ម៉ឺនរៀលតែប៉ុណ្ណោះ មកកាន់ទំព័រហ្វេសបុករបស់សហភាពសហព័ន្ធយុវជនកម្ពុជា ខេត្តស្វាយរៀង (UYFC Svay Rieng Province – សហភាពសហព័ន្ធយុវជនកម្ពុជាខេត្តស្វាយរៀង) ឬក៏តេលេក្រាមរបស់កម្មវិធីវង់តន្រ្តីខ្មែរ តាមរយៈលេខទូរសព្ទ (099 914 121 / 098 914 121)។ ចំពោះកុមារតូចៗ និងជនពិការ ត្រូវបានលើកទឹកចិត្ត។

គួរបញ្ជាក់ថា កម្មវិធីវង់តន្រ្តីខ្មែររដូវកាលទី២នេះ នឹងចាប់ផ្តើមទទួលវីដេអូប្រកួត ចាប់ពីថ្ងៃនេះតទៅ រហូតដល់ថ្ងៃទី១៤ ខែ កក្កដា ឆ្នាំ២០២១។

ចំពោះជយលាភីលេខ ១ លេខ២ និង  លេខ៣ នឹងទទួលបានទឹកប្រាក់រង្វាន់ដូចជា៖

-ជយលាភីលេខ១៖ ១២,០០០,០០០រៀល

-ជ័យលាភីលេខ២៖ ៨,០០០,០០០រៀល

-ជយលាភីលេខ៣៖ ៤,០០០,០០០ រៀល។

*សម្រាប់ព័ត៌មានលំអិតសូមទាក់ទងមកកាន់លេខទូរស័ព្ទ 099 914 121 / 098 914 121 ហើយនិង មានការផ្សាយផ្ទាល់តាមរយៈទូរទស្សន៍ BTV ផងដែរ។

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៣ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៥ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៦ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៦ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ១ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម