Connect with us

ព័ត៌មានជាតិ

បើកយុទ្ធនាការចាក់វ៉ាក់សាំងដល់ពលរដ្ឋ២៧ម៉ឺនាក់ទៀតនៅខេត្តកំពង់ចាមចាប់ពីថ្ងៃទី១៥កក្កដានេះ

បានផុស

នៅ

ភ្នំពេញ៖ ក្រុមការងារចាក់វ៉ាក់សាំងបានបើកយុទ្ធនាការចាក់វ៉ាក់សាំងការពារជំងឺកូវីដ-១៩ដល់ពលរដ្ឋ២៧ម៉ឺនាក់ទៀតនៅស្រុកចំនួន៥ទៀតនៅខេត្តកំពង់ចាមចាប់ពីព្រឹកថ្ងៃទី១៥ ខែកក្កដា ឆ្នាំ២០២១នេះតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត គីមសួរ ភីរុណ ប្រធានមន្ទីរសុខាភិបាល ខេត្តកំពង់ចាមបានឱ្យដឹងថា ស្រុកចំនួន៥ដែលត្រូវចាក់វ៉ាក់សាំងនៅព្រឹកនេះរួមមាន ស្រុកស្ទឹងត្រង់ ចំការលើ ស្រីសន្ធរ កោះសូទិន និងស្រុកកងមាស។

លោកវេជ្ជបណ្ឌិត បានបន្តថា យុទ្ធនាការនេះ ត្រូវប្រើប្រាស់បុគ្គលិកពេទ្យ និងក្រុមគ្រូពេទ្យស្ម័គ្រចិត្ត ចំនួន ៦៤០នាក់ ចែកចេញជា ៦៤ក្រុម ដើម្បីបំរើសេវាចាក់ជូនប្រជាពលរដ្ឋ ក្នុងតំបន់នីមួយៗ ដោយត្រូវអនុវត្ត នៅក្នុងទីតាំង ចំនួន ៤៣កន្លែង។

លោក វេជ្ជបណ្ឌិតបានបន្តថា៖ “បច្ចុប្បន្ន វ៉ាក់សាំងបង្ការកូវីដ-១៩ ប្រភេទ ស៊ីណូវ៉ាក់ ទាំងដូសទី១ និងដូសទី ២ មានចំនួន ៥៤៣,២០៦ដូស បានមកដល់ខេត្តកំពង់ចាម រួចហើយ។ ដោយឡែក ប្រជាពលរដ្ឋទាំង ៥ស្រុក ត្រូវទទួលវ៉ាក់សាំងបង្ការនេះ មានចំនួន ២៧១,៦០៣នាក់។ ដូច្នេះ តាមការប៉ាន់ប្រមាណ វ៉ាក់សាំងទាំងអស់នេះ គឺអាចចាក់ជូនប្រជាពលរដ្ឋទាំង ៥ស្រុក បានហើយ”។

គួរបញ្ជាក់ថា បច្ចុប្បន្ននេះមានប្រជាពលរដ្ឋ ប្រមាណ ៣៤ម៉ឺននាក់ នៅក្នុងក្រុង ស្រុកចំនួន៥ នៃខេត្តកំពង់ចាម រួមមាន  ក្រុងកំពង់ចាម កំពង់សៀម ព្រៃឈរ ជើងព្រៃ និងស្រុកបាធាយ ទទួលបានវ៉ាក់សាំងបង្ការ ក្នុងនោះពលរដ្ឋទទួលបាន​ដូស​ទី១មានប្រមាណជាង ២៣ម៉ឺននាក់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម