ពលរដ្ឋនិងអាជីវករធ្លាប់ពាក់ព័ន្ធជាមួយមន្រ្តីឥណទាន គ្រឹះស្ថានមីក្រូហិរញ្ញវត្ថុអម្រឹត សាខា ដូន ស ប្រញាប់ទៅធ្វើតេស្តរកកូវីដ

ក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ ខេត្ត ស្វាយរៀង​ នៅរសៀលថ្ងៃទី ២៤ កក្កដា នេះ បានអំពាវនាវ​ដល់បងប្អូនប្រជាពលរដ្ឋ អាជីវករ ដែលធ្លាប់ពាក់ព័ន្ធ ជាមួយស្រ្តីឈ្មោះ លន់ លក្ខិណា អាយុ ២៩ឆ្នាំ មន្រ្តីឥណទាន គ្រឹះស្ថានមីក្រូហិរញ្ញវត្ថុអម្រឹត សាខាដូនស ស្ថិតនៅឃុំដូនស ស្រុកស្វាយជ្រំ ខេត្ត ស្វាយរៀង ប្រញាប់ទៅយកសំណាកធ្វើតេស្តរកវីរុសកូវីដ១៩។

ក្រុមការងារស្រាវជ្រាវ បានឱ្យដឹងថា ស្រ្តីឈ្មោះ លន់ លក្ខិណា រស់នៅភូមិសម្លរឆៅ ឃុំចន្ត្រី ស្រុករមាសហែកបានឆ្លងជំងឺកូវីដ។ ហេតុដូច្នេះ ប្រសិនបើបងប្អូននមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វើតេស្តរកមេរោគកូវីដ១៩ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ ខេត្ត088 783 6666 ឬ 097 503 4567 ដើម្បីមានវិធានការណ៍បន្ត ។

ក្រុមការងារស្រាវជ្រាវ បានបន្តទៀតថា សម្រាប់អ្នកដែលមានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។

គួរបញ្ជាក់ថាគិតត្រឹមព្រឹកថ្ងៃទី ២៤ កក្កដា នេះ ខេត្តស្វាយរៀង មានអ្នកឆ្លងជំងឺកូវីដ ចំនួន ៤៣២២ នាក់ អ្នកជាសះស្បើយចំនួន ៣៥០៥ នាក់ កំពុងសម្រាកព្យាបាលចំនួន ៧៤៥ នាក់និងស្លាប់ចំនួន ៦៩ នាក់៕

អត្ថបទ៖សំអឿន