ព័ត៌មានជាតិ
អភិបាលខេត្តកំពត ៖ ដំណើរការបោះឆ្នោត ជ្រើសរើសក្រុមប្រឹក្សាក្រុងបូកគោ ប្រព្រឹត្តទៅដោយរលូន និងមានសណ្ដាប់ធ្នាប់
(កំពត)៖ ការបោះឆ្នោតលើកទី១ ជ្រើសរើសក្រុមប្រឹក្សាក្រុងបូកគោ បានប្រព្រឹត្តទៅដោយរលូន មានសន្តិសុខសណ្ដាប់ធ្នាប់ ប្រកបដោយបរិយាកាសល្អ ក្រោមវត្តមានលោក ជាវ តាយ អភិបាលខេត្ត និងជាប្រធានគណៈបញ្ជាការឯកភាព រដ្ឋបាលខេត្តកំពត។
ក្រុងបូកគោ នៃខេត្តកំពត គឺជាក្រុងដែលត្រូវរាជរដ្ឋាភិបាល ទើបបានបង្កើតឡើងថ្មី ហើយដើម្បីឲ្យស្របទៅតាម ច្បាប់ ស្ដីពី ការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ។ ដំណើរការបោះឆ្នោត ជ្រើសរើសក្រុមប្រឹក្សាក្រុងបូកគោ ក្រោមការរៀបចំ ដោយគណៈកម្មាធិការជាតិរៀបចំការបោះឆ្នោត (គជប) បានប្រព្រឹត្តទៅ នៅព្រឹកថ្ងៃអាទិត្យ ទី២៥ ខែកក្កដា ឆ្នាំ២០២១ នៅឯមណ្ឌលបោះឆ្នោត នាសាលាបឋមសិក្សារលួស ស្ថិតក្នុងឃុំបឹងទូក ស្រុកទឹកឈូខេត្តកំពត។
ក្នុងដំណើរការបោះឆ្នោតនេះដែរលោក ជាវ តាយ អភិបាលខេត្ត និងជាប្រធានគណៈបញ្ជាការឯកភាព រដ្ឋបាលខេត្ត បានចូលរួមដឹកនាំកម្លាំងការពារ រក្សាសន្តិសុខសណ្ដាប់ធ្នាប់ ក្នុងបរិវេណនៃមណ្ឌល បោះឆ្នោតផងដែរ។ ក្នុងដំណើរការបោះឆ្នោតនេះទៀតសោត បានប្រព្រឹត្តទៅដោយរលូន សន្តិសុខសណ្ដាប់ធ្នាប់ បរិយាកាស ក្នុងមណ្ឌលបោះឆ្នោតមានភាពស្ងប់ស្ងាត់ល្អ មានគណបក្សនយោបាយក្នុងបញ្ជី ចូលរួមប្រកួតប្រជែងក្នុងការបោះឆ្នោត មានចំនួន ៤គណបក្ស និងមានភ្នាក់ងារសង្កេតការណ៍ របស់គណបក្សនយោបាយនីមួយៗ និងភ្នាក់ងារសង្កេតការណ៍របស់អង្គការសង្គមស៊ីវិល ចូលរួមសង្កេតការណ៍ប្រកបដោយមានលក្ខណៈត្រឹមត្រូវយុត្តិធម៌ និងតម្លាភាព។
លោក ជាវ តាយ អភិបាលខេត្ត និងក្នុងនាមប្រធានគណៈបញ្ជាការឯកភាព រដ្ឋបាលខេត្ត បានចាត់ទុកការបោះឆ្នោតជ្រើសរើសក្រុមប្រឹក្សាក្រុងបូកគោនេះ គឺជាប្រវត្តិសាស្ត្រសម្រាប់ក្រុងបូកគោនៅខេត្តកំពត ដោយរក្សាបាននូវសន្តិសុខសណ្ដាប់ធ្នាប់ និងមានភាពរលូនប្រកបដោយបរិយាកាសល្អ ត្រឹមត្រូវនិងយុត្តិធម៌ តម្លាភាព ចំពោះគណបក្សនយោបាយនីមួយៗ ក្នុងការបញ្ចេញឆន្ទៈរបស់ខ្លួន។
លោកបណ្ឌិត តែ ជិនណារិទ្ធិ ប្រធានគណៈកម្មាធិការរៀបចំការបោះឆ្នោតថ្នាក់ខេត្ត ក៏បានបញ្ជាក់ឱ្យដឹងដែរថា ក្រុងបូកគោជាក្រុង ដែលទើបត្រូវបានរាជរដ្ឋាភិបាលបានបង្កើតឡើងថ្មី ហើយដើម្បីឲ្យស្របតាមច្បាប់ស្ដីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ គឺទើបឈានដល់ការរៀបចំការបោះឆ្នោតដើម្បី ជ្រើសរើសក្រុមប្រឹក្សាក្រុង ដែលជាចាំបាច់ធ្វើឡើងឲ្យស្របទៅតាមច្បាប់កំណត់ ស្ដីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ ។ រីឯដំណើរការបោះឆ្នោតនេះ មានគណបក្សនយោបាយចុះ ក្នុងបញ្ជីចូលរួមប្រកួតប្រជែងបោះឆ្នោតចំនួន៤ គឺគណបក្សប្រជាជនកម្ពុជា,គណបក្សយុវជនកម្ពុជា ,គណបក្សសញ្ជាតិកម្ពុជា និងគណបក្សហ៊្វុនស៊ិនប៉ិច។
ចំណែកដើម្បីឈានមក ដល់ដំណើរការនៃការបោះឆ្នោតពេលនេះ គឺចាប់ដើមទីដំបូងមានគណបក្សនយោ បាយទាំងបួន បានចូលរួមធ្វើយុទ្ធនាការឃោសនា រយៈពេល៨ថ្ងៃ គឺចាប់ពីថ្ងៃទី១៦ដល់ថ្ងៃទី២៣ ខែកក្កដា ឆ្នាំ ២០២១ ហើយត្រូវបានបញ្ចប់នៃយុទ្ធនាការឃោសនាបោះឆ្នោត។
សូមបញ្ជាក់ថា ការបោះឆ្នោតនេះមានអង្គបោះឆ្នោត ចំនួន១៧រូប ជាសមាជិកក្រុមប្រឹក្សាឃុំ មកពីឃុំចំនួន៣ ដែលត្រូវបង្កើតក្រុងបូកគោនេះ គឺឃុំបឹងទូក, ឃុំកោះតូច និងឃុំព្រែកត្នោត។ ជាលទ្ធផលបឋមបណ្ដោះ អាសន្ន នៃសង្កេតការណ៍ ក្នុងដំណើរការរាប់សន្លឹកឆ្នោត ក្នុងមណ្ឌលបោះឆ្នោត ត្រូវបានទទួលលទ្ធផល ទៅលើគណបក្សប្រជាជនកម្ពុជា ទទួលបានសំឡេងសន្លឹកឆ្នោត គាំទ្រចំនួន១៧ លើ១៧សំឡេង៕ (ដោយ)៖ សេង ណារិទ្ធ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ