ព័ត៌មានជាតិ
២នាក់ប្តី-ប្រពន្ធ ដឹកបង្គាក្រៀម ពីកំពត មកលក់នៅភ្នំពេញ ហើយ២ថ្ងៃលក់ចំណេញ មិនក្រោម៣០ម៉ឺនរៀលទេ
២នាក់ប្តី-ប្រពន្ធ ដែលមានវ័យជិត៥០ឆ្នាំ បានតស៊ូក្នុងរបរដឹកបង្គាក្រៀម ពីខេត្តកំពតមកលក់នៅភ្នំពេញ តាមរយៈម៉ូតូចាស់មួយគ្រឿង។ ប៉ុន្តែអាចរកប្រាក់ចំណេញបាន ចំនួន៣០ម៉ឺនរៀល ក្នុងរយៈពេល២ថ្ងៃ។
តាមការរៀបរាប់ពីបុរសជាប្ដីឈ្មោះ កន ម៉ាប់ អាយុ៤៦ឆ្នាំ បច្ចុប្បន្នរស់នៅភូមិកោះត្រាច ឃុំស្វាយទល់ ស្រុកកំពង់ត្រាចខេត្តកំពត បានឲ្យភ្នាក់ងារកម្ពុជាថ្មី ដឹងនៅថ្ងៃទី៣០ ខែកក្កដានេះថា សព្វថ្ងៃនេះរូបគាត់ និងប្រពន្ធបានប្រកបមុខរបរដឹកបង្គាក្រៀម ពីខេត្តកំពតមកលក់ នៅតាមបណ្តាផ្សារ ក្នុងរាជធានីភ្នំពេញ ដោយបានកម្រៃគួរសមហើយអាចឲ្យគ្រួសាររបស់ពួកគាត់ មានកូន៣នាក់ រស់បានដោយស្រួល។
បុរសជាប្ដីដដែល បានឲ្យដឹងទៀតថា រូបគាត់បានដឹកបង្គា រួមទាំងប្រពន្ធដែលអង្គុយលើ រានក្រោយចេញពីផ្សារកំពត នៅម៉ោង២ និង៣០នាទីរំលងអាធ្រាត្រ តាមផ្លូវជាតិលេខ៣ មកដល់បេនឡានផ្សារច្បារអំពៅ រាជធានីភ្នំពេញ នៅម៉ោង៩ និង១០នាទី ដើម្បីយកបង្គាក្រៀមបោះឲ្យម៉ូយ។
ពេលបោះឲ្យម៉ូយ នៅផ្សារច្បារអំពៅរួចមក ពួកគាត់បន្តដឹកឲ្យម៉ូយនៅផ្សារឧត្តុង្គ ហើយសម្រាកនៅឧត្តុង្គមួយយប់ព្រឹកឡើងយកបង្គា ដែលនៅសល់បោះឲ្យម៉ូយ នៅតាមបណ្តាផ្សារ ក្នុងរាជធានីភ្នំពេញ រហូតដល់អស់ទើបឡើងទៅកំពតវិញ។ អ្វីដែលបុរសឈ្មោះ កន ម៉ាប់ អួតសសើរពីម៉ូតូចាស់របស់ខ្លួន ដែលដឹកឥវ៉ាន់រាល់ថ្ងៃគឺម៉ាក់ (សេដេ) ផលិតនៅប្រទេសជប៉ុន ដែលម៉ូតូនេះគាត់ បានទិញមកប្រកបមុខរបរ ដឹកបង្គាក្រៀមលក់ អស់រយៈពេល២៥ឆ្នាំមកហើយតែម៉ូតូនេះ តស៊ូជាមួយគាត់រហូតមក។
លោក ម៉ាប់ បានបញ្ជាក់ទៀតថា សម្រាប់មុខរបរនេះ គឺរូបគាត់ អាចរកប្រាក់ចំណេញ មិនក្រោម៣០ម៉ឺនរៀល ក្នុងអំឡុងពេល២ថ្ងៃប៉ុណ្ណោះ។ ដូច្នេះមុខរបរនេះ លោក និងប្រពន្ធ នៅបន្តរហូតដល់លែងមាន កម្លាំងបន្តទៀតបានហើយក៏មិនដឹងផ្លាស់ប្តូមុខរបរអ្វីក្រៅពីនេះដែរ។ ក្នុងនោះលោក ក៏សូមថ្លែងអំណរគុណដល់ម៉ូយៗ ដែលតែងជួយទិញបង្គាក្រៀមរបស់លោក ជារៀងរហូតមកនោះ៕ (ដោយ)៖ នរា





-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ